-
عن نفسى بتجنب تماما......واحدة ست بتسوق عربية سيدان كبيرة ولازقة نفسها فى الدركسيون ....دية بعتبرها بلاعة مفتوحة فى الشارع وبجرى عنها فريرة .... هههههه معلش اصلى دول سسبينس متعرفش ردة افعالهم........
عن نفسى بحترم الناس من عربيتهم....لان انا فى اعتقادى ان السواقة واختيار العربيات ثقافة وزوء كمان.....بالظبط مثلا نادرا لما تلاقى واحد لابس بدلة ومحترم وحاطط على موبايلة كلة شعبى ...كدة بالظبط فى الشارع .....
لو لاحظتها عد معايا كام واحد منا شاف بى ام جديدة ولا مرسيدس و لا اودى بيجرى وبيعمل غرز وسط الشارع ...هتلاقى نادر جداااا
الا لو شاب وكسبها فى مسابفة كيس شبسى ولا الحج جبهالة هدية عيد يلادة
-
بالنسبة ليا الموضوع ملوش أي علاقة. 60% بعمل حساب غلط الغير و بتوقع حاجات و بعديها بتحصل! و مش مهم هو راكب اية المهم هو سايق ازاي.
-
-
الحالة الوحيدة اللي بتخليني اطلع ايدي برة العربية لما يكون واحد ماشي ورايا و منور العالي .. بتعمي و ساعات كتير محدش بيفهم الإشارة يمين في شمال عشان يطفي النور :(
اللي بيستخدم الإشارات بحترمه جداً و بخليه يعدي طالما الظروف تسمح و لأنه كمان اصبح عملة نادرة...
ف عربيات بقى ليها هيبة كدا عندي .. لو شفتها في المرايا ورايا اكيد بوسع لها ... هههههههه
اللي بيستخدم نور بيعمي سواء ابيض او ازرق او حتى تركواز من غير عدسات بحب اغلس عليه .. اسيبه يعديني و اضرب له العالي ... رخامة بقى
اللي بيمشي طافي النور بالليل بقعد اشتم فيه في سري .. شتايم من نوع يا جاهل يا متخلف مش اكتر من كدا يعني..
اخر حاجة ... رغم اني لسة بقول في عربيات ليها هيبة و بتاع .. مرة حصل موقف مش ظريف خالص مع جيب شيروكي .. و رخمت عليه على اساس انه هو اللي غلطان و بعدين طلعت انا الغلطان ..
موضوع ظريف اوي...
بس انا عايز اعرف من MMamdouh اية الكتف القانوني دا ؟؟ عايز اجربه ...
-
الا حكاية التشويح باليد دي
واحد قبل كدا كسر عليا ومشي قدامي رحت كلكستلو واديتو نور عالي راح مطلع ايدو ومشوحلي
يعني الباشا غلط وكمان مش عاجبو
واخوكم بقى اتجنن هههههههههههههههه
بس عموما انا بحاول اسيطر على نفسي من الناس المستفزه دي.
اما بخصوص اني بتعامل معاهم ازاي فكلهم زي بعض
ماعدا النقل لبكبير طبعا دا ليه معامله خاصه
لازم طبعا قبل ما اعديه اديلو نور وكلكس علشان الباشا الكبير ميرميش عليا في وقت ما انا بعدي
التانيين بقى دايما دايما بيكسروا عليا مع اني ممكن اكسر عليهم عادي
بس مبقتش اتنرفز منهم خالص او حسب الحاله المزاجيه بقى
وطبعا طبعا يعني اي عربيه بروتون بتكون عاوزه تعدي مني بعديها بكل زرق
اما باقي العربيات بردو بعديهم بكل زوق
بتعامل مع العربيات بأنواعها بشكل راقي والحمد لله ماعدا النقل والميكروباص ميستاهلوش
-
المسألة في رأي مالهاش دعوة بالعربية اد ماليها باللي سايق
1- يعني واحد باشا وخايف علي عربيته وبيتكلم في الموبيل ومعطلني وراه هعدي منه وابصله بأرف
2- واحد كسر عليا يارب لو راكب بورش ولا عربية ميكروباص دي هي دي ( يا سواد ليله)
3-ماشي في طريق رايح جاي واللي جاي مديني العالي وانا ماشي ومش شايف من سكات بصدر العربية وش في وش واقف
الخلاصة:- الاحترام حلو جدااااااااااااااااااا ( بغض النظر عن العربية )
-
كدة كدة مش بكلم حد سايق
بالنسبة لي العربية ب 1000 جنيه زي 1000000 جنيه
المهم اللي راكب العربية غبي او بيستهبل ومتعمد يرخم بديله الوش ده :H_angry[1]: في صمت ومفيش مانع اشتمه في سري :vctry:
-
انا احسن حاجة
بعدى من كل الناس ومشش بنطق مش راضى يوسعلى بعدى من اليمة التانية بكل هدوء واحترام
لانى اساسا بمشى بسرعة فاكيد هبقى اسرع على طول من الى قدامى
فبعدى منة من اى ناحية بكل هدوء
-
مش مهم العربية المهم السواق
يعني مثلا رايح امتحان الصبح و ماشي ورا واحد في شارع ضيق فااااااااااضي و هو ماشي علي سرعة 3 كم اكيد يعني لازم تييييييييت
-
بطلت أركز مع الناس في الشارع حفاظاَ علي نفسي من الأمراض
مش بحتك غير باللي بيحتك بيا بغتاتة .. إنهاردة مثلاَ علي مطلع 15 مايو عالكورنيش و واقف خالص الطريق ميت و واحد ورايا بمرسيدس c180 معلق إيده عالكلاكس .. شاورتله "أسف" و جيت جنبه فتحت الشباك بمنتهي الهدوء قلتله معلش انا أسف نزلت مستعجل و نسيت الجناحات إنهاردة يا رب مكنتش عطلت حضرتك ولا حاجة ! إستغرب كدة و جه إبتدي يتكلم عليت الكاسيت و قفلت الشباك مبصتلوش تاني.
بس بصراحة ساعات بعامل الناس بفكرة مسبقة لبعض العربيات .. مثلاَ تاكسي قديم و سواق في الخمسينات و شعره طالع من الجنبين و فاتح بقه علي طول ده بشوفه في المراية بتوقع مقدماَ المصيبة اللي هيعملها .. لانسر أو فيرنا سايقها شاب ببقي عارف إننا علي بعد ثانيتين من غرزة مميتة هتحصل .. واحد حاطط زينون لدرجة إني مش شايف حاجة ببقي عارف إن ليلته معايا سودة و هقعد أتسلي عليه طول الطريق.
Content Relevant URLs by
vBSEO 3.6.0 PL2