لا حول ولا قوة الا بالله
بلد البطالة فيها اكتر من 40% وبعد ده عايزين نستورد عمال من برة ؟
حصل ايه فيكي يا بلد
مش هقول ان اخوناخالد هو اللي غلطان لوحده لانه اكيد موصلش للحالة دي غير بعد ما يأس لكن في نفس الوقت نناقشها بالعقل
العامل الصيني علشان يجي يشتغل عند حضرتك مش هياخد اقل من 1500 جنيه يعني اقل من 300 دولار لانه بياخد في الخليج اكتر من كدة
طيب هل حضرتك عرضت المرتب ده على الناس وحد قالك لا ؟؟؟؟
طيب ما الناس شغالة في التوحيد والنور اكتر من 12 ساعة وبالف جنيه ومؤهلات عليا من كل التخصصات
يعني لو حضرتك عملت اعلان او عرضت انك تشغل الناس دي عندك بنفس مرتب التوحيد والنور هاتلاقي والله طوابير
بس المشكلة ان حضرتك عايز تدي العامل المصري مرتب اقل باعتبار انه مصري ومفيش مصاريف تعليم والعلاج عليك طيب هو المرتب علشان الاكل والعلاج والتعليم بس؟
مفيش علشان الجواز وعلاج الاولاد الصغيرين اللى اكيد حضرتك مش بتعالجهم الخ الخ الخ الخ
انا مبقولش انك تتكفل بالعامل لكن بقول في نفس الوقت انك يبقي عندك استعداد انت وبقية اصحاب المصانع الكتير دي انكم تعاملوا العامل المصري نفس معاملة العامل الاجنبي ووقتها والله هتلاقي عمال كتير وتاخد منهم احسن شغل وتهد حيلهم طول اليوم زي ما التوحيد والنور بيعمل ده الشباب هناك بيشتغلوا طول اليوم محدش منهم بيقعد وكلنا شفناهم بس بيعملواكدة علشان المرتب مجزي

وفي كل الاحوال صدقني العامل المصري افضل مليون مرة من الصيني او خلافه لاختلاف العادات والتقاليد والديانة وما يحيط بها من مشاكل ممكن تعملك مشاكل محدش مننا ادها وكفاية اللى حصل في لاخليج بسبب تواجدهم بكثرة

ومن ناحية تانية التامينات الاجتماعية او مكتب العمل كل اللى بتعمله انها بتحاول تحافظ على الحد الادني من حقوق العمال اللى حضرتك هاتبقي ملزم باكبر منها بكتير مع العامل الاجنبي اللى هياخد الاجازة الاسبوعية والسنوية اللى المصري عادة مش بياخدها وحضرتك هتدفعله تمن تذاكر السفر الخ الخ الخ وكل دي التزامات انت بتبقي غير ملزم بيها مع العامل المصري وكلنا عارفين كدة كويس

مش عايز اهاجم حضرتك ولا بهاجمك والله لكن بقول حاجات يمكن تكون غايبة عنك وفي نفس الوقت صعبان عليا بلدي لما خيرها يروح لغير ولادها وولادها يتلطموا من المحيط الى الخليج ورا لقمة العيش