معدل أستهلاك البنزين في التيريوس

**boty50** · 26-11-2007 03:45 PM

اليوم قمت بأول قياس لمعدل أستهلاك للبنزين للتيريوس 2007

نوع البنزين 95 اوكتين
المسافة المقطوعه 350 كيلومتر
أستهلاك البنزين 33 لتر
المعدل تقريبا = 11 كيلومتر لكل ليتر

نصف هذة المسافة كانت مع تكييف وكمان تسخين لمدة
4 دقائق صباحا"
(الجو بالكويت حاليا عجيب شوية ، برد الصبح وحر
بوقت الظهر)

**ابوحميد** · 29-11-2007 03:28 AM

شكرا على المعلومة
بس اعتقد ان 11 كم لكل لتر مش مظبوط
اعتقد هيا 8 او 9 كم بالتكييف
ملحوظة اناعربيتى دفع خلفى مش رباعى

**boty50** · 29-11-2007 10:12 AM

عزيزي أبو حميد

مش فاهم معني مش مظبوط ؟
الأستهلاك كان علي اساس الليترات والمسافة المقطوعة
ومذكور بالمشاركة الأرقام بدون زيادة او نقص
لو قسمت 350 كيلومتر علي 33 ليتر = 10.606 كيلومتر لكل ليتر

**ابوحميد** · 29-11-2007 04:44 PM

اخى العزيز
مش قصدى اشكك فى حضرتك
ومعنى كلمة مش مظبوط غير صحيح من وجهة نظرى واستعمالى
يمكن تكون انت صح واتمنى ذلك لانه من مصلحتى لانه لو كلامك صح يبقى انا مستفيد
ويمكن انا
متزعلش بس
وعلى فكرة محدش كلامه قران يعنى اى حد كلامه قابل للرد
يا سيدى حقك عليا
يمكن انا اللى حسبتها غلط وليك عليا وعد ححسبها تانى ولو طلعت غلطان حقول ومش حتكسف لانى مش اول ولا اخر واحد يغلط

**boty50** · 29-11-2007 04:52 PM

عزيزي ابوحميد

حبيبي واللة ، لم اقصد المعني اللي وصلك دة
انا مش زعلان ولاحاجة ابدا ، بس حبيت اعرف معني الكلمة بس
والحسبة مذكورة في المشاركة

عموما انا حاقيسها تاني في المرة الجاية وامنا بعبي بنزين
وحاقولك ، يعني كمان اسبوع او 10 ايام كدة

**ابوحميد** · 05-12-2007 12:35 AM

اخى boty50
فعلا كلامك صحيح انا دورت على النت ولقيت اللى انت بتقوله صح
وانا حشوف هل فى الحقيقة زى اللى موجود فى النت ولا فى اختلاف
ويا ريت تساعدنى وتقوللى احسبها بالزبط ازاى

**Ahmed Anwer** · 05-12-2007 12:55 AM

بس يا أخ أبو حميد ،،

بتفول العربية و تحتفظ بقراية العداد ،،

و تمشي بالعربية و ترجع تفول التانك تاني ،،

و تشوف القراية الجديدة ،،

و تحسب عدد اللترات اللي حطيتها في التفويلة التانية ،، و تشوف عملت كام كيلو ما بين التفويلتين

يبقي هوا ده استهلاك عدد معين من اللترات لعمل كيلومترات معينة ،،،،،،،،

اعتقد دي ممكن تكون ادق طريقة الحساب عن طريق معرفة ماتم استهلاكه من التانك المتفول ،،،

سؤال كده علي الماشي بما إني من أشد المعجبين بالتريوس ،، ربنا يباركلك فيها ،،،

و حطيطها في الخطة الخمسية القادمة ،،

في أخبار عن شكل جديد للتريوس ،، هيبقي عامل إزاي و هينزل إمتي ؟؟

**Abu Aly** · 05-12-2007 11:26 AM

المشاركة الأصلية كتبت بواسطة Ahmed Anwer

بس يا أخ أبو حميد ،،

و حطيطها في الخطة الخمسية القادمة ،،

حلوه !! بس خد بالك التريوس مفيهاش ال ABS اللى موجود فى الصورة !!!!!!!!!

**ابوحميد** · 06-12-2007 03:12 AM

شكرا يا احمد انور على المعلومة
وربنا يكرمك بعربية احسن من التريوس زى ال ماتريكس مثلا
:p:p:p:p
اخوك
ابوحميد

**boty50** · 06-12-2007 03:03 PM

عزيزي

التيريوس 2007 موجود بها عدة قراءات للعداد
وكمان بعض التحليلات لمعدل الأستهلاك كمان

العداد بتاع الكيلومتر بة وضعين غير عدد الكيلومترات الأساسي
ودول لحساب المسافة بين الرحلات الطويلة ، ودة ممكن تستخدمة
في حساب عدد الكيلومترات في التفويلة الواحدة

بمعني انك تصفر عداد الرحلة علي الصفر اول ماتعبي بنزين علي الأخر
وتمشي مثلا لغاية ما تستهلك نصف او ثلاثة ارباع التانك وبعدين
تعبي التانك للأخر مرة تانية وحيكون عندك قراية العداد بتاع الرحلة
اللي حايكون جاهز بالمسافة المقطوعة مقابل عدد اليترات اللي مونتها

بالنسب للعداد الأخر بتاع تحليل المعومات فدة بيحسب لك بالتقريب
استهلاك السيارة الحالي لكل ليتر بنزين مقابل عدد الكيلومترات المقطوعة
وبيحسب لك كمان عدد الكيلومترات اللي ممكن تقطعها بكمية البنزين
الباقية في التانك.

بالنسب ل Abs فسيارتي مزودة بة وهو ميزة اساسية في جميع موديلاتها
حسب مواصفات الشركة المذكورة بالكتالوج