الموضوع: مسخرة توكيل رينو

اخي العزيز..
اللي انا سمعته عن توكيل المقطم واللي شفته بنفسي في فرع العبور يخليني اقولك اطلع علي فرع العبور وانت حاطط في بطنك بطيخة صيفي باذن الله...

ربنا معاك

المشاركة الأصلية كتبت بواسطة bishoy02010

موضوع ان كلها حاجات بسيطة ... يمكن بالنسبة لكل الناس الحاجات ديه حاجات بسيطة بس انا عندى عفريت اسمة الموتور لو فيه رجة ولا صوت ولا زنة ولا أى حاجة تخص الموتور انا بتعفرت ومببقاش طايق نفسى ...

بقيت الحاجات بسيطة بس لما اروح مرتين اظبط النور وميتعملش ويتكروت
ولما يقلى اطلع استلم والعربية لسة مخلصتش عشان الغسيل وفى الأخر لو اديت لواحد نص جنية كان نضفها احسن منهم

ويقلى التزيق راح والصوت راح وكله تمام والكلام ده مش تمام حتى لو بسيط ...

ولما تاخد العربية مقاس المية فوق الطبيعى ده يبقى إيه يعنى نفهم منه إيه الموضوع ده هما فاكرين الناس مبتفهمش واول مرة يركبوا عربيات يعنى !!!

ولما ققلة فيه رجة يقلى ده طبيعى وانا مجرب عربية تانية ومش انا بس اللى جربتها استاذ محمد كمان جرب العربيتين وممكن تسألة لو اللى عندى ده طبيعى ولا لأ ويجى فى التوكيل يقلى بكل برود ده طبيعى وكل اللوجان كده ده يبقى اسمة إيه !! ؟؟؟ والمشكلة لما ده يحصل من المكان اللى انتة بتسمع عنة حكايات وانة انضف توكيل فى مصر ويحصلك فيه كده ده يبقى إيه ؟؟؟؟؟

بجد ربنا معاك وانا فاهمة كل اللى انته بتقوله ده بالذات قصة هى كده وده طبيعى دى هى بجد اللى مستفزة فعلا وبتحسسك ان مفيش امل وبتخليك تفكر انك تكبر دماغك احسن بدل ما كل شوية تروح لحد ما تتشل والمشاكل زى ما هى ... وفعلا معرفش ده اسمه ايه ؟!!!!!

المشاركة الأصلية كتبت بواسطة bishoy02010

إن شاء الله :) وعلى فكرة الظاهر ان مش انا لواحدى اللى بروح اعمل حاجات وتطلع متعملتش :) ده واضح ان التوكيل متعود على الموضوع ده

انا عن نفسى وحضرتك عارف اخر مشاركة ليا وكمان عرضتها فى الموضوع مروحتش تانى التوكيل وبصراحة نفسى مسدودة انى اروح تانى بالذات انى شايفه انى عملت كل اللى اقدر اعمله فعلا علشان احاول احل المشاكل اللى عندى - اتكلمت مع اكبر اتنين مهندسين للورشة فى العامرية - وبرضه بدون نتيجة فعالة ... المفروض بقى انى كل يومين اروحلهم بقى ولا ايه ... مش عارفة ... واللى مضايقنى ان كل مشاكلى مش اختراعات ومتهيقلى انها تتحل عادى بحيث انى ابقى راكبة العربية وانا مبسوطة ومبقاش حاسة دايما ان ياسلام لو الحاجة دى ودى متبقاش موجودة .....

المشاركة الأصلية كتبت بواسطة chato_eg

أنا متأكد إنك هتغير نظرتك و عنوان الموضوع بعد ما تشوف هيتحل إزاى...على الأقل فى خدمة عملاء بتسمع و تحل

طيب وهو الواحد لازم يروح لده ولده ويعمل تليفونات وقصص علشان مشكلته تتحل ... هو ده اللى بيضايق بقى وفى الاخر يبقى قدامه اما انه يستمر ويفضل يناهد او يكبر دماغه ويعتبر انه كل اللى عنده فعلا طبييييعى وخلاص !!!!

المشاركة الأصلية كتبت بواسطة chato_eg

و مهم جدا جدا الورقة إللى فيها التقرير إللى بتستلمه أول ما تدخلها و تمضى عليه إنت و مهندس الاستقبال
ده إللى يقول إنك اشتكيت و ما اتعملش

انا اول مرة اسمع عن الورقة اللى بخدها دى ولا بمضى على حاجة اساسا .... طيب ايه اطلب انى اخدها مثلا ولا ايه ؟؟ ... وليه مبيمضنيش عليها لو ده المفروض يعنى ؟؟؟

طيب يا جماعه مثلا الواحد يجرب الميكانيكيون العرب او فرينش موتورز مثلا؟؟؟
و لا لو حصلت مشكله بعد كده لا قدر الله التوكيل هيقولك مليش دعوه عشان معملتش الصيانه عنده
؟؟؟؟؟؟؟
فاهمني؟؟؟؟
يعني دول مراكز معتمده 100% و التوكيل ملزم بيهم و لا ايه النظام ؟؟؟؟
عشان متهيالي ممكن دول يبقو متفهمين اكتر من التوكيل و يبقي فيه سلاسه في التعامل اكتر
و لا ايه رايكو يا وحوش؟؟؟؟