عايز اعرف اسعار الmacbook برة مصر .. هل من مساعد :)

**kareemhisham** · 08-12-2009 01:20 AM

المشاركة الأصلية كتبت بواسطة damasry

استاذ كريم

مش لازم منظفات، اى حطة قماش ناعمة او ياريت قطنة ونضفه اول بأول وهو ها يبرق معاك، بالنسبة للريست باد هى مشكلة وممكن مع التنضيف العادى او زى ما الاستاذ بحرى قالك باستخدام البلاستيك الواقى اللى بيكون علىى شاشات الموبايلات الجديدة.

مش موضوع نصيحة، هو موضوع حضرتك عايز انهى امكانيات وها تستخدمه فى ايه؟؟ والاهم كاشاتك قد ايه؟؟

طبعا البرو افضل من الوايت بكتيير كا امكانيات، بس المهم تكون ها تستخدم الامكانيات دى.

لو على الكاشات فالفرق مش كبير (طبعا مش هنا فى مصر) ..

اما عن الامكانيات .. فانا احب يبقا تحت ايدى كمبيوتر قوى ميقولش لأ ..

انا شغلى عليه مش جرافيك كتير .. هو اوفيس و اكروبات كتير ..

**kareemhisham** · 08-12-2009 01:22 AM

المشاركة الأصلية كتبت بواسطة damasry

استاذ احمد زى ما عرضت على الاستاذ كريم، لو عايز الجهاز من نيو يورك معفى من الضرائب انا ممكن اساعدك فيه فى اى وقت.

عندى سؤال يا استاذ محمد .. هل فى حد من معارفك فى نيويورك طالب فى مدرسة او جامعة او مدرس ؟؟

**kareemhisham** · 08-12-2009 01:25 AM

المشاركة الأصلية كتبت بواسطة damasry

مش شبه ناردة ولا حاجة بس عشان ارتفاع اسعاره واختلاف النظام الخاص بيه فا مش فيه اقبال عليه لكن معظم استوديهات الجرافيكس والانيميشن والمونتاج بيشتغلوا بيه ومش انسى ايام المدرسة كان فيه اتنين زماااااان فى معمل الكومبيوتر ماك وكانوا منزلين عليه ويندوز 95 هههه

انا رغم انى لسه عامل جهاز حلو جايب مكوناته من بره لكن ان شاء الله ناوى على imac ال 27 انش

وربنا يكرم ان شاء الله ها نجهز استوديو سغنن كده لأختى الصغيرة بعد التخرج بجهاز او اتنين ماك برو للمونتاج كا مشروع ليها هى وزميلاتها بعد التخرج.

الiMac دة فعلا رهيب رهيب .. لولا انى محتاج لاب توب كنت جبته بدون لحظة تردد

**damasry** · 08-12-2009 01:26 AM

المشاركة الأصلية كتبت بواسطة kareemhisham

عندى سؤال يا استاذ محمد .. هل فى حد من معارفك فى نيويورك طالب فى مدرسة او جامعة او مدرس ؟؟

عندى بس هى هى، ازاى؟

لو ها تاخد الخصم بتاع الطلبة يبقى ها تدفع الضرائب، لو ها تروح للاعفاء من الضرائب من ها تاخد التخفيض بتاع الطلبة.

الاتنين ماشى، شوف اللى يناسبك.

**damasry** · 08-12-2009 01:37 AM

المشاركة الأصلية كتبت بواسطة kareemhisham

معلش ممكن تفهمنى اكتر .. يعنى ايه هدفع الضرائب ؟؟ ازاى ؟ و لمين بظبط ؟؟ ابل ولا و الجهاز خارج من البلد ؟؟ ..

معلش اسألة كتير شوية :)

اسأل ولا يهمك، لو ها تاخد الجهاز تبع الطلبة يبقى عاادى ها تدفع الضرائب العادية هناك، وها تلاقى سعره وصل لسعره الرسمى بدون ضرائب.

لو ها تشترى زى ما قولتلك على موضوع الاعفاء يبقى ها تدفع السعر الرسمى بس.

**damasry** · 08-12-2009 02:03 AM

المشاركة الأصلية كتبت بواسطة kareemhisham

طب اومال التخفيض لازمته ايه ؟؟

الطبيعى ان السعر يكون مثلا يعنى كا التالى

سعر الجهاز 10 الضريبة2 يبقى التوتال 12

لو انت طالب يبقى ليك تخفيض 2 يعنى سعر الجاهز يبقى 8 + ضريبة2 يبقى التوتال 10

يعنى تخفيض الطلبة زى ما تقول بيعادل الضريبة، يعنى يرجع الجهاز لسعره الرسمى.

طبعا انا مش مطبق الاسعار الحقيقية، يعنى كلامى مش دقيق اوى

**damasry** · 08-12-2009 02:28 AM

المشاركة الأصلية كتبت بواسطة kareemhisham

يبقا سعره بعد التخفيض + الضرائب , احسن من السعر الرسمى + الضرائب .. 10 احسن من 12 :)

انا حاسس انى غبى اوى :)

شوف كده، دا الجهاز الوايت عليه التخفيض 50دولار للطلبة، مش عارف بقى فيه ضرائب فى الخطوة اللى جايا ولا لأ، بس لو مش فيه ضرائب يبقى سعره افضل، سعره كده عامل حوالى 5172.