حد عنده فكره عن مزادات العربيات المخبوطه في الجمارك

**A7MED_PHARMA** · 09-12-2009 11:08 AM

انا ليا واحد صاحبي امين مخزن بضايع في مطار القاهره
مش عارف لو عنده فكره عنها ولا لأ..بس هسأله برضوو

وعموما
لو الموضوع ده صحيح
هتلاقي تجار كُبار شغالين فيه..يعني محدش يفكر يروح م الأخر

تحياتي

**party_0000** · 09-12-2009 03:36 PM

المشاركة الأصلية كتبت بواسطة mohamedsaadaly

المزادات يا جماعة تبع هيئة المبيعات الحكومية ودى مكانها فى شارع هدى شعراوى وتقدر تدفع تامين وتدخل تزايد على اى عربية تختارها ومافيهاش لعب والتجار موجودين ولكن هما اما يعرفوا ان حد عايز العربية اوى يغلوها عليه عشان كده لازم يبقى فيه كذا عربية مش واحدة بس

شكرا يازعيم
بس اكيد اللي يروح يسال يعرف معاد لمزادات دي امتا

**MaZaGAngeE** · 29-12-2009 02:37 AM

محتاجين معلومات اكتر عن الموضوع ده

**misoalex** · 29-12-2009 05:04 AM

سمعت عنها بس فى ليبيا الفرنا كانت ب 4000 دينار يعنى 20000 مصرى

**wael3m** · 29-12-2009 06:24 AM

المشاركة الأصلية كتبت بواسطة party_0000

شكرا يازعيم
بس اكيد اللي يروح يسال يعرف معاد لمزادات دي امتا

بص يازعيم انا دخلت مزاد تبع جمرك القاهرة فى ٩٩ وهقولك اية النظام:
أولا: إعلان فى الجرايد الحكومية كلها عن بيع بالمزاد العلنى لسيارات تبع الجمرك وأوقات تبع هيئات حكومية
ثانيا : بتروح تدفع مبلغ تأمين يسترد بعد إنتهاء المزاد طبعا بتاخد بيه وصل وهو دة اللى بتسترد بيه الفلوس
( على أيامى كانوا ٢٠٠٠) أظن دلوقتى ٥٠٠٠ دا علشان جدية الموضوع
ثالثا : بتشترى كراسة الشروط اللى فيها أوصاف السيارات ومكتوب بترتبها
ودى ممكن تجيبها وانت بتدفع التأمين أو من مكان معاينة اللوط ( غالبا مبلغ رمزى من ١٠ الى ٢٠ جنيه)

رابعا : بتاخد الكراسة وتروح تعين اللوط ( السيارات )
مجانا بالوصل
وطبعا معاك كراسة الشروط وتعاين لوط رقم واحد عربية نوع ماركة كذا وفيها أوصافها
خامسا : يوم المزاد ودا بيبقى ليلة كبيرة ليه بقى يا معلم
لأن فى ناس حيتان هناك وطبعا هيحاولوا يعملوا معاك الأتى :
يأما يقفلوا عليك أوى ويلبسوك العربية بسعر عالى اوى ا إما بيعرقوك بمبلغ معين وطبعا متفكرش نفسك الحاج عبد الغفور البرعى
خامسا : فرضا لو إنت رسى عليك المزاد بتدفع ٣٠% من قيمة السيارة سواء
نقدا أو بشيك مقبول الدفع وبعديها بأ سبوع أو اتنين بتدفع
بقيت المبلغ طبعا مبلغ التأمين فى اللحظة دى لا يرد لك مبلغ التأمين علشان يعرفوا انك جد فى دفع بقيت المبلغ لأن فى ناس بتدفع ال ٣٠% بشيك بدون رصيد وطبعا فى الحالة التأمين لا يرد
طبعا ساعة لما بتسدد المبلغ اللى زايدت بيه بتسلم ورق الأفراج الجمركى عن العربية وتروح تقدمة للمرور علشان بترخص بيه

السيارات دى بقى نظامها اية يا نجم ؟
دى ياسيدى واحد جايبها معاه من بره ودخلها تربتيك لمدة ٦ شهور وبعد ما يخلصوا قدامة حلين
الأول: يرجعها تانى بره
التانى : يخزنها فى المخزن الجمركى نفس مدة التربتيك ويرجع يستخدمها تانى ( حل مكلف جدا ) خصوصا انك بتدفع أرضية للجمرك
الثالث : يخش عليها المزاد علشان ميدفعش عليها كتيير
وغالبا يبجيبوا عربيات كبيرة يعنى فوق ٢٠٠٠ سى سى اللى جماركها ١٣٥% من تمنها ( فى الخليج أعلى جمرك ٧ % بس )

على أساس ان احنا أغنى من دول الخليج طبعا

والحكومة بتخاف على فلوسنا ومش عيزانا نجيب الحاجات الوحشة دى

أتمنى تكونوا استفدتم بالمعلومات دى

**misoalex** · 29-12-2009 03:57 PM

بص يازعيم انا دخلت مزاد تبع جمرك القاهرة فى ٩٩ وهقولك اية النظام:
أولا: إعلان فى الجرايد الحكومية كلها عن بيع بالمزاد العلنى لسيارات تبع الجمرك وأوقات تبع هيئات حكومية
ثانيا : بتروح تدفع مبلغ تأمين يسترد بعد إنتهاء المزاد طبعا بتاخد بيه وصل وهو دة اللى بتسترد بيه الفلوس
( على أيامى كانوا ٢٠٠٠) أظن دلوقتى ٥٠٠٠ دا علشان جدية الموضوع
ثالثا : بتشترى كراسة الشروط اللى فيها أوصاف السيارات ومكتوب بترتبها
ودى ممكن تجيبها وانت بتدفع التأمين أو من مكان معاينة اللوط ( غالبا مبلغ رمزى من ١٠ الى ٢٠ جنيه)

رابعا : بتاخد الكراسة وتروح تعين اللوط ( السيارات )
مجانا بالوصل
وطبعا معاك كراسة الشروط وتعاين لوط رقم واحد عربية نوع ماركة كذا وفيها أوصافها
خامسا : يوم المزاد ودا بيبقى ليلة كبيرة ليه بقى يا معلم
لأن فى ناس حيتان هناك وطبعا هيحاولوا يعملوا معاك الأتى :
يأما يقفلوا عليك أوى ويلبسوك العربية بسعر عالى اوى ا إما بيعرقوك بمبلغ معين وطبعا متفكرش نفسك الحاج عبد الغفور البرعى
خامسا : فرضا لو إنت رسى عليك المزاد بتدفع ٣٠% من قيمة السيارة سواء
نقدا أو بشيك مقبول الدفع وبعديها بأ سبوع أو اتنين بتدفع
بقيت المبلغ طبعا مبلغ التأمين فى اللحظة دى لا يرد لك مبلغ التأمين علشان يعرفوا انك جد فى دفع بقيت المبلغ لأن فى ناس بتدفع ال ٣٠% بشيك بدون رصيد وطبعا فى الحالة التأمين لا يرد
طبعا ساعة لما بتسدد المبلغ اللى زايدت بيه بتسلم ورق الأفراج الجمركى عن العربية وتروح تقدمة للمرور علشان بترخص بيه

السيارات دى بقى نظامها اية يا نجم ؟
دى ياسيدى واحد جايبها معاه من بره ودخلها تربتيك لمدة ٦ شهور وبعد ما يخلصوا قدامة حلين
الأول: يرجعها تانى بره
التانى : يخزنها فى المخزن الجمركى نفس مدة التربتيك ويرجع يستخدمها تانى ( حل مكلف جدا ) خصوصا انك بتدفع أرضية للجمرك
الثالث : يخش عليها المزاد علشان ميدفعش عليها كتيير
وغالبا يبجيبوا عربيات كبيرة يعنى فوق ٢٠٠٠ سى سى اللى جماركها ١٣٥% من تمنها ( فى الخليج أعلى جمرك ٧ % بس )

على أساس ان احنا أغنى من دول الخليج طبعا

والحكومة بتخاف على فلوسنا ومش عيزانا نجيب الحاجات الوحشة دى

أتمنى تكونوا استفدتم بالمعلومات دى

طبعا استفدنا يا باشا اكيد
بس سؤال انت دلوقتى اشتريت العربيه من المزاد ب 10000 مثلا حتدفع 30% وبعد كده حتسدد المبلغ كله
طب وبعد متسدد المبلغ حتدفع حاجات تانيه ضرائب يعنى زى 135% دول كمان حتدفعهم ولا انت كده اخدت العربيه ب 10000 فقط وحتدفع ترخصها فى المرور وخلاص