الموضوع: عمار يا مصر (والدتى عملت محضر للجنة كلها .......)

بسم الله
انا هدخل فى الموضوع على طول

احنا حصل معانا موقف كنا مسافرين انا ووالدتى والسواق على طريق مصر اسكندرية الصحراوى ولقينا لجنة فجاة وطلبوا الرخص علشان مخالفة السرعة 130 مع ان العربية مثبت السرعة كان على 85 بس
المهم السواق ادلة رخصة العربية الهوندا بالغلط واحنا كنا راكبين الجيب ورجع وكتب الوصل وكل حاجة
وماخدش بالة وبعدين نزلت انا ووالدتى لانها راسها والف سيف تعمل محضر للعسكرى الى كتب المخالفة على العربية بالغلط
ونزلت وعملت محضر للطقم كلة (ماهو جوزها رئيس محكمة وانا اقولها ياماما ربنا يهديكى والسواق ياحاجة خلاص الموضوع خلص والمخالفة هاتتشال وطقم العساكر انا اسفين يا مدام وبرضة راسها والف سيف انها تعملة محضر وعملتة واحد من العسكر للامين للظابط والمشكلة انها خريجة حقوق راحت جابت فى المحضر كل المواد القانونية الى توديهم فى 10000 داهية ) (ما الى لية ظهر مايتضربش على بطنة ) دى اول مرة احس ان الكلمة دى صح
واحنا بقا راجعين لقينا نفس اللجنة والطقم بس والدتى الى كانت سايقة
وبرضة عسكرى وقفها قالها رخصك يا مدام سرعة زايدة :10D5C8~1107: راحت مطلعالة ال3 رخص الجيب والمرسيدس والهوندا وقالتلة بص اختار الى عاوزها
راح افتكرها ونادى الظابط وقالها احنا اسفين يا مدام ودة بلاغ غلط والظابط اداها كارت قالها لو اى مشكلة فى المرور احنا تحت امرك اتصلى مكالمة واحدة بس وقعدوا يتاسفوا

وعلى فكرة من يوم ما انا اتولدت ماشفتهاش صعبة اوى كدة كل مرة كانت عادى خالص ولا اكن جوزها غفير
وبابا قلها مينفعش كدة مش كل الى معاة سلطة يروح يستعبد بيها الناس وخلاها تتنازل عن المحضر

والموضوع عدى بسلام ومن يومها بابا مخلهاش تسوق العربية (لانها لو حصلها كدة تانى محدش عارف هاتعمل اية)
لانة هوة عمرة ما عمل حاجة زى دى
والحمد لله على كل شىء

عماااااااار يامصر :k36: :k36: :k36:

هو اللي اتعمل صح لسبب واحد ان اغلبيه بتوع المرور دول

عالم زباله سورري في اللفظ واغلبيتهم عايشين بالرشاوي والمال الحرام يبقي حلال فيهم الحرق