الموضوع: شاكك ان التانك مخروم!

التنك عندى كان مخروم واللى وصل ليا الشك انى كنت بشم ريحه البنزين جامده فى الشنطه و فى الصالون من ناحيه الشنطه فرحت للميكانيكى مشى ورا كل الخراطيم لقاها سليمه وراح بعدها للتانك فصل الخراطيم عنه وقفل مكانها و نفخ ببقة من فى التانك لقى حته فى التانك بترشح بنزين وبكده عرفنا انه مخروم
قولت له حل يا عم (كان فاصل الخرطومين بتوع العوامه والسلوك ) فلازم الاول نفضى التانك من البنزين وبعد ما فضناه و علشان نحل التانك لازم نحل الحزام المعدنى اللى ماسك التانك بشكل عمودى و ده له صاموله بتتفك ودى موجوده فى ظهر الكنبه فلازم نفك الصالون اللى ورا قعده و ظهر علشان نوصل للصاموله دى و نفكها وبكده يكون التنك حر ومش ماسكه الا المكان اللى بيتعبى منه ( على اليمين) وقاعدتين كاوتش التانك قاعد عليهم هيطلع الماسورة بتاعت التعبئة من التانك و يشده عليه كده التانك بقى معاه يكشف عليه بره براحته يشوف فيه خروم تانيه ولا لا و يمشى بقى فى دورة اللحام

الموضوع ده كلفنى اقل من 50 جنيه ( مش فاكر بالضبط)
بس مش غسلت التانك بالخل الميكانيكى غسله بالبنزين بعد ما اتلحم فهل من ضرر من عدم استخدام الخل؟