قلنا عملت ايه في اجازة العيد

**أبومعاذ** · 04-12-2009 10:24 AM

المشاركة الأصلية كتبت بواسطة islam_galal

1- منتجع برج العرب (هيلتون برج العرب سابقا) 5 نجوم ، بجانب قرية مراقيا علي البحر مباشرة به حمامات سباحة و شاطئ و مطاعم مختلفة ، مشكلته إنه بعيد عن أي خدمات أخري ، بمعني أنه بينه و بين العجمي حوالي 35 كم و طبعا معظ الخدمات علي طريق الساحل الشمالي مغلقة حاليا ، بس بيبقي فاضي في الوقت ده و أسعاره حتبقي في حدود 400 أو 450 لفردين لليلة بالفطار (تقريبا)

2- منتجع أفريكا علي طريق الكافوري بالقرب من صينية برج العرب في منطقة كنج مريوط و هو منتجع فندقي ، معلوماتي عنه مش كتير بس سمعته ممتازة لهواة الهدوء و به حدائق و حمامات سباحة و لا يطل علي البحر

3- هيلتون كنجز رانش ، منتجع تابع لهيلتون به 10 غرف فندقية فقط و به إسطبلات للخيول الأصيلة و هو علي طريق برج العرب أيضا أمام منتجع أفريكا تقريبا في منطقة كنج مريوط

4- في فندق جديد إسمه راديسون بلو في منطقة سكنية جديدة تحت الإنشاء (ألكس وست) و هو 5 نجوم في نفس المنطقة تقريبا بس أقرب للبحر ، معلوماتي مش كتير بس أسعاره زي منتج برج العرب تقريبا

باكرر كل الأماكن دي لهواة الهدوء الشديد

أحب أضيف مكان لهواة الهدوء وهو جولف السليمانية على طريق مصر اسكندرية قبل البوابات لو انت جاي من اسكندرية
مكان هادي وجميل و اسعاره معقولة اليوم بدون مبيت للفرد بحوالي 250ج شامل الـ spa

**El.Hossieny** · 04-12-2009 10:52 AM

اولا : الف مبروك يا ابو صلاح علي العربية الجديدة ( و البيتل لسة موجودة عشان تاخد بيها لفة )

ثانيا : انا طبعا قضيت العيد في البيييييييييت و الراحة ثم الراحة ثم الراحة

**El.Hossieny** · 04-12-2009 10:54 AM

المشاركة الأصلية كتبت بواسطة النوبي

انا وقعت علي دراعي واتكسر وقاعدت في البيت العيد كله ونازل النهارده الشغل
والعيد مش عارف السنه دي حاسس انه مفيش عيد مش عارف ليه

الف سلامة عليك يا نوبي و ان شاء الله تقوم بالسلامة

**النوبي** · 04-12-2009 12:00 PM

المشاركة الأصلية كتبت بواسطة mohamedezat

على فكره مش ثانى ثانيا
ثانيا الف الف سلامه عليك يانوبى وان شاء الله يتم شفاءك باسرع وقت وبدون شعور باى الم

الله يخليك يا استاذ محمد ويبارك فيك

المشاركة الأصلية كتبت بواسطة أبو صلاح

أولا : وانت طيب
ثالثا : ربنا يبارك فيك
ثانيا : ربنا يتم شفاه على خير وانا سمعت ان في مولود جاي في الطريق صح يا نوبي ؟

ياعم كفاية ده انت دوختني باولا وثانيا دي بقالي ربع ساعة عايز ارد عليك

صح يابو صلاح وانا وحياه ابوه (البيبي) لما ييجي لاطلع عينه زي ماهو مطلع عيني

المشاركة الأصلية كتبت بواسطة Abdo_Eldesokey

أول يوم في بلد والدتي مع الأقارب
تاني يوم في دبح العجل وتوزيع اللحمة
تالت يوم خرجت مع أصحابي
رابع يوم عملنا حاجة حلوة أوي أنصح كل الناس بيها .. عملنا باربكيو(حفلة شوي) في بيت جدي للعيلة كلها .. وشوينا من اللحمة بتاعة الدبيحة وشوينا فراخ .. إلى جانب طواجن لحمة الراس والفشة والحاجات العجيبة الي فيه ناس بتاكلها .. بس كان يوم جامد جداً وبيقوي الروابط الأسرية بشكل فظيع

ممكن نبقي اصحاب

المشاركة الأصلية كتبت بواسطة El.Hossieny

الف سلامة عليك يا نوبي و ان شاء الله تقوم بالسلامة

الله يسلمك ياحسيني كفايه شعورك النبيل

**نور القمر** · 04-12-2009 11:26 PM

سلامتك يا نوبي الف سلامة
اكيد كنت ناوي على نية وحشة للخروف ودعى عليك

انا بقه عملت عمايل في العيد
تاني يوم خرجنا اشترينا لعب للاولاد من مول جنب البيت ورجعنا صد رد

**النوبي** · 05-12-2009 07:02 AM

ابد والله ولا نيه ولا حاجه دا انا غلبان مش بقدر حتي علي شكل الدم
والحمد لله اخويا بيضحي مكاني وكنا جايبين عجل بس الظاهر العجل كان احول لان اخويا سليم

**Terrible_DaRsH** · 05-12-2009 07:18 AM

المشاركة الأصلية كتبت بواسطة DRguevara

اتخانقت مع صحابي و قعدت فبيتنا

انت كمان !

-

-

-

الموضوع: قلنا عملت ايه في اجازة العيد

LinkBack

أدوات الموضوع

عرض

-

-

-

المواضيع المتشابهه

ممكن اقتراحتكم . هنقضى اجازة العيد فين

كل عام وأنتم بخير اجازة العيد نزلت!

ياجماعة ! انا مش فاهم ! اجازة العيد !! حنزل امتى ؟؟

اجازة العيد في مراكز خدمة التوكيل من الأحد للخميس

هي الوقفة ( قبل العيد ) اجازة رسمي ولا لأ ؟

الكلمات الدلالية لهذا الموضوع

المفضلات

المفضلات

ضوابط المشاركة