الموضوع: عايز أعرف فى حد من دفعة شهر ديسمبر استلم اللوجان

محمد ذكى بيسلم فى خلال اسبوع او 10 ايام بالكتير
وما عتقدش أن التوكيل فى موضوع واصته اتصل بيهم وشوف ولو لسه كتير اسحب فوسك وروح على محمد ذكى وهما لو قلتلهم هاسحب الفلوس هتلاقى جدية اكتر منهم لان هايخسروا عميل

من شهر اكتوبر وزعلان :POINTI~2[2]:. انا من 26/8 مزنوق جدا وبشوف كل يومين عربيات جديدة وانا المفروض استلم فى ديسمبر وانا منتظر على احر من الجمر.وشوف الموضوع.
انا فعلا حاسس ان الموضوع فية كوسة بس انا مستنى لحد نص ديسمبر اشوف وبعدين كل تاخيرة وفيها خيرة .العربيلت دلوقتى بتنزل بكاسيت يشغل ام بى ثرى والواحد بيشوف العيوب وازاى يفاديها ان شاء الله انا سامع انى خلال الاسبوع اللى جاى فى تسليم .حضرتك منيين والتوكيل فيين .بس انصحك تصبر معايا وبلاش الاستعجال هانت خلاص
://www.nilemotors.net/Nile/108356-a.html

ياباشا انتى لو حاجز فى التوكيل الى فى احمد عرابى فحب اطمنك ان موضوع الحجز مفهوش اى كوسة خالص دول ناس محترمين لانى كنت حاجز فى اخر شهر 6وقالولى هتستلم فى نص 12 ولاقيتهم بيكلمونى فى اول10 وقالولى فى عربية بنفس مواصفاتك عميل مش جاهز لو تحب تاخد مكانة وتستلم بعد يومين وخلصت بس الصراحة انا كنت ماكد عليهم ساعت دفع المقدمة لو جت فرصة كدة لمونى وقد كان بس خلى بالك الفرص دى بتيجى قوليلة قولى ليه؟ اقولك ليه عشان لازم تكون نفس لونك من 5 الوان ونفس الاوبشن من 3 اوبشن ويجى واحد معهوش فلوس فتبقى فرص بس مش تقلك خالص ما تعرفش الخير فين

انا متشكر جدا يا جماعة على ردودكم
انا حجزت من توكيل الداون تاون فى اسكندرية
اللى مفور اعصابى وبيخلينى عايز اتصل بيهم اسمعهم شوية كلام من اللى قلبك يحبهم ان فى واحد صاحبى ابوة مستشار استلم عربية قبل معادة بكتييييييييير وانا بصراحة مبكرهش حاجة فى حياتى قد اللوع والالتفاف على النظام ولو التوكيل دة محترمش معادة معايا وسلمنى خلال الاسبوع دة انا هسحب فلوسى
انا كنت بتمنى انى اروح القاهرة واستلم من محمد ذكى على الكلام اللى سمعتة من حضراتكم فى المنتدى هنا بس بصراحة الموضوع صعب عليا وخصوصا ان انا عندى ضغط شغل جامد اليومين دول

ربنا يصبرنى ويصبرك وهانت .هو اللون اللى طلبتة اية؟؟

فيرانى او بترولى ...حتى لو عندهم لون بوحلوقى بس يخلصونا