قلنا عملت ايه في اجازة العيد

**ahmed4000** · 03-12-2009 04:09 PM

المشاركة الأصلية كتبت بواسطة islam_galal

- منتجع أفريكا (كنج مريوط)

انا سمعت عن افريكا ده قبل كده بس معرفش عنه حاجة
ياريت شوية تفاصيل يا حج اسلام
يعنى ده فندق بس وفيه خيل اعتقد؟ هل فى حاجة تانية
يعنى ينفع لاسرة فيها اطفال؟

**zyadahmed** · 03-12-2009 05:43 PM

الحمد لله انا عيدى السنة دى كان فى عرفات ومزدلفة ومنى
حجيت الحمد لله عن ابى رحمه الله...... وعقبال كل الاعضاء المسلمين يارب

**أبو إياد** · 03-12-2009 05:53 PM

ابو صلاح حبيبى
اولا كل سنه وانت طيب
ثالثا مبروك العربيه الجديده (اعذرنى لو متاخر عليك )
رابعا انا كمان عندى 12 يوم اجازه ابتداء من بكره ياعنى هاستفيد من الموضوع ده زيي زيك
اما بالنسبه للعيد كان اول 3 ايام جو عائلى واسرى بحت مافيش خروجات ورابع يوم كنت فى الشغل

على فكره مش ثانى ثانيا
ثانيا الف الف سلامه عليك يانوبى وان شاء الله يتم شفاءك باسرع وقت وبدون شعور باى الم

**Islam_galal** · 03-12-2009 07:08 PM

1- منتجع برج العرب (هيلتون برج العرب سابقا) 5 نجوم ، بجانب قرية مراقيا علي البحر مباشرة به حمامات سباحة و شاطئ و مطاعم مختلفة ، مشكلته إنه بعيد عن أي خدمات أخري ، بمعني أنه بينه و بين العجمي حوالي 35 كم و طبعا معظ الخدمات علي طريق الساحل الشمالي مغلقة حاليا ، بس بيبقي فاضي في الوقت ده و أسعاره حتبقي في حدود 400 أو 450 لفردين لليلة بالفطار (تقريبا)

2- منتجع أفريكا علي طريق الكافوري بالقرب من صينية برج العرب في منطقة كنج مريوط و هو منتجع فندقي ، معلوماتي عنه مش كتير بس سمعته ممتازة لهواة الهدوء و به حدائق و حمامات سباحة و لا يطل علي البحر

3- هيلتون كنجز رانش ، منتجع تابع لهيلتون به 10 غرف فندقية فقط و به إسطبلات للخيول الأصيلة و هو علي طريق برج العرب أيضا أمام منتجع أفريكا تقريبا في منطقة كنج مريوط

4- في فندق جديد إسمه راديسون بلو في منطقة سكنية جديدة تحت الإنشاء (ألكس وست) و هو 5 نجوم في نفس المنطقة تقريبا بس أقرب للبحر ، معلوماتي مش كتير بس أسعاره زي منتج برج العرب تقريبا

باكرر كل الأماكن دي لهواة الهدوء الشديد

**Abdo_Eldesokey** · 04-12-2009 05:31 AM

أول يوم في بلد والدتي مع الأقارب
تاني يوم في دبح العجل وتوزيع اللحمة
تالت يوم خرجت مع أصحابي
رابع يوم عملنا حاجة حلوة أوي أنصح كل الناس بيها .. عملنا باربكيو(حفلة شوي) في بيت جدي للعيلة كلها .. وشوينا من اللحمة بتاعة الدبيحة وشوينا فراخ .. إلى جانب طواجن لحمة الراس والفشة والحاجات العجيبة الي فيه ناس بتاكلها .. بس كان يوم جامد جداً وبيقوي الروابط الأسرية بشكل فظيع

**Egyzizo** · 04-12-2009 05:59 AM

أنا انتهزت فرصة أجازة العيد ولغيت كل السفريات وقعدت الـ 4 أيام فى البيت عشان أبطل السجاير ، وفعلاً قللت الخروج بقدر الإمكان وكنت بأحاول أكون مريح ومسترخى معظم الوقت ، والحمد لله من فجر الخميس إلى الآن (فجر الخميس اللى بعده) .. ماشميتش ريحة دخان سيجارة ..
بس لسه نفسى بتهفنى عليها من آن إلى آخر ..
صديقتى ومعشوقتى الملعوووووونة ..

**mohamedbook** · 04-12-2009 06:20 AM

خمسة ايام نوم في نوم في نوم
علي السرير المصون
ثم الذهاب الي العمل بعد اجازة العيد
اول سنه احس براحه في العيد دة كنت مرتاح جدا جدا بفضل الله تعالي
والحمد لله رب العالمين

**Moh.Fahmy** · 04-12-2009 07:13 AM

افضل ما في الاعياد هو الزيارات العائلية التي لم تتم الا في العيد لان بصراحة التنزه في الاماكن العامة بيكون ممل جدا لان الاماكن دي و الكافيهات بتكون مليانة بالاطفال و مش ممكن تقدر تستمتع بيها ابدا
انا قضيت العيد بصحبة زوجتي و اطفالي مازن و مالك في الزيارات العائلية و تبادل العيديات عشان اعود الاولاد من صغرهم علي اهمية صلة الرحم و الترابط و التواصل العائلي و العيلة بمعناها الكبير مش العيلة اللي قاصرة علي بابا و ماما فقط فبصراحة كانوا مستمتعين جدا وفي خامس يوم العيد خاطرت بيهم ووديتهم النادي اللي فوجئت و كان فاضي و رايق جدا علي غير العادة
فالحمد لله قضيت عيد سعيد و متوازن بين الراحة و صلة الرحم و ارسال رسائل التهنئة اللي تخطت 350 رسالة و استقبال ضعفها تقريبا
اعاده الله عليكم و علينا بالخير و اليمن و البركات

محمد فهمي

**casperinoo** · 04-12-2009 10:04 AM

المشاركة الأصلية كتبت بواسطة egyzizo

أنا انتهزت فرصة أجازة العيد ولغيت كل السفريات وقعدت الـ 4 أيام فى البيت عشان أبطل السجاير ، وفعلاً قللت الخروج بقدر الإمكان وكنت بأحاول أكون مريح ومسترخى معظم الوقت ، والحمد لله من فجر الخميس إلى الآن (فجر الخميس اللى بعده) .. ماشميتش ريحة دخان سيجارة ..
بس لسه نفسى بتهفنى عليها من آن إلى آخر ..
صديقتى ومعشوقتى الملعوووووونة ..

ربنا معاك يابطل..وان شاء الله تخلص منها..

الموضوع: قلنا عملت ايه في اجازة العيد

LinkBack

أدوات الموضوع

عرض

-

-

-

-

المواضيع المتشابهه

ممكن اقتراحتكم . هنقضى اجازة العيد فين

كل عام وأنتم بخير اجازة العيد نزلت!

ياجماعة ! انا مش فاهم ! اجازة العيد !! حنزل امتى ؟؟

اجازة العيد في مراكز خدمة التوكيل من الأحد للخميس

هي الوقفة ( قبل العيد ) اجازة رسمي ولا لأ ؟

الكلمات الدلالية لهذا الموضوع

المفضلات

المفضلات

ضوابط المشاركة