برجلة في العربية فجأة

**lionhero16** · 08-12-2009 10:04 PM

فجأة و انا ماشي لقيت برجلة أو تقطيع في العربية زي ماتكون العربية ماشية مش بكل طاقتها وبتقطع
هي كانت حصلت معايا مرة بعد ما دورت زودت بنزين ظبطت
لكن المرة دى فضلت ماشي بيها لغاية ما قابلت ميكانيكي قاللي إما الموبينة أو اسلاك البوجيهات
قعد يغير أماكن الأسلاك واتظبطت العربية و قاللي ( ابقي غير الأسلاك دى)
أنا عايز اعرف منكو هي باظت فعلا و محتاجة تتغير؟ رغم إني رجعت بيها من الزمالك لزهراء مدينة نصر
حوالي 40 كم زحمة وجري و كله, يعني كانت ماشية تمام بس مخنوقة شوية وصوتها أعلي حاجة بسيطة
ياريت أرائكم وآسف للإطالة

**samirayad** · 08-12-2009 10:30 PM

الراجل كلامه منطقى فعلا
أن عيب الكابلات يخنق العربيه فعلا
فخليك معاه الأول
وعلى الله تيجى على الكابلات فقط
وطقم بوجيهات كمان
المهم ربنا يسهل وتكون البوبينا فى أمان

وياريت كنصيحه برضه
تكشف على فلاتر الهواء والبنزين بالمره (قبل موضوع الكابلات ده )

ومش عاوز أتكلم على تعليقة حساس زى ال tps مثلا وقت حدوث الكلام ده

فجأة و انا ماشي لقيت برجلة أو تقطيع في العربية

ألا أما تطمن على فلتر البنزين والهواء

**lionhero16** · 08-12-2009 10:40 PM

في البداية انا عاوز اشكرك جدا لأنك دايما بترد علي أستفساراتي وبتحاول دايما تساعدني
أنا فعلا ممتن جدا لحضرتك , وطبعا للمنتدي كله وكل الزملاء
أنا بس مش بعرف أشارك وارد علي الناس بأخاف أفتي غير ان معنديش خبرة
فبحب اتابع من بعيد و اتعلم ,
المهم انا مغير الفلاتر والبوجيهات في صيانة ال70 وماشي بيهم 3000 كم
انا بس عاوز اعرف اغير الأسلاك بكره ولا استني تعمل كده تاني؟؟
وكنت عاوز اعرف بكام الأصلي بتاعها؟؟؟
و اشكرك مرة أخري

**samirayad** · 08-12-2009 10:46 PM

المهم انا مغير الفلاتر والبوجيهات في صيانة ال70 وماشي بيهم 3000 كم

كده تمام أوى
ونستبعد الحاجات دى من توقعاتنا

يبقى باقى الكابلات أو البوبينا
فحتبدأ بالكابلات أولا
وده بيدلل على كفاءة الراجل الميكانيكى اللى كشفلك على المكنه

و قاللي ( ابقي غير الأسلاك دى)

وأبقى قوله
متذوقش كده ياعمنا

ههههههههههههه

**samirayad** · 08-12-2009 10:53 PM

حقول لحضرتك على حاجه تانيه برضه
فى كتالوج الصيانه بتاع عربيتى
عمر الكابلات 90 ألف
والمفروض بعد كده تغيرها
وأنا شايفك عملت بيها كيلوات معقوله فعلا

وبالنسبه لتمنها
أطلع على قطع غيار الانوس فى أعلى القسم

**lionhero16** · 08-12-2009 10:55 PM

هو الراجل قال كده وكأنه بيعني حاجتين انه مش هيعمل عليّ شغل وانا ابقي اغيرهم براحتي
أو انهم هيمشوني شوية وبعدين ابقي أغيرهم ..
يعني لم يؤكد أهمية أ, ضرورة تغييرهم

**samirayad** · 08-12-2009 10:58 PM

ربنا يوفقك أن شاء الله
وخللى الموضوع بتاع الكابلات
فى حساباتك المستقبليه وخلاص
طالما ماشيه كويس ومعقول حاليا
والوضع معقول

**samirayad** · 08-12-2009 11:02 PM

على فكره أحتمال هو لما قعد يلعب فى الكابلات
ثبتها كويس من جهة البوبينا والبوجيهات
وكده الأمور أتظبطت
وبكده فعلا أنت مش محتاج حاجه حاليا

رغم إني رجعت بيها من الزمالك لزهراء مدينة نصر
حوالي 40 كم زحمة وجري و كله, يعني كانت ماشية تمام بس مخنوقة شوية وصوتها أعلي حاجة بسيطة

وموضوع الخنقه الحاليه ممكن يكون مجرد أحساس
لأنك كنت مدايق شويه مثلا
فبكره والأيام اللى جايه
الوضع حيبان معاك أفضل
بعد مرحلة الأستقرار النفسى

**lionhero16** · 08-12-2009 11:07 PM

هو انا اخدت بالي انه في شرارة طالعة و هو بيفك الأسلاك وشفت في بعض المشاركات
في نفس الموضوع ان مادام في شرر يبقي الموبينة بخير
فما صحة الكلام ده ؟؟
وازاي بيكشفوا علي الموبينة؟؟

**samirayad** · 08-12-2009 11:12 PM

فما صحة الكلام ده ؟؟

كلام سليم
طالما الشراره واصله للبوجيهات الأربعه (بنفس القوه )
يبقى البوبينا كويسه
والكابلات كمان
وممكن تعتبر ده مؤشر على كفاءة دورة الأشعال كلها

طالما النهايه سليمه ......يبقى البدايه أيه .....سليمه أيضا
من أول البوبينا مرورا بالكابلات ( حتى وصول الشراره عند البوجيهات )
وده اللى يهمك حاليا