الموضوع: حقيقة الاطباق الطائرة ؟ سؤال محير الملايين ؟ هل من اجابة ...

المشاركة الأصلية كتبت بواسطة الدكتوور

هل بعد كل الوقت ده هييجوا يبصوا بصة و يمشوا :?: ؟؟؟ يعني حتا مش هيحاولوا يقولوا يا جماعة إحنا هنا و جايين نزوركوم و نطل عليكم ؟؟؟ مش معقولة بردوا صح ولا أنا غلطان ؟؟؟

لا هيقعدو يشربوو شاى وبتغدو كمان :D :D :D :D

الموضوع ده و مواضيع تانية كتييير ........... لسه الإنسان معرفش عنها كتييير
فبيتعامل معاها على إنها حاجة غامضة و ممكن كمان تكون مخيفة

بس هقولكم حاجة ...... موضوع ال Aliens ده ممكن يكون خرافة بجد
أنا قريت عنه كتييير و شفت صور أكتر و تشريح و كل حاجة عنهم

بس كل القصص بتبقى روايات من ناس ........ أو مثلاً يقولوا إن ال CIA يعرف الموضوع لكن هو سرى تماماً و محدش يعرف عنه حاجة ......... عشان يدوا للموضوع أهمية ....... و حتى الطبق الطائر الوحيد اللى وقع على الأرض فى بلد فى أمريكا بيقولوا إن وكالة الإستخبارات أخدته و خبته ... و أخدت ال Aliens اللى فيه و عملت عليهم أبحاث
طب هل فيه دليل ؟؟؟ لأ

الموضوع كله روايات إتركبت على بعض ...... و الصور حتى مش واضحة .....و أنا قريت كمان إن ممكن تكون صور للأقزام اللى عايشين فى أفريقيا و أسيا....... الأقزام دول فعلاً شكلهم غريب و ممكن تلاقى راسهم أكبر من الطبيعى و جحوظ فى عينهم و إختلافات تانية ..........فالصور دى مش شرط تكون لمخلوقات فضائية

أنا فاكر مرة زمان كان فيه برنامج إسمه أخبار الناس على القناة الأولى
المهم إستضافوا واحد .... قال إنه كان بيجرى فى منطقة صحراوية زى كل يوم (تمرينات جرى يعنى) ..... و فجأة لقى نور شديد فى عينه و أغمى عليه و بعد كده صحى لقى نفسه فى أوضه فى مركبة فضائية و قدامه ناس أقزام و كانوا لابسين فضى و بعد أخدوه بره المركبة و ودوه أوضه هما عاملينها تحت الأرض ( عندنا فى الصحراء بتاعتنا) و لقى فى الأوضه دى تماسيح متحنطة و قطط و حيوانات تانية كتيير

بزمتكوا ده كلام يعقل ......... التفسير الوحيد إن الراجل ده يأما أخد ضربة شمس أو عاوز يطلع فى التليفزيون

و صدقونى حكاية المخلوقات الفضائية دى صعب قوى تكون حقيقية .......

هى بس نتيجة إن الناس بتحب تتخيل !!!

أنا مقولتش إنها مستحيل تبقى موجودة

بس لو فكرنا فى الموضوع شوية هنلاقى إنه صعب قوى :roll:

المشاركة الأصلية كتبت بواسطة CryptonX

خرافات - تفاهات - ترهات

اسف مع احترامي الشديد لكم و لصاحب الموضوع .. ده كل شغل اعلامي بحت .. صور مفبركة .. هلوسات ..

لحد دلوقتي مفيش اثبات علمي " واحد " فقط و لا واحد بس يثبت او يشير او يقتبر من اي يثبت اي كلام من ده

لا تضيعوا وفتكم !!

معاك لكذا سبب

اولا صور الناس اللي موجوده في الصور
هي ٪99
من الصور الاعلاميه للانسان الفضائي

السبب التاني الفيديوهات
هي لمخلوق انساني اسمه DIRIGIBLE
اللي كان تطور للبالون
لو ركزت شويه في اول حتلاقيه عادي جدا



بالنسبه للربط بينها و بين المسيخ الدجال و الحجات دي فآعتقد انه ممكن يكون منطقي لاننا لا نعلم عنهم شئ

أنا اتعلمت كده من خلال تجارب سابقة في الحياة: فيه أسئلة في الحياة متحاولش تدور علي اجابتها...لأنها هتحيرك بدون داعي و ممكن تفقدك ثقتك بالله.

و ده بينطبق مش بس علي الموضوع ده لكن علي مئات المواضيع اللي حوالينا و يمكن تكون بسيطة لكن معقدة أوي.

موضوع سكان الفضاء من أكتر المواضيع اللي بتسببلي رهبة و خوف و غموض في نفس الوقت...لكن بشبع الأحاسيس دي بأني بقرأ روايات ملف المستقبل...و فعلا بتخليني أعيش الأحداث و بتهدي رغبة المعرفة جوايا شوية

فى كتاب كنت قريته اسمه ( هادم الأساطير ) , من تأليف د. أحمد خالد توفيق و معه م. سند راشد دخيل , يتناول كل الظواهر الخارقة اللى ممكن تسمع عنها بنظرة موضوعية واقعية , و يكشف زيف أغلب هذه الفرقعات الاعلامية ,,
و الظاهر فى الاخر الحكايات دى كلها ( أكل عيش ) , أو بحثا عن شهرة لأصحابها أو ما شابه ..

صحيح الحكايات دى لذيذة و تثير الخيال و و الواحد يحب يسمعها , و أنا شخصيا من المعجبين جدا ب ( X- Files ) , لكن مش لازم ننغمس فيها , أو نضيع وقتنا فى البحث عن اجابات ...

ممكن تنزلوا الكتاب من الرابط ده : ( بعد اذن الادارة ) :
http://www.4shared.com/file/10265285...c9b/hadem.html