هى العربية مبتفرقش قد ما السلوكيات هى اللى بتفرق
يعنى لو واحد راكب عربية قديمة وماسك شمال ومعطل الطريق بيكون زية زى واحد راكب عربية حلوة وماشى بطئ فى الشمال وبرضو معطل الطريق ، و رد الفعل معاهم بيكون واحد مش فارقة كتير ، لو مستعجل الزق فية واطلع منة بسرعة .. لو رايق امشى قدامة وهدى اكتر منة وشلل بشلل بقى
ولو العكس يعنى حد هو اللى عمل معايا حاجة فى الحالة دى مبتفرقش خالص هو راكب اية وبيتعمل فية نفس اللى بيتعمل فى أى حد إلا لو جري ومعرفتش اجيبة طبعا .. يعنى امبارح مثلا على الزراعى الساعة 2 بالليل ماشى 120 وماسك الحارة اللى فى النص واحد بتريلا شايل كونتينر عدى منى وراح رامى عليا جامد وبعدين راح واخد الحارتين الوسطى واليمين .. طبعا اضطريت اهدى وبعدين خدت الشمال وشديت عديت منة كنا على مطلع كوبرى بركة السبع والكوبرى واسع مش مستاهل خالص اللى عملة ، روحت جاى قدامة فى بداية المنزل بتاع الكوبرى وهديت وفضلت لازق قدامة ذليت أنفاسة وهو طول نزلة الكوبرى إيدة على السرينة .. لحد ما خلص الكوبرى سيبتة ومشيت