الموضوع: ايه حكاية النوبيرا بريميم انتشرت بشكل رهيب ايه التفاصيل ؟؟

المشاركة الأصلية كتبت بواسطة mummy_47

طبعا هي معاقين ومش بتنزل مصر غير من بورسعيد وغالبا بتكون اوتوماتيك

ابرز الفروق بينها وبين المصري حسب ما عرفت:

الفتيس كهرباء مش على واير زي المصري..وبتحكم الكتروني ..يعني مش هيعمل معاك مشاكل المصري من كثرة الكيك داون والسلك يتقطع مثلا.
البوابة مختلفة.
الكاوتش مقاس 15 بوصه ..المصري 14 بوصة.
الكراسي مكسية جلد بلون الطابلوة والدركسيون.
اطقم ابانوس في الطابلوه.
زرار power للقيادة الرياضية في الفتيس وHold جنبه مش مثبت سرعة ولكن للقيادة الاقتصادية.
البطارية اللي فيها وانا استلمتها بيها مكتوب عليها بالكوري كلها وكانت جافة بالمؤشر.
المية اللي انا استلمتها بيها كانت ميه خضراء
الكاسيت ماركة Daweoo وكان معاه شريط اغاني كوري كمان.
التكييف تاتش كما بالصورة.روعة كانك مركب تكييف متزلي تظبط درجة الحرارة زي ما تحب وكمان ممكن تخليه اوتوماتيك..اكثر من رائع.
اعتقد الموتور والفتيس صناعة GM
مفتاح الكاسيت والراديو في الدركسيون.
الطابلوة جلد.
الابواب جلد على قماش خامات جيدة جدا.
الشكل هو هو بتاع المصري
اكيد فيه حاجات تانية لكن انا مش فاكرها

اه حاجه كمان...تخيل ان الاستبن منزلش من على الارض رغم ان العربية مو 99 وعدة العربية مستخدمتش

حضرتك معاك الكورى مش كدة
اعتقد مفهاش اير باج و abs موجودين فى الاوروبى فقط وعامة الدايو كلة منزلش فية الحاجتين دول غير فى الاوروبى فقط لانوس و جوليت و نوبيرا1 و نوبيرا2
قبل ما اخد عربيتى كان فية واحدة فضى علقت معايا من اول ما فتحت الباب وركبتها كانت اخت اللى مع حضرتك ربنا يباركلك فيها وكانت ال 2 ايامها ب35 وال1 ب25 ل 27
وانا كان معايا 30الف واساسا رايح اجيب لانوس بصراحة
عايز اقولك عملت جميع المحاولاات عشان اخدها بال 30 الف اللى معايا معرفتش
الراجل قالى خد نوبيرا 1 هيا هيا فرق الشكل والصالون فقط والمكنة 1500 وعهمل معاك واجب فى السعر خدها ب25 بدل 27 قولتلة طيب اعمل معايا واجب واخد ال2 ب30 قالى صعب جدا اخرها ال35
قارنت ال1 بالانوس طبعا اخترت ال1 والحمد لله على الاختيار الواحد مش ندمان عالية محدش يعرف مش ممكن كنت اخد ال2 متهنتش بيها. الكلام دة عز ماكان التجار خربنها بيع واستيراد

دلوقتى روح المنطقة الحرة اتفرج لو هتشترى ممكن توصل معاك ال2 ب25 الف سبجان الله والحمد لله على كل شىء
بس قصاد كدة مفيش نقل ملكية الابعد خمس سنوات وعشان كدة العربيات كلها رخصت فى السوق الحرة وبقى الاقبال عاليها ميجيش ربع الاول والتجار حالها وقف وبقوا يقطعوا العربيات دى ويبعهوها قطع غيار .. امال هيودى كل العربيات دى فين
نصيحة للى عايز يشترى عربية نظام معوقيين بلاش تتعب نفسك خلاااص هتجيب العربية وهتفضل ماشى خمس سنين عشان تفك الحظر بتاعها مش معقول هتقضى ال خمس سنين مطاردات من المرور.