حكاوى يوميه فى بلدنا السبهلله والمهلبيه ........ متجدده دائما

**Ashraf_Ashraf** · 02-12-2009 11:17 AM

فى بلد ماشيه بنظام سيبها على الله وربنا يسترها ياعم ماتنبرش فيها يامان اجد عندى الرغبه فى كتابه ملاحظات كلنا بنتعرض ليها ويمكن لانه كتر علينا اللى بنشوفه معدناش بنشوف ولا بنهتم

فى يوم اصحى الصبح واجى اخرج على شغلى اركب العربيه واسمى الرحمن وامشى اكتشف فى اخر الشارع
ان الاسفلت اتسرق جت مقشطه اكلته ومشيت ومالهاش اى اثر ولا شايف حد بيشتغل قلت يمكن منتظرين الجو يهدى ويبدوا الشغل وبالليل لما ارجع اكيد هلاقى الشارع اتعمل
رجعت بالليل لقيت الشارع زى ماهو يالهوى هو الاسفلت الجديد لسه بيتسيح ولا ايه فات كتير اكتر من شهرين
والشارع بدون اسفلت طبقه معرجه لاتخليك تقدر تتحكم فى العربيه ولا تقدر تسيطر على الفرامل
احساس رهيب انك تحس انك ماكش قيمه فى البلد ولا روحك ولا روح اولادك وتتسال هو مافيش اسفلت فى البلد
ولا لسه بيلموا تمنه وتكلفت الاسفلت الجديد طيب لما مافيش ميزانيه بيشلوه ليه ماينتظروا لما تجهز كل حاجه
والمصيبه ان ده بقى الاساس فى العمل كشط الشوارع ويسبوها بالشهور ليه ولمصلحه مين
ويعينى بقى لما يبقى طريق سريع زى اسكندريه الزراعى ولا طريق المنصوره القاهره وكتير غيرهم
لاسف نفس الموقف صادفته فى الطائف بالسعوديه جزء من الشارع بالنسبه ليهم بقى خشن ( شوفته الدلع )
الجزء ده اتحوط بالاقماع وجت المقشطه شلت الطبقه القديمه ووراها اتحط الاسفلت الجديد فى مسافه اكتر من كيلو
اخدت حوالى 7 ساعات وانتهى الموضوع واحنا لسه بنقول عليهم عرب متخلفين
خايف مره اخرج مالقيش الشارع كله مش الاسفلت بس
وصباح الخير يامصر

**nomercy22** · 02-12-2009 01:04 PM

هههههههههههههههههههههه
طب اسمع ديه السنه اللي فاتت غيروا اسفلت الجامعه مرتين مره في شهر12 علشان الريس كان جي ومره في شهر 6 علشان اوباما كان جي وعايز اقولك انوا اتغير في زمن قياسي طبعا

**nab!l** · 02-12-2009 01:07 PM

عادى ياجماعة
بقى شئ طبيعى

**Ahmed Nouh** · 02-12-2009 02:00 PM

انا من كتر ما الحركه دى بتتعمل بقيت اتخيل ان الاسفلت اللى اتشال بيروح يتعمله اعاده تصنيع وبرجع لنا تانى

اصل تفسر بأيه مده الشهر او اكتر انتظار ؟ !!!

**egytamer** · 03-12-2009 12:27 AM

انا بشتغل في شركة في التبين الطريق كان من بعد مدخل 15 مايو من الاتوستراد متكسر وكلو مطبات رهيبة بدئو يسفلتو الطريق ويعملو فية اختراعات غريبة تحس انهم هيعملوة مهبط للطيارات الحربية والكلام دة من حوالي سنة ونصف ولسة مخلص والاسفلت الجديد الي عملوة باظ من المناطق الي عملوها في الاول

**a7mode** · 03-12-2009 02:47 AM

ايوه هما بيشيلو الاسفلت القديم الاول وبعدين يعدو شهر او اكتر يفكرو بقى ايه هوا نوع الاسفلت الجديد اللى يناسب الشارع وحركته المروريه ويليق بمقام سكان الشارع ههههههههههههههههههههه والله حاجه تجن