الموضوع: عايز اكشف ساعدوني

هوا طالب السعر كام
عموما الشباب ح تقولك تعمل ايه ولا يهمك
لانه دا مش تخصصي بزبط انا تخصصي ف الاسترا

لو مفيش نتشه يبقى تمام والحمدلله

طب الحمد لله يا استرادتى

الواحد يخلي باله من عربيته احسن له

المشاركة الأصلية كتبت بواسطة tananybasha

تم الرد سابقاً بالأتى
انا عن نفسى كشفت فى مقار بس بعد ما خدت ميكانيكى و سمكرى معرفة فرزوا العربية
لما اتطمنت انها تمام رحت بيها على التوكيل و عملت كشف شامل
و فعلاً زى ما احمد قال هما اتللكوا على حاجات غريبة
يعنى عايزة ولاعه - فرش السقف فيه نقره - الفانوس الأمامى فيه ريشة مكسوره و كلام من اللى لا يودى و لايجيب
فالأفضل تعمل زى ما انت عملت و اهم حاجة تجرب الموتور و هى بارده و تشوف فيه تنتيشة و لا لأ و بعدين سيبها تسخن عشان تعرف الموتور عامل ايه و التكيييييييييييييييييف الف مره لازم يبقى شغال كويس عشان صيانته مقرفه
غير كده سمكره - دوكو - عفشة سهله و تتلم
الفوانيس قدام زى ورا ب 125 الجنب ( غريبه صح ) و الأشارتين 120 جنيه الجنبين
اكشف عليها كويس لأنك لو ما كشفتش عليها صح هتوريك النجوم فى عز الضهر
بس هضيف سؤال مطلوب فيها كام

أولا متشكر على الردود,(2000 سي سي مانيوال )أنا يا جماعة كنت عايز اكشف عليها في التوكيل عشان الحاج عايز يسلمهالي بس ما شاء الله العربية مشنة بمعنى الكلمة وإذا كانوا بيتلككوا فعلا يبقى ده عز الطلب,واصلا العربية مليانة حاجات ياما عايزة تتعمل من أول الموتور اللي سحبه ميت وصوته وحش جدا عامل زي العربية النقل وبينتش في الدوارةوتسريب مية ,والفتيس تقيل وتقريبا بيعضعض,غير اللي في الدواخل والدهان والكهربا والفرش يعني كل حاجة فيها بايظة,فـأنا كنت عايز اكشف عليها كشفة حلوة,عشان ديه مش هتتباع ديه عشرة عمر وهي أصلا كانت تعاني من اهمالنا,لذلك إن شاء الله اكشف عليها و اخد قائمة بالحاجات اللي عايزة تتعمل(طبعا أطول مني)وبعدين أعملها واحدة واحدة,بس كنت عايز أعرف أقرب توكيل لحدائق القبة ويا ريت لو حد معاه رقم مركز خدمة.
غير كده هو اسم الكشف ده إيه؟وبيكلف كام؟