الموضوع: لو الكلام ده صحيح حقهم الجزائرين يعملو فينا كده

المشاركة الأصلية كتبت بواسطة أحمد كمال

لا يا شيخ

نسيبهم يولعوا و نسيب المدنيين يتقتلوا و ما يهربوش

لا قدر الله لو قامت حرب اعيش و اشوف الناس هتعمل ايه لو ليبيا و السودان قفلوا الحدود و المواني و المطارات اتضربت !!!!!

+1
واللي حصل وقت احداث غزة ان الحكومة المصرية فضلت التواطؤ مع العدو اليهودي على التعاون مع المقاومة الشعبية الفلسطينية بقيادة حماس لانهم اخوان مسلمين......................
....... وخافوا كمان من اتصالهم وتعاون يحصل بينهم وبين جماعة الاخوان المسلمين المصرية .........

و الله المعروف ان اللي بيحبك بيخلقلك الف عذر مهما كنت غلطان، و اللي بيكرهك بيصدق عليك اي حاجة وحشة حتي لو كنت ملاك، يعني خبر زي ده مش هو اللي خلي السعوديين و غيرهم يشتموا في مصر زي ما صاحب الموضوع - مع كامل احترامي - ما بيقول، الناس دي هي اللي بتدور علي حاجة تشتم بيها مصر، و لو مكنش الخبر ده كان هيبقي علي حاجة غيره...

و بالنسبة لموضوع الحدود مع فلسطين، الموضوع مش موضوع تواطئ ولا اخوان مسلمين و حماس، الموضوع ليه ابعاد كتير و اهمها كمية السلاح و المتفجرات اللي في سيناء مستنية فرصة تروح لحماس، و في الحالة دي هنتورط احنا في حرب تانية علشان ناس ما تستاهلش (معلش في الكلمة، بس اللي عاشر الفلسطينيين هيفهم انا بقول كده ليه)

المشاركة الأصلية كتبت بواسطة mada121977

كلام ايه اللى صحيح يا باشا
ده اللى عمل الموضوع اللى انت نقلته ده واحد متخلف ودماغه تعبانه وشارب مياه ساقعه وبينام وهوا مش متغطى كمان
وهو المحروس كان معاه صور جوزات السفر بتاعتهم وصور ال id علشان يكتب التفاصيل الظريفه دى .. الواحد حاسس انه بيشوف فيلم هندى ماسخ

+1
وشكلهم مش مصريييييين
دي إفتكاسه

بالذمة فيه حد عاقل يصدق الكلام ده؟

الموضوع ده انا شفته من اكتر من 10 سنوات هو وكثير من المواضيع المماثلة التى يبتكرها بعض مراهقى الخليج ممن تعلموا استعمال الفوتوشوب والباور بوينت حديثا، من ضمن الأمثلة الشهيرة الأخرى موضوع لا يمكن ان يوصف سوى بأنه هزلى عن شارع مزعوم فى القاهرة اسمه شارع "جحيش" (قام السافل الذى فبرك الموضوع باستعمال يافطة تخص شارع الجيش وقام بتعديل بسيط فيها بالفوتوشوب لكى تقرأ "شارع الجحيش" ، واخترع قصص لا اول لها ولا آخر عن عن ان هذا الشارع هو شارع الدعارة الرسمية بمصر ، بل وفرك احاديث مع فتيات ممن يعملن فى هذا الشارع وحصلن على تراخيص من الحكومة المصرية لهذا الغرض-تخيلوا- وطبعا الحوار مدعوم بشوية صور لفتيات ملامحهم روسية وشرق اوروبية، ثم ادعى المحروس ان الشرطة المصرية تقوم بحماية هذا الشارع لمنع الغيورين على دينهم من الاغارة علية، مدعومة بصورة لجنود الأمن المركزى مصطفين بدروعهم البلاستيكية وعصيهم فى ذلك المظهر الذى نراه فى مبارات كرة القدم او فى فض المظاهرات، ومطلوب مننا نصدق، لكم للأسف ان هذة الشياء البلهاء تلقى الكثير من القبول لدى من اختلطت لديهم كراهية مصر مع الجهل مع الكبت فيجدون فيها متنفسا لصب لعلناتهم علينا،

محدش حوالينا بيحبنا، ومالوش اى معنى اننا نفضل ندعى اننا بنحب من لا يحبوننا ولا يضمرون لنا اى خير

من كتر غيظى من الموضوع و الفبركة و غباء الناس اللى بيقولوا مصدقين مش لاقى تعليق