ما هي عيوب الأوبترا حتي الآن في نظر مالكيها ؟؟؟؟؟؟؟

**SaNisSro** · 17-06-2009 01:14 PM

مش مشكلة يا جماعة ما الاوبترا اخت النوبيرا في الرضاعة مفيهاش حاجة يعني :)

**mohamed_mohsen** · 17-06-2009 02:21 PM

المشاركة الأصلية كتبت بواسطة SaNisSro

مش مشكلة يا جماعة ما الاوبترا اخت النوبيرا في الرضاعة مفيهاش حاجة يعني :)

يللا حصل خير

**gado2416** · 29-06-2009 01:55 PM

السلام عليكم
اولا اناشايف اختلاف الاراء فى الموضوع من ناحيه ستايل العربيه من الداخل مش مهم هى فعلا كلاسيك
بس مش وحشه انما مقارنتها بالالنترا..الطابلوه شبابى يعنى دى اختلاف ازواق
بانسبه للصاج هو خفيف بس احسن من الالنترا لانها لما بتتخبط الصاج بيقطع ودى مشكله
غير انك لو معات صحابك 4 ولا خمسه ومسافرين مثلا الالنترا مقرفه لانها بتوطا خالص من ورا
وانا عن تجربتى للاوبترا لمده سنتين وانا مش برحمها سفر وحرق وتسقيط غيارات والسعر ده
من رأى انها جميله جدا مع بعض الاضافات البسيطه من الداخل او الخارج
واسف للاطاله

**gado2416** · 29-06-2009 02:11 PM

ملاحظه انا فى سفر شبه يوميا وبمشى بالعربيه 190 طول الطريق مع الغرز والكلام ده
والعربيه مشاء الله.. حبيت اوضح بس

**D . a .\ AYMAN** · 14-07-2009 01:46 PM

يعني الواحد يفهم من مجمل المشاركات كلها إن العربية ما شاء الله زي الفل

بس في بعض السيارات بيكون فيها مشاكل في العفشة وعلبة الدركسيون ... ؟؟!!!!

طب ما هي دي برضه هى نفس المشاكل اللى كانت موجودة في بعض سيارات النوبيرا قبلها برضه مش كلها .. ماعدا عيب المقصات اللى الكل أجمع عليه إنها ضعيفة جدا في النوبيرا

على فكرة مشكلة الصاج دي ماتعتبرش مشكلة لأن كل العربيات الجديدة اللى ركبتها صاجها واحد لا إختلاف بينهم إلا في بعض الموديلات القوية بطبعها

--------------

**aymansaad** · 14-07-2009 01:59 PM

الصاج خفيف وميستحملش

**mirageman** · 16-07-2009 02:09 PM

خفييييييييييييييييييييييي ييييييييييييييييييييييييي ييييييفة
متحاولش تجري بيها وهي مش محملة 4 على الاقل
ومتحاولش تجري بيها خالص على الاوتوستراد

**arakysolom** · 14-04-2010 10:24 AM

السلام عليكم
احب اوضح بصفتي من ملاك العربية
الصاج عموما بتاع العربية ضعيف جدا فيما عدا الرفارف اما الباقي لو حد سند عليه بيطبق فانا عندي نقرة في اسفل الباب بسبب ان واحد فتح بابه جنبي وصاج السقف بيلب معاك لو دست عليه بايدك اما الكبوت فهو ضعيف جدا ده لما البواب بيمسح العربية مرة سند بايده علي الكبوت عشان يمسح الزجاج راح مطبق حته من الكبوت ومش عارف دي تتصلح ازاي
انا كان عندي لانوس صاج السقف او الكبوت او حتي الابواب اقوي بكتير من الاوبترا بس كانت الرقارف الامامية ضعيفة جدا .
انا رأيي ان الاوبترا الاوتوماتيك صفقة كويسة و ليس المانيوال بس عيبها الحقيقي هو التوكيل ( لا يوجد احترام لمصداقية العميل - التهرب من اصلاح العيب الا بعد محاولات كتيرة -كترة الاجراءات حتي يتم معرفة سبب المشكلة اما بسبب الجهل و عدم الخبرة او للمراوغة حتي تصل للملل )
مميزات العربية الوسع الداخلي - الثبات لحد 140 - اداء موتور جيد جدا -محدش اشتكي من الجيربوكس الاوتوماتيك بتاعها
استعن بالله و حدد احتياجاتك الفعلية و فكر في بدائل اخري وصلي استخارة و ربنا يهديك للأنسب