انا شاكك فى طرومبه البنزين

**midoazzam** · 02-12-2009 08:04 PM

كنت خارج عادى جداا بالعربيه ووقفتها وبد دقيقتين بدورها مش راضيه تدور شاكيت فى ان يكون البنزين خلص روحت جبت 10 ليتر وحطيتها فى العربيه وبعدين دارت العربيه علطول بس مافيش سحب خالص وبعدين بتوقف كل شويه ومدورش غير بعد كذا مره وتدور وتمشى لو سيبت رجلى من على البنزين تروح نفصل وتقف العربيه تانى فضلت بيها كده من مصر الجديده لغايت شبرا تقف وتدور تقف وتدور وبرضه نافيش سحب خالص لغايت ماوقفت خالص ومش راضيه تدور مع انى جبتلها بنزين تانى ولو دى طرومبه البنزين هل ليها حل غير التغيير ولا ممكن يكون مشكله رشاشات او فلتر بنزين مع العلم انى عربيتى موديل 98 وعندى مشكله انا عداد البنزين بايظ فابحتلها بنزين يدوب على اد المشوار فمعنى ذالك انه ممكن يكون هو ده الى بوظ الطرومبه ولا المشكله فى ايه بالظبط

**windofchange** · 02-12-2009 08:27 PM

خلي الكهربائي يبصلك علي خرطوم البنزين اول متفتح كونتاكت بيطلع بنزين ولا؟ده لو الطرمبة كهربا وممكن بردو الفلتر يكون اتسد وده ليه معاد تغيير دوري

**M.Hassan47** · 02-12-2009 09:10 PM

انا كانت عندى نفس المشكلة دى بالظبط وكل المنتدى شارك فيها فاوفر على نفسك وخش على التوبيك ده
http://www.nilemotors.net/Nile/89916-98.html

**midoazzam** · 03-12-2009 06:18 PM

يعنى من غير واوجع قلبى اغير طرومبه البنزين والبوابه وانضف الرشاشات واغير الفلتر ولا اعمل ايه انا مش عايز اروح لحد يدخلنى فى حوارات كتيره بس انا فعلا كنت شاكك فى الطرومبه

**midoazzam** · 03-12-2009 06:29 PM

يعنى انت من رايك اغير طرومبه البنزين والبوابه وانظف الرشاشات واغير الفلتر

**Tayer** · 03-12-2009 07:57 PM

أتوكل على الله وغير كل الأنت قولت عليه

**M.Hassan47** · 04-12-2009 02:10 AM

عشان مدخلش نفسك فى حوارات ملهاش نهاية
ابدأ بالطرمبة وجيب واحده جديدة وحتى لو مطلعش العيب فيها يبقى شغلت على الأقل العداد مشتغلتش يبقى شوف الرشاشات لكن البوابة لا البوابة فى الأخر خالص ومعتقدش ان مشكلتك ليها علاقة بالبوابة انا كانت البوابة عندى اصلا تعبانة

**M.Mostafa80** · 06-12-2009 04:17 PM

ممكن تبدأ بتغيير الفلتر الأول وتشوف هتعمل معاك أيه
مجابش نتيجه يبقى تغير الطلمبه عشان حتى العوامه تشتغل
ومش من الصح انك تسيب العربيه لحد ماتخلص بنزين
الموضوع ده مضر جدا للرشاشات
البوابه دى تستبعدها نهائى