خواطر يوميه للسوزوكيه...متجدد

**elkomyalto** · 22-03-2012 10:08 PM

بسم الله الرحمن الرحيم

هذا الموضوع ان شاء الله كل واحد منا من ( السوزوكيه )

يتكلم براحته فيه عن يومياته مع سيارته السوزوكى سواء مواضيع عامه او خاصه

كل واحد يقول ال فى نفسه وبراحته خالص

يارب الموضوع يعجبكم ان شاء الله
وارجوا ان الكل يشارك فى اليوميات

**elkomyalto** · 22-03-2012 10:13 PM

اسمحولى ابدأء الاول

وانا جاى الشغل بصراحه شفقان على العربيه من كمية المطبات ال عماله تاخدها من الشارع
بين كل مطب والاخر حفره او حجر ....
ويا سلام لما كل واحد قدام السارع بتاعه عامل مطب
المشكله انه مش بيعمل المطب بطريقه حنينه على العربيه لا بيكون مطب واقف عامل ذى
الخرسانه ومدبب يعنى ينهى على اجدع عافشة عربيه فى ظرف سنه او اقل

حاجه تذهق والله

**hamaza81** · 22-03-2012 10:22 PM

أما العبد لله اليومين دول مش عارف في ايه
كل شوية ادخل بين عربيتين اخبط المراية اليمين
بقالي 3 أيام كل يوم أخبطها
ربنا يستر

**dr.hazem** · 22-03-2012 11:23 PM

موضوع هايل وفكره جديده عالقسم

حماذه
انت مصمم تدخل في مشوار وقصة المرايه دي؟؟؟
ههههههههههههههههههه

ربنا يستر طريقك

النهارده بقا من امبارح بالليل وانا شامم ريحة بنزين ني ياجدعان

اخويا يقولي مش من عندك

فتحت النهارده الكبوت بعد ما لاحظت الريحة لما نزلت من العربية لقيت واحد من الافايز اللي ركبتهم جداد مكنش متقرط كويس فكان الخرطوم بينقط

ربنا سترها

ابتديت اخاف ياشباب
هههههههههههههههههههههه

تحياتي

**hamaza81** · 23-03-2012 10:51 AM

المشاركة الأصلية كتبت بواسطة msa142

بصراحة اجمل حاجة فى الماروتى المراية بتاعتها بتروح فى اى اتجاه انتا عاوزه ومتقولش لا
ولو اتكسرت عادى جدا هات انبوبة سيليكون والحم ياريس هتلاقيها رجعت عروسة .. يعنى من الاخر مراية صب :b4_282:

ياسيدي ربنا يستر على المرايات بتاعتنا
حاكم اصل دي لو باظت مافيش زيها في مصر كلها
اللي بتتباع في كل حتة أي كلام والناس بتشتكي منها

**hamaza81** · 23-03-2012 10:52 AM

المشاركة الأصلية كتبت بواسطة hm414

موضوع هايل وفكره جديده عالقسم

النهارده بقا من امبارح بالليل وانا شامم ريحة بنزين ني ياجدعان

اخويا يقولي مش من عندك

فتحت النهارده الكبوت بعد ما لاحظت الريحة لما نزلت من العربية لقيت واحد من الافايز اللي ركبتهم جداد مكنش متقرط كويس فكان الخرطوم بينقط

ربنا سترها

ابتديت اخاف ياشباب
هههههههههههههههههههههه

تحياتي

بيع العربية يا حازم
العربية دي خلاص اتنظرت

**Amr Axel** · 23-03-2012 10:54 AM

موضوع جامد جداااااا يا باشا تسلم ايديك
اخر يومياتي امبارح بليل
العربية قطعت بنزين و انا بدور ع بنزين فضلت ماشي من القاهرة الجديدة لغاية مدينة نصر و لفيت ع شرطة واحدة و في الاخر قطعت و فضلت مقضيها زق لغاية ما لقيت بنزينة وطنية جنب جامع السلام و دخلتها و كنت خلاص روحي قربت تطلع من الزق قبل ما اموت جيه واحد قصادنا حب يعمل فيها اهبل ظبطناه انا و اللي قدامي و وقفناه في الطابور ورا خالص عقبال ما قربت الطرمبة اللي قدام خلصت و مبقاش فاضي غير طرمبة واحدة دخلت اتخانقت مع موتسيكل دخل قدامي بالعافية و بتوع البنزينة مونوا بهدلتهم كلهم و كل الناس واقفين زي الارانب محدش عايز يتكلم بقيت انا الوحيد اللي بتكلم في البنزينة ع كل حاجة غلط حاجة تقرفو العامل يقولي لو كل واحد شدد الدنيا مش تمشي بقوله لو كل واحد شدد و بقي في نظام البلد ديه هتبقي احسن و خد عندك بقي لما بتقلب معايا بوطنية
بعد ما الموتسيكل مون و بعد ما الراجل اللي قدامي مون دخلت موننت و الطرمبة بيشوفوها لقوا خلاص انها بتخلص
و انا خارج جي راجع عشان اعدي من بين العربيتين جيه ورايا واحد ناصح راح داخل في العربية من ورا من الجنب الشمال نزلت لقيت الاكصدام وقع من الجنب المسمار اتكسر :((
و اخيرا رجعت البيت حوالي الساعة 12 و نص ليل بعد معاناة حوالي 5-6 ساعات في زق العربية و البحث عن البنزين

كان معاكم أكسل من موقع الحدث ههههههههههه

**elkomyalto** · 23-03-2012 09:15 PM

مقابلة الماروتيه او السوزوكيه فى الميروطيه كانت حكايه

بصراحه الواحد اتشرف واتعرف على ناس محترمه فى هذه المقابله

وفى انتظار التقرير يا شباب

واحلى ما فيها الرز الشايط هههههههههه