برجلة غريبة ظهرت في العربية فجأة

**yusuf_daly** · 05-06-2009 02:03 PM

السلام عليكم

امبارح بعد ما ركنت العربية بخمس ساعات تقريبا رجعت ادورها لقيتها مخنوقة و كأنها عايزة تبطل .. اجي ادوس بنزين الإستجابة بطيئة جدا لحد ما ال rpm بيعدي ال 2000 لفة بعد كده السرعة بتزيد وانا ماشي على الأول والثاني كأن العربية هتبطل ..
الموضوع قلقني روحت غيرت البوجيهات وبردوا نفس المشكلة وانا كنت مغير الموبينة من فترة قريبة 5 شهور تقريبا
هل في اي حاجة تانية ممكن تخلي العربية تبرجل كده احطها في الاحتمالات وانا بجرب ؟

**MMamdouh** · 05-06-2009 02:24 PM

لمبة التشك منورة؟

كشفت على قوة الشرارة اللى خارجة من البوبينة؟

MMamdouh

**MMamdouh** · 05-06-2009 02:32 PM

لحد دلوقتى انا شاكك فى دايرة الاشعال... اكشف على البوبينة و بعد كدة نشوف

MMamdouh

**samirayad** · 05-06-2009 03:10 PM

ياريت تقولنا برضه على البيانات الكامله المدرجه فى المواضيع المثبته أعلى القسم بتاعنا................

**yusuf_daly** · 05-06-2009 07:02 PM

للأسف بوبينة كما توقع استاذ محمد ... انا لسه مغيرها ما بقاليش شهور واستهلاكي للسيارة مش كبير اووي للدرجة دي - هي كانت صيني - بس ما مشيتش بيها 6 الاف كيلو على بعض .
هل في مشكلة ممكن تكون في العربية هي اللي طيرت الأولى و من بعدها الجديدة اللي ركبتها ؟
ودلوقت الكهربائي سايب لي واحدة مستخدمة في العربية اتحرك بيها النهاردة وشكله بيعرضهالي للبيع لو اخدتها اخدها منه بكام هي كوري الاصلية ...؟
والجديدة تمنها كام - الكوري بردوا - ؟

اخر سؤال وانا اسف للإطالة .. في فيوزات في علبة الفيوزات مش راكبة هل دي ممكن تعمل مشكلة ولازم الفيوزات كلها تكون راكبة ؟

لو تعمل مشكلة انا ممكن اصور علبة الفيوزات واعرضها لحضراتكم لو لأ يبقى خلاص ...

**waleed_home** · 05-06-2009 08:55 PM

المشاركة الأصلية كتبت بواسطة yusuf_daly

للأسف بوبينة كما توقع استاذ محمد ... انا لسه مغيرها ما بقاليش شهور واستهلاكي للسيارة مش كبير اووي للدرجة دي - هي كانت صيني - بس ما مشيتش بيها 6 الاف كيلو على بعض .
هل في مشكلة ممكن تكون في العربية هي اللي طيرت الأولى و من بعدها الجديدة اللي ركبتها ؟
ودلوقت الكهربائي سايب لي واحدة مستخدمة في العربية اتحرك بيها النهاردة وشكله بيعرضهالي للبيع لو اخدتها اخدها منه بكام هي كوري الاصلية ...؟
والجديدة تمنها كام - الكوري بردوا - ؟
...

المستعمل مش مضمون وهيقول لك 250 جنيه وحاجات كدة
خليك فى الجديدة الأصلى تمنها حوالى 450 جنيه لأن الموبينة هى روح العربية ولو فيها غلطة هتدخلك فى مواضيع وحوارات .

**yusuf_daly** · 06-06-2009 05:13 AM

شكرا يا بشمهندس
بس لو في ردود على باقي الأسئلة اكون شاكر ايضا

**MMamdouh** · 07-06-2009 12:53 AM

علبة الفيوزات فيها اماكن زيادة للزجاج الكهرباء و الفوجات و سخان الزجاج الخلفى و خلافة... مش شرط يبقى فيه فيوزات راكبة فى الاماكن دى طالما انت معندكش بعض هذه الكماليات

MMamdouh