الموضوع: للأسف... احذروا من النيوسيراتو...!!!!

قال تعالى ( ولنبلونكم بشئ من الخوف والجوع ونقص من الاموال والانفس والثمرات ). صدق الله العظيم .

اعلم اخي في الله ان الله يبتلى خير خلقه وأكثرهم صلاحا .

وأسأل الله ان يكون هذا الابتلاء رفعا لدرجتك في الجنة ان شاء الله .

أحب اسأل حضرتك بس سؤال من باب توخي الحذر .
انا من سكان الشيخ زايد فياريت حضرتك تقوللي عملت الحادثة فين عشان نتجنب حفرة زي . ولو السؤال ثقيل عليك مفيش داعي للاجابة عليه.

أحب اعلق بس على السيراتو : ان قد تكون هذه الحالة فردية وقد لا تكون فردية .

أما اذا لم تكن فردية : فقد يكون السبب سوء المواد المستخدمة في العفشة مما أدى الى كسرها عند تعرضها لضغط شديد .
او بسبب سوء تصميم العفشة مما أدى الى انفلات السيارة عند وجود عائق شديد .

أما اذا كانت فردية : فقد يكون بسبب سوء تقفيل في العفشة مما أدى الى انفراطها عند الضغط الشديد عليها .

والله أعلم ... بس في كل الحالات ده نقطة سوداء في نظام كيا لصناعة السيارات وأرجو محدش يدخل هيونداي في الموضوع لان لكل شركة كيان خاص للصناعة و التصميم والتقفيل ليس في مصانع موحدة انما كلا على حدا . انما التشابه بيكون فقط في بعض قطع الغيار .

الف الف حمدا لله علي سلامتك و المفروض ان حضرتك تسعد و لا تحزن لان طبعا ما فيش حد بينكتبله عمر جديد انما مجازا حضرتك اتكتبلك عمر جديد و نصيحتي ليك انك تدبح و تعمل وليمة و تأكل الفقراء و المساكين و اكثر من عمل الخيرات
طبعا هو قضاء الله و لا دخل للسيراتو به و حتي لو كنت سيادتك راكب بي ام او مرسيدس كان حيحصل الموضوع ده
انما انا لي رأي فني ..... يعني مثلا انا كنت شاهدت كليب لشركة ميتسوبيشي علي الاختبارات التي تجري علي اللانسر فوجدت اختبارات غاية في التعقيد يعني مثلا بالنسبة للعفشة بيخلوا العربية تمشي في طريق كله مطبات و نقر غبية جدا و مستحيلة يعني مش ممكن تشوفها حتي في مصر و بعدين يحطوا العربية علي وحدة يتم تثبيت العجلات الاربع عليها و القواعد اللي تحت العجل تتحرك بشكل منفصل بحيث كل عجلة تتحرك اعلي و اسفل بشكل منفصل عن العجلة الاخري
و بعد كده يحطوا العربية داخل تلاجة و يسلطوا عليها كمية اتربة و شوائب بشكل مستحيل يحدث في الواقع ابدا عشان يختبروا قدرة تحمل العربية و بعد ذلك يحطوها داخل فرن درجة حرارته 60 درجة مئوية و يشغلوا العربية
الكليب ده شوفته عند صديق داخل مركز صيانة مجدي شاهين باسكندرية فانا اعتقد ان الكوريين مش ممكن يكونوا بيعملوا الاختبارات دي كلها لذلك دايما تلاقي فيه فخر بالياباني و الاوربي عن الكوري و الصيني
يا جماعة معيايير الجودة عند اليابانيين و الاوربيين عالية جدا و الكوريين ما بيهتموش بالمواضيع دي غير علي ما اعتقد في الموديلات العالية جدا
لازم يا بشمهندس تاخد اجراء ضد هذا الاهمال الجسيم و انا مصر ان ده اهمال لان حضرتك كنت ملاحظ الحاجات الغريبة دي قبل الحادث و انا بصراحة متغاظ جدا جدا ازاي عربية زيرو و يحصل فيها البلاوي دي كلها ده اكيد اكيد مافيش اي نظم جودة او مراقبة جودة لان ازاي عربية زي دي تخرج من المصنع بالشكل ده - ماعهلش يا جماعة اعذروني لان سبب الحادثة تافه جدا ده الواحد كل يوم بيقابل نقر و حفر و هو علي 120 و اكتر
و ياريت اخوانا السيراتوية ما يزعلوش و ياخدوا الموضوع بحساسية لان ده قضية فردية و ربنا يستر


محمد فهمي

ألف حمدلله على سلامتك وربنا يعوض عليك خير ان شاء الله , وبجد منظر الصور زعلني جدا وتقريبا العربية كانت عند قسم الحي السابع في 6 أكتوبر لأني ساكن هناك .

بشمهندس أحمد وكل الاخوة اللي معاهم السيراتو وخصوصا الموديل (SX) هل فعلا في مشكلة في العربية وحدفة شمال في العربية ولا ده كان اهمال في الصيانة في عربية المهندس أحمد أنا بجد خايف لأني فعلا كنت نازل أحجز العربية الموديل (SX) بعد بكره اللي بجنوط 17 ، وانا حاسس ان المشكلة في المقاس ده من الجنط لأن الكاوتش متركب فيه low Profile وانتوا عارفين ان أي نقرة في الاسفلت أو حفرة بتيجي في الكاوتش ومش بيقدر يستحملها وخصوصا عندنا في 6 أكتوبر (Cat Eyes) كتيرة أوي قبل المطبات وكل ده بيأثر على الكاوتش ياريت أصحاب السيراتو اللي معاهم جنوط 17 يتكلموا على عربياتهم وهل فعلا في مشكلة في الجنط ولا المشكلة في عفشة العربية .

أفيدونا عشان على الاقل لو في حاجة ناخود موقف ، وخصوصا ان كان في أحد الاخوة بردو كان معاه نفس مقاس الجنط ده وفي صيانة الــ 1000 قالوا ليه ان فيه بالونه في الكاوتش ولازم يتغير .

ياريت كل واحد يكتب ويقول لو في مشاكل فعلا في العربية ومنتظر ردود الاخوة أصحاب النيو سيراتو
لأني انا فعلا نازل أشتري وحجزت واحدة والمفروض أستلمها خلال أيام .

وشكرا ليكم جميعا

لا حول ولا قوة الا بالله ربنا يعوض عليك بأحسن منها إن شاء الله ويكفينا كلنا شر الطريق ويسترها معانا كلنا

المشاركة الأصلية كتبت بواسطة abou_ruqi

ألف سلامة يا حبيب قلبي والحمد لله إنك لسه وسطينا وإنك طبعا رجعت لأهلك بالسلامة

قلنا وعن تجربة يا جماعة إن الكوري مايفرقش عن الصيني غير إنه شكله أحلى
قلنا إن الكوري ضايع في موضوع الأمان حتى لو أخد 1000 نجمة في الكراش تيست - اللي بيجي هنا حاجة تانية
قلنا إنهم بيعملوا مواتير تجري بسرعة بلا عفشة تستحمل ولا فرامل توقفك ودي اسمها عربيات موت
قلنا إن دخل العامل الكوري هو نفسه دخل العامل الياباني بينما السيارات الكورية أرخص بكثير والمفروض نسأل نفسنا ليه ؟

يا جماعة نصيحة لوجه الله تعالى
الآمان أولا
الآمان أولا
الآمان أولا

وطز في المواتير والتصميم واسم العربية و اسم الوكيل

اقسم بالله العظيم أنها ليست شماتة بل خوفاً أن يزيد عدد ضحايا التوكيلات الزبالة والسوق المتخلف الذي يتحكم فيه الجهلة من السماسرة المدعيين المعرفة

حضرتك الكوري مش زبالة ولا حاجة والحمدلله معايا عربيتي اللانوس بقالها فوق الــ 6 سنوات ما شاء الله العربية زي الفل وعمرها ما عملت حركات ندالة والحمدلله العربية بجد مبسوط منها على الاخر . اللي بيحصل ده ممكن يكون حاجة فيها سوء تصنيع أو أهمال في الصيانة وطبعا القدر فوق كل شييئ ياريت بس حضرتك متتهمش الكوري بسوء التصنيع وخصوصا لو تعرف حضرتك دالوقتي حاليا الامريكان في امريكا بيقبلوا على شراء الكوري لأنها فعلا عربية ممتازة كأعتمادية واقتصادية في استهلاك الوقود والصيانة وعربية مفيش فيها أي مشاكل