انا مش متضايق ولا حاجة ....
مجرد انى استعرت نمطك فى الكتابة مش اكتر... ده كل الموضوع :shine[1]:
عرض للطباعة
أولاً حمد الله علي سلامة حضرتك .. وبجد منظر العربية بشع ،، وأهم حاجة إنك تشكر ربنا إنه أنقذك من الحادثة دي
بس كنت حابب أقول حاجة حصلت معايا قبل كده لأن أكيد اللي حصل ده مش طبيعي
أنا معايا سيات إبيزا مو ٩٤ .. حصلت معايا موقف شبه اللي حصل مع حضرتك وكنت تقريبا علي سرعة ٩٠ أو ١٠٠ برده
وفجأة لقيت كسر كبير في الأسفلت و كان منزل كمان وفي ملف .. والكاوتش عندي ١٥/١٩٥/٥٠ المهم العربية نزلت بالكاوتش اليمين قدام وكنا راكبين ٤ أشخاص ... طبعا سمعت صوت خبطة جامد جداً جداً ،، والكاوتش فرقع بس وعدت العربيه و كملت لحد ما وقفت من غير ما أفرمل وغيرت الكوتش وده بس اللي حصل ،،
فمعني إن العربيه تتقلب من نقرة في الإسفلت دي مش سهله ،، يعني مش ممكن عربيتي اللي بقالها ١٥ سنه تتحمل موقف زي ده و عربيه جديده لسه يحصلها كده ( أكيد في مشكله حقيقة )
ومقف تاني حصلي من فتره كنت ماشي ١٤٠ تقريباً عل طريق العين السخنة و فوجئت بالمطبات اللي في الطريق وإنت راجع ،، كلتها كلها علي سرعة رهيبة ،، بجد العربيه كانت بتطير ،، وتنزل علي المطب اللي بعده لحد ما العربيه وقفت
وكانت قاسيه جدا لدرجة إن الحته اللي فيها السماعات الخلفيه إتكسرت .. بس بجد أنا كملت بعدها والحمد لله إن محصلش حاجة ( وكمان كنت متحكم في العربيه علي الرغم إن المطبات دي كانت في ملف )
ومرة أخري الكاوتش اللي ورا ضرب من غير ماحس بيه ،، وكنت ماشي علي ١٠٠ ولا في بالي لغايه ما حد ماشي جنبي نبهني
.. ومن المواقف دي بجد أقدر أقولكم إن الكاوتش ال Low profile محترم لأقصي ما تتخيلوا ومش ممكن يكون هوه اللي عامل مشكله كبيرة
بس ما أعتقدش إن النيو سيراتو سيئة كده ،، بس أكيد في مشكله معينه ،، وأعتقد لو أكتشفت ممكن تتعالج
وأنا عارف إن الموضوع كله قدر ونصيب ،، بس إحنا بنحاول إننا نوصل لأفضل الحلول
سؤالك معناه وصل بس أنا رديت عليه مقدماً لم قولت عربيات مقلوبه وعاملة حوادث موت
اخرها عربيتين وحدة فضي وقفة عند البلوك إلي فيه ناصر الفيومي الميكانيكي مقلوبه ومدمرة تماماً
والتانية عند سمير علي السمكري لونها أبيض وكانت زيرو ومن قدام ملهاش ملامح وحتى موتورها إتخلع وطبعاً إلايرباجز طالعة كلها
وأقولك أنا شفت المقص بتاعها إلي جابوه جديد
مفرغ من جوة مش حديد صب زهر أو حتى ألمونيوم
مقص تكتك دة واللا إيه ؟!
طبعاً انا شاكر جداً ليك يا استاذي علي اجابتك الوافيه دي
و انا اسف اني خليتك تعيد كتابه نقطه كنت كتبتها قبل كدا
بس انا كان هدفي ان الصوره تكون اوضح
و بعدين واضح من الصوره الي حضرتك نقلتها عن حاله الحوادث الي شفتها
ان في عامل مشترك في كل من الحوادث دي و يجب اننا نعرف العيب الحقيقي فين
بمعني هل العيب دا من المقصات ( يعني حضرتك بتقول انو مفرغ فهل دا سبب ضعفه )
هل العيب في اجزاء المساعدين الاماميين
هل العيب من الجنوط ال low profile و تحملهم علي العفشه ( العفشه مش قدره تكون متوافقه مع حجم الكاوتش و الجنوط )
كل الاسئله دي اكيد ورا الازمه دي و يجب معرفه السبب الفني فيها حتي تيم تلاشي هذه العيب و عدم وجود اي حوادث مشابه مره اخري ( كفانا الله شر الحوادث جميعاً )
و تقبل تحياتي اخي الفاضل
عدل توقيعك بقى علشان اللى ميعرفش ياخد باله
و1000 سلامه
في ناس بدأت تحلل الحادثة بحيادية و ناس تانية بتهاجم بس و خلاص يا جماعة إلي حصل دة مش طبيعي و أكيد له سبب بس كون العربية فيها المشكلة القاتلة إلي بتخليها تقلب عند ١٠٠ دة مش منطقي
و الله يخربيت كل واحد مسؤول عن الشوارع في مصر و بيسيب فيها النقر و البلاعات المفتوحة
اخي العزيز :
أولا : الحمدلله على سلامتك
ثانيا : أنا رأيي إنك تتصرف على محورين
الاول : التأمين :
1- خلي معاك محامي في التعامل مع شركة التأمين
2- لو تعرف حد عنده خبرة في التأمين خليه معاك
الثاني:كيا مصر
1- شكوى لجهاز حماية المستهلك
2- شكوى لكيا مصر
3- شكوى لكيا كوريا
وربنا يسهل
الف سلامه عليك يا باشمهندس
والحمد لله على كل شئ
والمهم انت بصحه وبسلامه وربنا يعديلك الشهرين دول بسرعه وتفك الجبس ان شاء الله
الف سلامة عليك وربنا يعوض عليك
المشكلة يا باشا ان الناس ده عملت عربيات
تمشى فى شوارع ادمية
وربنا يخليلنا بتوع الطرق والحرمية اللى مبهدلين الشوارع
انا راى انك ترفع قضية كمان على المقاولين البقر للانهم لسه عاملين صيانة للطريق
لا حول ولا قوة الا بالله
الحمد لله انك سليم