الموضوع: البنك مش راضى ياخد فلوسة الزيادة وبيقولى انت عملت الى عليك ...عمار يا مصر

المشاركة الأصلية كتبت بواسطة nabaster

وبعدين كلنا قرايبنا ومعارفنا شغالين في البنوك

في مننا الي هيوصلك لنقطة ان الناس دي مالها واكلها كله من حرام

مهو مرتب موظف البنك منين؟؟

مش من البنك الي جايب فلوسه من فلوس الفايده دي؟؟

و مين قال انها مش حرام؟؟؟؟؟ هي فعلا حرام ..... و انا باقولها لابويا في وشه ان فلوسه من البنك حرام ..... و هو دلوقتي عالمعاش و ربنا كرمه انه تاب الى الله ...........

المشاركة الأصلية كتبت بواسطة nabaster

لما يختلف علماء الدين استفتي قلبك

انا بتعامل مع الفايده علي اساس انها خدمه بقدمها للبنك لما بديله الفلوس دي

وبيديني عليها فلوس

والعكس لما باخد قرض

باخد منه خدمه في مقابل فلوس

ناس تقولك اشتغل في البنك بعيد عن الأتمان وبعيد عن الاماكن المشبوهه

استفت قلبك دي مقولة الناس بتستخدمها استخدام خااااااااااااااااااااااطئ

اقرا الحكم ده هنا

ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - ط.ط¯ظٹط«: (ط§ط³طھظپطھ ظ‚ظ„ط¨ظƒ ظˆظ„ظˆ ط£ظپطھط§ظƒ ط§ظ„ظ†ط§ط³)

يخطئ كثير من الناس في فهم هذا الحديث ، حيث يجعلونه مطية لهم في الحكم بالتحليل أو التحريم على وفق ما تمليه عليهم أهواؤهم ورغباتهم ، فيرتكبون ما يرتكبون من المحرمات ويقولون : (استفت قلبك) !! مع أن الحديث لا يمكن أن يراد به ذلك ، وإنما المراد من الحديث أن المؤمن صاحب القلب السليم قد يستفتي أحداً في شيء فيفتيه بأنه حلال ، ولكن يقع في نفس المؤمن حرج من فعله ، فهنا عليه أن يتركه عملاً بما دله عليه قلبه .

اللي انت بتقوله ده يا احمد هو التعريف العلمي الشرعي للربا أصلا !!!!!!!! مش معنى انك قلبتها خدمة انها خدمة !!!!!

المشاركة الأصلية كتبت بواسطة lido_pink2000

فين العلماء دول اللى بينهم اختلاف هو انت بتعتبر شيخ الازهر و المفتى علماء و على فكرة قبل ما يبقوا فى مناصبهم كانوا بيفتوا بحرمة فوايد البنوك و بعدين يا اخى انت حتتحاسب لوحدك مش مع الناس و انت مش عالم عشان تعتبر دى مقابل خدمة دة دين مش اراء شخصيه و لو مش عاجبك كلامى متمنعش وصول رايى للاخرين يمكن ربنا يكرمهم و يبعدوا عن الموضوع دة

+1

المشاركة الأصلية كتبت بواسطة mahgary

مع اختلافى معك فى هذه الموضوع لان المبلغ الموجود فى البنك هو ورث للوالدة ده اولا ثاني انت عايز سيده ليس له خبره فى التعامل مع الناس فى الزمن ده ( طبق كشرى ) لا اظن انهو يمكن التعامل معهم اسف ::

و ايه يعني انه ورث؟ لو ورثت فلوس في بنك واجب عليك تسحبها من البنك او تنقلها لحساب جاري ماعليهوش فوائد

ما تزعلش مني فكرتني بفيلم العار اما الورث كان مخدرات ...... لا يصح إلا الصحيح .....

و الغاية لا تبرر الوسيلة...... ممكن تنمي الفلوس بطرق كتير حلال .....

المشاركة الأصلية كتبت بواسطة medo55

الأخ amrbakly اذا انت مش عارف مين الشيوخ الي على حق ومين الي على باطل فانا بعتذر لحضرتك ,, فحضرتك تايه !!

سيبك من شيوخ الحاضر الي مش عاجبينك .. ارجع للأصل .. ارجع لسنة النبي والقران علشان تعرف منها ايه الحلال وايه الحرام ... اتعلمهم علشان توصل للحقيقه الي انت بتحاول تهرب منها :)

+1111111111111111

المشاركة الأصلية كتبت بواسطة ahmed4000

اولا انا دارس اقتصاد وبعدين درست تمويل اسلامى وللاسف كلامك كله مبنى على نظرتك البسيطة او على كلام سمعته من حد...مع ان المفروض على كلامك انك مش متخصص فمتقدرش تقول رايك فى الموضوع

وبعدين انا علشان مش عاجبنى انك تقول بطيخ على علم او كلام ناس حتى ...ابقى متربص!!!!

لو مكنش خارج الموضوع كنت كتبتلك مقالات عن فوايد البنوك وانها ربا ولا لا وازاى ان المرابحة مش زى مبيحاولو يوهموك انها نصب وان هى هى زى فوايد البنك...يالا ما علينا وعلى العموم نصيحة للجميع اى حد قبل ميتكلم فى اى موضوع ياريت يقرا فيه شوية ويقرا كذا راى والا ميتكلمش خاصة ان الكلمة ممكن تلقى بصاحبها فى النار (والا برده الكلام ده حتعترض عليه)

+1

المشاركة الأصلية كتبت بواسطة ahmed4000

معلش نسيت الحتة دى كمان
انت نظرتك على الشيوخ معتمدة على بتوع مصر اللى غالبيتهم حافظين القران وكام خطبة وبيقعدوا يكرروها وخلاص...لكن للاسف الوضع حاجة تانية تماما بره مصر والشيوخ دول متخصصين فعلا فى الاقتصاد الاسلامى ودارسين شريعة وفى نفس الوقت اقتصاد وعندهم مجالس فتوى من ناس متخصصة فى الاتنين

يا سيدى الفاضل مدارس الاقتصاد الاسلامى بره مصر بقالها سنين والعالم كله بيجرى فيها وبيطور فيها واحنا هنا منعرفش عنها حاجة، الواحد بيزعل لما يشوف الناس بتوع ماليزيا وهما طايرين فى الموضوع ده واحنا لسه بناقش الفايدة ربا ولا لا

على فكرة اول مبيتقال سيرة طنطاوى قدام الناس دى...اكتر واحد مؤدب فيهم بيضحك بسخرية وطبعا سمعتنا زفت قدامهم وياما منعوه من حضور مؤتمرات علشان بس قال ان فايدة البنوك حلال

+1

و حياتك كان بيقول "حلال حلال حلاااااااااال" .... و رجع السنة اللي فاتت قال لا يجوز الحج بفوائد البنوك (قريتها بعيني في جريدة الأخبار) لأن الحج لازم يبقى من مال طهور ..... طب كلامك بيناقض نفسه ليه يا عم الشيخ؟؟؟؟؟؟

المشاركة الأصلية كتبت بواسطة Egyzizo

إلا بالمناسبة يا جماعة ..

ايه البنك والشهادة اللى بتدى اعلى فايدة فى مصر دلوقتى ؟؟؟؟

!!!!!!!!!!!!!!!!!!!!!!!!!!!!!!!!!!!!!!!!!!!!!

المشاركة الأصلية كتبت بواسطة ahmed4000

أحمد باشا كماال
:b4_388:

ومرة تانية معذرة لصاحب الموضوع على الخروج عنه
انت عملت اللى عليك وحاول تطلعهم لله وربنا يتقبل ان شاء الله

الآيكون مش باين يا مان