الموضوع: انا عملت حاجه وحشه أوي من يومين..حد يقولي صح ولا غلط..؟؟؟

قدر الله و ما شاء فعل ..
انا خبطت كلب بالعربيه و انا ماشى 90 ...
كسرلى الاكصدام و الرداتير و سربنتينه التكييف و الفوج ..
و طلع مت تحت العربيه ي هو هو ...و يجرى فى وسط الطريق

للأسف مش عايز أرد رد يبان مثالي زيادة عن اللزوم.

بس انا لو مكانك كنت هنزل بالعربية في الحفرة و أعتبر الأضرار هي القضاء و القدر
مش أقتل الكلاب و أعتبر ده قضاء و قدر لأن ده كان إختيار للحفاظ علي العربية

حفاظاَ علي روحين ربنا خلقهم و دول يستحقوا الحفاظ عليهم أكتر من عربية بني أدم زيي و زيك اللي عاملها.

انا عارف إنه كان قرار صعب طبعاَ و خدته في جزء من الثانية و سببه الطرق المنيلة اللي عندنا و واضح إنك مضايق بدليل إنك عملت الموضوع انا بس بوضح وجهة نظري .. انا كنت هعتبرهم أكنهم واحدة بني أدمة عندها تلات عيال و انا قتلتها إتنين! مفيش حاجة تستاهل الألم اللي سببته للأم و الجرو الثالث و قتل الحياة اللي كانت في جسم الجروين بعد ما كانوا بينبضوا بالحياة.

الرد ده انا كنت عايز اقول زيه بالظبط
وموضوع انت غلطان ولا لا
انت الوحيد الى تقدر تحكم
هل فعلا كان فى اى فرصة للتفكير ولا انت مكنتش مخير يعنى مفيش مفر انك تدوسهم
وعلى فكرة انا لو ماشى وقابلنى كلب او قطة بتصرف كانه بنى ادم عادى
يعنى ممكن افرمل وسط الطريق والى يحصل يحصل حتى لو حد راكب معايا بيستغرب
انا اكتر من مرة وقفت الطريق ورايا وخدت شتايم زى الفل عشان اعدى كلب او قطة
وزى ماقولتلك انت الى هتحكم على نفسك طبعا مش بقولك موت نفسك
انما إستغفر ربنا وتصدق

كلب و راح !!!!!!!!

شكرا يا دكتور على مشاركتك معانا ألمك و حزنك على الحيوانات الضعيفة اللي ربنا خلقها و فيها جزء من أمتحانا في الدنيا .
و لا ننسى قصة العاهرة التي دخلت الجنة بسبب انها سقت كلب
و قصة من دخلت النار بسبب حبسها لقطة ....

عند ربنا مفيش حاجة أسمها " كلب و راح " .... عند ربنا كله بحسابه ..

حتى الثعابين و الحيوانات المؤذية ... نقتلها فقط عندما نتعرض للأذى منها فقط .

علشان الحيوان و الروح لها قيمة في أوروبا فأصبح الأنسان له قيمة

و أحنا لسة مش بنقدر الروح التي خلقها الله عز و جل .

أرجوا يا أخواني اعادة التفكير في موضوع الروح الخاصة بأي حيوان

المشاركة الأصلية كتبت بواسطة dr.sherif mansy

طبعا اللى حصل شئ مش لطيف ، و ربنا قدر و لطف ..

معلش انا بطبيعتى باحب احلل المشكلة لنقط .. ساعات بتفيد فى حلها او بتهونها على الأقل:

1) ده قضاء الله ، و قدر الله و ما شاء فعل . حلو او وحش (من وجهة نظرنا) لازم نرضى به.

2) مهما كانت الحكاية ممكن تكون تافهة او كبيرة عند ناس او ناس تانية ، ففى النهاية دى روح ، و بالتالى استغفر ربنا ، و حاول فعلا انك تكون سبب فى اطعام الكلبة دى و ابنها.

3) ما تحاولش تلوم نفسك انك اخترت تدوسهم و تحمى العربية ، لأن ماتضمنش ان لو نزلت فى التكسير و مع سرعة العربية ان الحكاية تبقلى اصابة للعربية بس ، ممكن لا قدر الله تبقى حادثة اكبر مما تتصور و بعد الشر عليك او على حد تانى كان ممكن يبقى فيه بشر مصابين مش كلاب صغيرة.

4) ما تعرفش الخير فين ، مش يمكن ربنا عمل كده مخصوص لأن الكلاب دى كان ممكن يحصل لها حاجة اسوأ لو عاشت ، او كانت هتأذى ناس مثلا ، فربنا جعلك سبب لكده ، و فى نفس الوقت تبقى اخدت درس و ماتجريش و تجازف ... و افتكر قصة سيدنا موسى عليه السلام مع سيدنا الخضر .. دى اكبر دليل على ان فيه حاجات بتحصل ظاهرها وحش و لكن فيها الخير مستقبلا.

5) ليه مانقولش الحمد لله انها كلاب مش بنى ادمين .. تخيل لو دول كانوا طفلين .. كان يبقى ايه الوضع ؟؟ مش باهون من من انهم روح و لكن فكر فى المقارنة دى ...

6) اخيرا بلاش نلجأ للفتاوى و الأفضل تسأل حد من المشايخ المتفهمين ايه اللى نعمله للتكفير عن كده .. هل الأستغفار وحده كافى ولا لازم تطلع صدقة ؟..

7) كونك حاسس بالذنب و تأنيب الضمير فده دليل على ان جواك انسان خير و كويس .. استغفر ربنا و شوف هاتعمل ايه زى ما قلت لحضرتك و حاول تطلع من الأحباط ده و اتجه اكتر لله..

و ربنا يحفظنا جميعا ..

و ربنا معاك..

و تحياتى

المشاركة الأصلية كتبت بواسطة tutankhamoun

كلب و راح !!!!!!!! :h_angry[1]:

شكرا يا دكتور على مشاركتك معانا ألمك و حزنك على الحيوانات الضعيفة اللي ربنا خلقها و فيها جزء من أمتحانا في الدنيا .
و لا ننسى قصة العاهرة التي دخلت الجنة بسبب انها سقت كلب
و قصة من دخلت النار بسبب حبسها لقطة ....

عند ربنا مفيش حاجة أسمها " كلب و راح " .... عند ربنا كله بحسابه ..

حتى الثعابين و الحيوانات المؤذية ... نقتلها فقط عندما نتعرض للأذى منها فقط .

علشان الحيوان و الروح لها قيمة في أوروبا فأصبح الأنسان له قيمة

و أحنا لسة مش بنقدر الروح التي خلقها الله عز و جل .

أرجوا يا أخواني اعادة التفكير في موضوع الروح الخاصة بأي حيوان

+100000000

المشاركة الأصلية كتبت بواسطة pro_90210

قدر الله و ماشاء فعل
و انا ياما دوست علي حيوانات
و بعد بالايام قرفان من نفسي
بس برضه العربيه اهم

لا حول ولا قوة الا بالله العربية أهم من الحفاظ على روح حيوان خلقها ربنا؟!!!!!!!!!!!!!!!!

ان شاء الله العربية الي خايف عليها اوي دي وبتفضلها على الروح ربنا هيخليها ولا تسوى