الموضوع: اى حد عمل صيانة بالتوكيل يقلنا رأيه فى التوكيل فى كلمتين

المشاركة الأصلية كتبت بواسطة أحمد كمال

تبقى غلطان اكبر غلط لو رحت لبلية الميكانيكي يخترع لك في عربية زيرو طبعا ........

انصحك بلاش بلاش بلاش

التوكيل هو اكتر واحد - بعد الصانع - فاهم العربية دي

التوكيل هو اللي عارف كل حاجة بتتفك و تركب ازاي

التوكيل مش هيبقى مش عارف و يمهيص و يقول لك انا اشتغلت في 10000 لوجان قبليك و هو اصلا هيقضيها بالبركة و ممكن يبوظ حاجة

التوكيل لو بوظ حاجة هيشيلها

التوكيل ما بيفتيش الفتي الخزعبلي بتاع الصنايعية (زي اللي قال لك الرفارف فيبر و غيرهم كتير)

راجع الموضوع ده :http://www.nilemotors.net/Nile/109145-a.html

التوكيل عمره ما هيجيب رجلك و يقول لك شغلانة تاخد يوم و تكلف 100 و ينتهي الامر انها تاخد شهر و تكلف 5000 و برضه اي كلام

و اهم شئ

اللعب برة التوكيل = خروج العربية من الضمان

جزاك الله خيرا يا استاذ احمد على النصيحة وطبعا كلامك مضبوط 100% بس انا كنت محتار بين المقطم والعبور مش بين التوكيل وبليه الميكانيكى وبعدين بالرغم من ان حمايا عنده ورشه ميكانيكا يعنى مش ها ادفع ولا مليم ولا الصناعييه ها يستغلونى - الا لو بعنى بقى - الا انى مصمم على التوكيل عشان الاسباب الى حضرتك قلتها ( بخلاف موضوع الاشتغالات والفتى والخزعبلات لأنه عنده صناعيية كويسين بس طبعا مش هيكونوا احسن من الى يشتغلوا فى رينو بس بقالهم سنين )

المشاركة الأصلية كتبت بواسطة bishoy02010

أى كلام وزى الزفت بالنسبالى انا شخصيا

وميفرقش كتير عن اى توكيل تانى لغاية دلوقتى وكل البنى ادمين اللى جربوا يسوقوا العربية سواء فى المقطم او فى العبور عايزين يروحوا يتعلموا سواقة من اول وجديد ويراعوا ربنا فى عربيات الناس اللى بيبهدلوها

أن شاء الله يا استاذ بشوى كل حاجة ترجع طبيعية و احنا دلوقتى اكتر من 110 لوجانى فى المنتدى يعنى اكيد ديه ميزة ممكن ناثر بيها على التوكيل ويكون لشكوانا صدى عندهم بس الاول لما نشوف استاذ بشوى ها يعمل ايه لما يروح لمهندس خدمة العملاء الى فى فرع المقطم وكمان لازم المواضيع بتاعة التعامل السئ مع العربيات ديه نوصله للإدارة بالتوكيل عشان تأخذ موقف مع الى بيعمل كده

لغاية دلوقتى فيه واحد بس قال على التوكيل وحش فى الاستطلاع وهو اكيد الاستاذ بشوى
فياريت يا جماعة ناس اكتر تقول رايها عشان يبقى تقييمنا ادق