لا حول ولا قوه الا بالله
ألف سلامه عليك يابشمهندش
والحمدلله انك بخير وربنا يتمم شفائك على خير
عرض للطباعة
لا حول ولا قوه الا بالله
ألف سلامه عليك يابشمهندش
والحمدلله انك بخير وربنا يتمم شفائك على خير
ألف ألف شكرا و تقدييير و احترام لكل الأعضاء على الروح الطيبة جداا, و بجد انا سعيد اني وسطكوا و معاكوا...
أحمد باشا (حبيبي طبعا) قال تحليل كويس جداا, و evo قال اللي كان نفسي افهموا للناس, ان فيه حوادث بالفعل و فيها عوامل مشتركة بس الناس دي مش اعضاء في المنتدى, عشان كده مش بنسمع عنهم... لسه واحد شاري واحدة زي الكاتيجوري بتاعي بالظبط بس لونها اسود 2010, والله لراجل بيقوللي مكملتش 32 يوم و بردو اتقلب بيها و المقصات اتكسرت, بس الحمد لله طلع سليم...
فيه ملاك للعربية هنا فاكريين اني منفسن او حاقد على العربية مثلا..!!!!! طيب ليه!!!! هو لا سمح الله اللي في الصور دي مش عربيتي!!!!! هو انا مثلا مشتريتهاش و بتكلم معاكوا عن مشكلة حقيقية والله عشان مش قادر اشتريها مثلا؟؟؟؟ دي كانت عربيتي اللي خسرتها و اهلي كانوا هيخسروني معاها يا ناااااس..!!!!!! عقلنا راااح فين بس عشان نفكر..!!!! ناس تقول اني عامل حرب, و ناس فاكره اني ليا كذا اكونت و بدخل بكل واحد شوية و بهاجم العربية..!!! ايه ده بالله عليكم....؟؟؟؟ ده انا بحاول انصح الناس والله العظيم و اعرفهم الصح, و اعتذرت لكل الناس اللي خافت و قلقت, و قلت والله ما قاصد اخوف الناس, بس دي مسؤليه عليه تجاه كل فرد في المنتدى, انا اول واحد قلت منهاجمش العربية و نستنى لما تتجرب, و انا اشترييت و اعتبرت نفسي بجربهالكوا والله, و انا كنت مقتنع اكييييد بيها, بس لما الموضع يوصل لكده يبقى لازم اتكلم و احذر و مش عيب اني اقول الحقيقة و الصور تتكلم مش انا...
بس حابب اقول موضوع مهم بصراحة... انا كان معايا لانسر كريستالة 98 كاملة مانيوال, 1300 سي سي... و والله قبل ما نبيعها من سنه, يعني كان بقالها 10 سنيين شغالة و والله بتتفحت معانا, كانت عامله 300,000 كم على العداد... اقسم بالله العلي العظيم, العربية دي كنت بمشي بيها على الدائري و باخد الفواصل بتاعت الكوبري و دي اسوأ من نقرة بمراحل, لأنها زي المطب على 120كم, و ده طوال فترة المشروع اللي كان في الماظا (معرض بافاريا و بي ام دبليو تبع ياسين) و عمر لا مقص كسر ولا عمري غيرتلها مقص اصلا, ده غير البلاعات و النقر اللي في كل حتة طبعا..!!!!! بعد 10 سنيين (ثبات, موتور, عفشة) 100% على حالتها دي.... انا عايز اقول ان اللي حصل مش طبيعي و مفيش مقص ممكن يتكسر بسبب نقرة زي للي خدتها دي ابداا, لأ و كمان تتقلب....
انا مش هطول اكتر من كده بس انا هقول كلمة لوجه الله (العربية دي فيها مشكله حقيقية في العفشة + العفشة في موديل sx مش مستحملة الجنط الــ17 + المواد المستخدمة في العربية دي سواء تقفيل او عفشة رديئه جدااا)... اللهم بلغت , اللهم فاشهد....
معلش قدر الله و ماشاء فعل و إنشاء الله تقوم بالسلامة
بص أنا مش قصدي حاجة بس إنت متضايق شويتين و دة حقك بعد إلي شفته و ربنا يئومك بالسلامة و وصفك للعربية و تقييمك ليها دلوقتي نابع من الحادثة
لو كلامك كلو صح ١٠٠ في ال-١٠٠ يبقى احنا بنتكلم عن توك توك مش عربية
بس كحقيقة واقعة العربية لو سيئة للدرجة دي حنعرف من برة مصر مش من مصر
لو العربية فيها المشاكل الرهيبة دي كلها بكرا نسمع انها إتسحبت من أمريكا مثلاً أو إتمنع نزولها هناك أو reviews بتاعتها على النت بقت ذي الزفت غير إلي حاصل دلوأتي
بكرة نشوف و الأيام مفيش أقرب منها و ربنا يعافيك إن شا الله
يا ا.غازي
لو إنت شفت المقص بتاعها وأنا شفته في علبته هتترعب بجد
المقص مفرغ من جوة مش مصبوب بغض النظر عن وزنه والمفروض مقص زي دة شايل موتور بالحجم دة وجنط ١٧ وكوتش لو بروفيل لازم يكون أقوى من كدة بكتير
دة مقص الكريستاله مصبوب إلي هو من كام سنة وعربية حجمها أصغر
ويا جماعة برة مفيش النقر والمطبات الرهيبة إلي هنا علشان كدة الموضوع ماشي حاله
وكمان الريفيوس بتكون على السعر مقابل إلي بتقدمه العربية أما المشاكل بتكون بعد الاستخدام سنة أو ٢ في ظروف قاسية مش طرق حرير
ألف سلامة عليك وشفاك الله وعفاك نسأل الله العظيم رب العرش العظيم ان يشفيك وفدالك الف عربية وحسبنا الله ونعم والوكيل فى من يتلاعب بأرواح الناس
ردا على كلام سعادتك اللي معرفش انت جايبه منين بالضبط انا كنت عملت حادثه بعربيتي ولما نزلت ادور على قطع غيار في الحرفيين ملقتش غير نص اسود واحد عند واحد اسمه محمود الشرقاوي والحرفيين كلها مفيهاش عربيه سيراتو واحده توحد ربنا مخبوطه الكلام ده كان قبل العيد باسبوع فمش منطقي الكميه المهوله اللي حضرتك بتكلم عليها دي هبطت عالحرفيين من السما في اسبوعين
إذا كان دة إتهام بالكدب مش مقبول
أنا عارف أنا بقول إيه إنت بس شكلك ماتعرفش إن الحرفيين دي مدينة كاملة
وحضرتك كنت بتدور عند بتوع قطع الغيار الاستيراد ماشفتش عند مكانيكية وسمكرية
وفعلاً صاحب السيراتو البيضا ملقاش لها قطع غيار نهائي وحتى جديد برة ملقاش
عموماً الحرفين موجودة فضي نفسك يوم كدة كامل وإنزل اتفرج ولف كويس على السمكرية وحتشوف العجب
تقبل تحياتي
على فكره واحد من دمياط قلب بيها على الدولى الساحلى الاسبوع اللى فات بسبب الفواصل اللى بين الطريق المسفلت واللى لسه والعربيه بقت كفته برده
احزروا يا ملاك السيراتو من المطبات على سرعه