غطاء العربية اتسرق

**abo_lamar** · 03-12-2009 01:01 AM

المشاركة الأصلية كتبت بواسطة medo980

بص يا باشا انت ممكن تعمل زى ما انا بعمل انا جايب طوبه صغيره فى حجم اللمونه وبغطى العربيه وبعد لما اغطيها افتح الباب بتاعى واسحب الغطاء شويه لداخل العربيه واحط الطوبه واقفل عاليها الباب الحرامى لو اتنطط هيشد مش هيخرج معاه عشان الطوبه مسكه من الداخل

والله فكرة جامدة .. عموما انا اشتريت غطاء قماش عادي وكتبت عليه رقم العربية بالبوية ... لما نشوف عم الحرامي المرة دي حيعمل ايه ؟

**wisambasha** · 03-12-2009 09:00 AM

المشاركة الأصلية كتبت بواسطة elakawy

لاوالله الغطاء بقالة فترة عندي بس كنت غسله فشكله جديد لانج

ربنا يباركلك في الغطاء الجديد اللي انت لسه جايبه وكويس انك كتبت عليه بالبوية

بس انا عاوز اسألك هو الغطاء الووتر بروف بيتغسل في الغسالة عادي ولا ايه؟

**funnyjonson** · 08-12-2009 08:27 PM

طيب انت اتسرق غطاء عربيتك انا نزلت مره لقيت الباب مخبوط لدرجه الازاز مش بيفتح ومن يومين لاقيت خدش تحت الباب ودمى محروق اوى

بالنسبه للغطاء موضوع قفل الباب عليه ده عملى جدا وكمان اكتب ملاكى كذا ورقم عربيتك من قدام ومن ورا بالبويه وكبرها على قد ما تقدر لان كده محدش هيعرف يبيعه لانه فقد قيمته واصبح مشوهه