حد يعرف سمكرى و بتاع فيبر جلاس كويسين

**foash304** · 03-12-2009 06:04 PM

يا جماعة انا عربيتى لوجان 2010 فول اوبشنز
- اتخبطت فى الأكصدام الأمامى (اتكسر من تحت و اجرح بالعرض جامد و شريط الكروم او النيكل اتجرح و اتقشر جامد و علامة الرينو اتجرحت)
- و اتجرحت من الجانب الشمال و انا راجع بالخلف حكيت فى عربية و قفة و ليها سن بعرضها (الرفرف الخلفى اتجرح جامد و الباب الخلفى اتجرح جامد و اطبق حتة منة)
- طبعا انا مش مأمن عليها بس نويت أأمن و طبعا بتوع التأمين مش هيحطوا كل الحاجات دة فى التأمين
- انا سألت فى التوكيل لقيتة هيكلفنى كتير جدا فأنا ناوى اصلحها برة بس ياريت حد يدلنى على صنايعية كويسة و ممتازة يرجعها عروسة زى ما كانت و لكم جزيل الشكر

**alex_life1989** · 03-12-2009 06:25 PM

لو انت من اليكس قولى و انا اظبطك مع ناس كويسين

**foash304** · 03-12-2009 06:35 PM

شكرا لأهتمامك يا اليكس بس للأسف انا من القاهرة

**zkralla** · 03-12-2009 10:13 PM

قدر الله وما شاء فعل معلش يا باشا وبأذن الله ترجع زى الاول

**alex_life1989** · 03-12-2009 10:32 PM

طب يا باشا اسمع ان الحرفيين فى القاهرة فيها ناس جامدة اخر حاجة
و كمان عندك ميت غمر فيها صنيعية يرجعوا العربية فابريكة و يحطولك ورق ابيض كمان كانها لسه طالعة من المعرض و مستحيل حد يهرشها

**gebreel** · 03-12-2009 10:41 PM

انا عندي سمكري كويس اشتغل في عربية جوز اختي اللانسر 2007 و رجعها زي الجديدة و عمل عربيتي القديمة الفورد بردو و كان شغلو ممتاز بس البوهياجي اللي معاه عاوز بال طويل و واحد صاحي هي دي المشكلة فممكن تعمل سمكرة عندو و ترشها برة او تطول بالك عليه علما باني مجربتوش في رينو قبل كدة بس ما شاء الله عليه ايدو حلوة لو عاوز بياناتو انا تحت امرك و ممكن اخدك و اروح معاك كمان
هو في مدينة نصر عند انبي