عايز اكشف على a4 ?

**goofy301** · 11-08-2009 11:23 PM

السلام عليكم جميعاً.....
كنت عاوز اعرف لو الواحد عايز يكشف على a4 موديل 95 يروح فين ويعمل ايه ومين ميكانيكى كويس بيفهم فى الاودى واخبار الموديل ده ايه عيوب ومميزات معلش هتقل عليكم......وشكراً

**alzelafy** · 12-08-2009 06:32 PM

سيارة ممتازة جدا و ملهاش عيوب لانها نفس الباسات موتور و عفشه و حاجتها موجودة فى الحرفيين عند اشرف الشهابى وراكب واحدة 95 بردو و هو حافظ العربيه و فى ميكانيكيه فى الحرفيين كتيير شغالين فى الاودى و الجولف و السيات روح لاى واحد بتاع جولف هيكشفلك عليها لانها موتورها جولف و عفشتها وركز على الفتيس امشى بيها على سرعات عاليه و حاول تكون العربيه ساخنه عشان تبان عيوب الفتيس لو لقيت فى اختلاف فى النقل يبقى الفتيس سيبك منو و فتيسها عند الشهابى ب 5000 جنيه احنا جايبينو منو السنه اللى فاتت و متقلقش من قطع غيارها خالص موجودة فى الحرفيين بكثرة و اسعار معقوله جدا

**goofy301** · 12-08-2009 06:45 PM

المشاركة الأصلية كتبت بواسطة alzelafy

سيارة ممتازة جدا و ملهاش عيوب لانها نفس الباسات موتور و عفشه و حاجتها موجودة فى الحرفيين عند اشرف الشهابى وراكب واحدة 95 بردو و هو حافظ العربيه و فى ميكانيكيه فى الحرفيين كتيير شغالين فى الاودى و الجولف و السيات روح لاى واحد بتاع جولف هيكشفلك عليها لانها موتورها جولف و عفشتها وركز على الفتيس امشى بيها على سرعات عاليه و حاول تكون العربيه ساخنه عشان تبان عيوب الفتيس لو لقيت فى اختلاف فى النقل يبقى الفتيس سيبك منو و فتيسها عند الشهابى ب 5000 جنيه احنا جايبينو منو السنه اللى فاتت و متقلقش من قطع غيارها خالص موجودة فى الحرفيين بكثرة و اسعار معقوله جدا

متشكر ليك على الافادة ... فى ناس بتقولى اروح ارفعها عن محمد سمير خلف حديق بدر بجسر السويس .... ايه رأيك ؟

**alzelafy** · 19-09-2009 12:34 AM

توكل على الله محمد سمير بردو دكتور فى الالمانى

**حماده المصري** · 19-09-2009 03:53 PM

طبعا محمد سمير بسم الله ما شاء الله علييه

شغال في فولكس واودي وسكودا وسيات تقريبا

سمير معدي في كل الموديلات وبيفهم فيها جدا جدا لما تروحله هتشوف الزحمه ازاي عنده

**uomonero** · 19-09-2009 09:51 PM

طيب يا جماعه الخير مفيش ارقام تليفونات للاسطوات دول اصل انا لسه شارى a4 97 و كنت عاوز اكشف عليها كمان عاوز اعرف اخبار قطع الغيار ايه متوفره ولا لأ والاسعار ؟؟؟؟ افيدونا جزاكم الله خير و كل عام وانت بخير

**mantoros** · 27-09-2009 10:18 PM

اسمع انه مشاكل العفشة كتير اوي في الa4 1995
كبالن و مقصات تتغير اول باول
و كمان السعر المناسب كام للموديل ده

لو نور التكييف بيعلق و شاشته تنطفي كل شويه مع انه شغال.........ايه مشكلته؟ حد يعرف فين يتصلح او يتجاب؟

شكرا

**mantoros** · 05-10-2009 01:23 PM

التوكيل فرع شبرا يعمل كشف و تقرير كامل ب300 جنيه
و يظهر فرع شبرا المتخصص في الموديلات القديمة من اودي
بس منصحش حد يعمل دهانات هناك عشان اسعار الدهانات نااااااار
حوالي 6500 جنيه لو هترش السيارة كلها (من غير السمكرة)

**uomonero** · 13-10-2009 10:57 PM

انا عندى A4 97 و رحت اكشف عليها فى التوكيل, لو هتكشف ميكانيكا بس (موتور- فرامل - عفشه - فتيس) هيكلفك 130 جنيه, ولو هتكشف كله يعنى ميكانيكا و سمكره هتدفع 220 جنيه بس امسك اعصابك علشان هتسمع ارقام فلكيه, مثلا الكوبلن الواحد 2500 جنيه و ABS بتاع الفرامل 15000 جنيه حاجات كده فى الاحلام

**Ahmad Allawy** · 13-10-2009 11:06 PM

عادي.. الاسعار دي في التوكيل مش غالية قوي..
من سنتين وانا باكشف علي عربيتي قبل الشرا.. كان سعر جوز الكبالن 1200 جنيه للأوبل كورسا.. و كمان كان abs كامل علي بعضه.. الهيدروليك يونيت و الكونترول بتاعها يعمل حوالي 12500 جنيه في التوكيل.. لللفيكترا بي موديل 96-2003

عادية الاسعار دي.. و متتخضش منها عشان الحاجات دي نادرا ما بتبوظ اصلا ولو لا قدر الله حصل فيها حاجة بتتجاب استيراد او من برة التوكيل..