حمد الله على سلامتك يا استاذ غازى و قدر الله ما شاء فعل
و فداك مال الدنيا كله
عرض للطباعة
حمد الله على سلامتك يا استاذ غازى و قدر الله ما شاء فعل
و فداك مال الدنيا كله
الف سلامة يا باشا الحمد لله لخروجك منها على خير
اسف للخروج عن الموضوع ..
نص العربيات فى البلد كورى . لو زى مبتقول كان زمان نصف الناس دى على الاقل ماتو
و انا عن نفسى معايا سيفيا و بتتعجن مش بتتبهدل و شافت اقصى ظروف الاستهلاك انا عن نفسى بستعجب من قوة تحملها ماشاء الله عليها و حضرتك تقول الكلام د
دى وجهة نظر شخصية
حمد الله على سلامتك يا باشا
الف مليون حمدلله علي السلامة و فداك مصانع العربيات كلها، بجد شئ يزعل جداً بس برضه قدر الله و ما شاء فعل.... و الله انا رأيي في السيراتو من زمان مش قد كده، بس مش مجال ذكره هنا و إلا اكون بصطاد في الماء العكر
و الف حمدلله علي سلامتك مرة تانية
ياجماعه انتو سبتوا الموضوع ومسكتوا فى السيراتو والكورى وطلعتوه زى الصينى
وان خلاص اى واحد معاه عربيه كورى بمجرد مايعدى 100 هايتقلب
والله العظيم انا ليا صديق شخصى اعرفه كويس ( تجربه شخصيه مش سمعت قصه من واحد وجاى احكيلكم )
كان معاه اوبل فيكترا 2007 واتقلب بيها على الصحراوى على سرعه أقل من 100 !!!!
والعربيه اتدمرت واتباعت total lose
الحوادث دى نصيب وقضاء وقدر بغض النظر عن نوع العربيه
واسف لصديقى بشمهندس غازى لخروجى عن الموضوع
ألف سلامة عليك يا باشا
وفداك اللى ييجى فى الحديد يغور طالما انت بخير
حمدالله على السلامة مرة اخرى
بعيدا عن نوع السياره
الحمد لله على سلامتك اخي الكريم
وبارك الله في الشاب اللي حافظ على حياتك ثم حاجتك وماطلعش زي كثير من الناس واتصرف بجهل وسرقك وسابك
اللهم اكرمه
اللهم اكرمه
اللهم اكرمه
واسال الله العظيم ان يشفيك
تحياتي
الف حمد لله على سلامتك
فداك عربيات الدنيا
الا البني ادم
بس انا مش فاهم لما نزلت في الحفرة وطلعت
التعويمة دي كسر في المقصات ولا الاسكاترة ولا ايه
وازاي الفرامل مش شغال
المقايسة اللي اتعملت في التوكيل اتقال فيها سبب الحادث ايه
وانت ماحاولتش تاخد حد فني معاك تشوف عفشة العربية ايه اللي حصل فيها
اصل الي بتقوله ده في منتهى الخطورة خصوصا مع عربية محترمة زي دي وسمعتها حلوة
بس فعلا شوفتلها حوادث كتير جدا عندي في الحرفيين
بس نفس الشيئ ل النترا وفيرنا وعربيات تانية جراية جدا
يا ريت تحاول تتقصى الحقيقة ولو على سبيل نصح اخرين
وحمد لله على سلامتك مرة تانية
يا جماعة بعد اللي حصل للمهندس غازي وأمانة الراجل في نقل اللي حصل بكل صراحة انا فعلا هقول باي باي للنيو سيراتو وللأسف انا حبيت العربية ده :T_thum1[1]::stink[1]:
وبجد والله انا كنت نازل اشتري الاسبوع ده وكاش بس انا بدأت أخاف من الاول لما قالو على مشكلة الجنط 17 وكذا حادثة للعربية وهي لسه جديدة أولها الأخ اللي خبط في الرصيف وهو سايق العربية في صلاح سالم عند مسجد الشرطة والجنط اللي فيه بالونه تم اكتشافة بالصدفة وصاحب العربية مش عارف وربنا سترها معاه في صيانة الـ 1000 واخرها والحمدلله على سلامتو المهندس غازي بجد كده انا هقول باي باي للعربية ده وبجد كنت نازل اجيب العربية اللي ناشيونال موتورز اللي كان عارضها بي 120.000 وفيها كماليات غير طبيعية ، وطبعا 120.000 جنيه على عربية كوري مبلغ ضخم على الفاضي زي ما انا شايف دالوقتي .
ليه نبعد عن عربية محترمة زي نيسان تيدا وفي نفس السعر او عربيات كتير ياباني في نفس السعر ده فعلا احنا فعلا للاسف بنجري ورا الشكل والتقليد ان شاء الله هتوكل على الله وهجيب نيسان تيدا وان كان شكلها وحش ومش عاجبني بس اداء رائع وصالون واسع وموتور عفي وكماليات محترمة على كلام كل ملاكها ومفيش حد عاب في العربية خالص .
وربنا يسلم طريقنا جميعا يارب ان شاء الله
مفيش داعي ان بعض الاخوة يستغلوا فرصة زي ده للتقليل من شأن السيارات الكورية بشكل عام وباندفاع عاطفي ليس فيه أدنى شيء من الصحة يطلعوا اللي كان نفسهم يقولوا من زمان .
لو الاخ abo ruki بيقول ان كيا ملهاش في صناعة السيارات . طيب تقول ايه لتيوتا الشركة الاولى عالميا لما سحبت مليون عربية من امريكا بسبب الحوادث والكوارث اللي حصلت بسبب سوء التقفيل في اللكزس . يبقى برضه شركة فاشلة ومبتعرفش في الأمان !!!!؟؟؟؟