بسم الله الرحمن الرحيم
حضرتك حتاخد كوبري اكتوبر في اتجاه مدينة نصر
و حتفضل ماشي لحد اخر كوبري اكتوبر حتلاقي 3 مخارج
حتاخد المخرج اللي في المنتصف مكتوب عليه الى القاهرة الجديدة و الطريق الدائري حتنزل و تفضل ماشي لحد ماتلاقي معسكر جيش امامك
حتاخد شمال مع الدوران من امام معسكر الجيش و تفضل ماشي
حتعدي على بنزينة و شركة كوكاكولا و بعدين حتلاقي تقاطع و حتاخد يمين اجباري
انت كده في محور الشهيد
حتفضل ماشي في الطريق ده لغاية ماتلاقي بنزينة وطنية على يمينك و في دوران على الشمال
حضرتك حتلاقي الطريق مقسوم نصفين
حتاخد شمال وتدخل في الشارع العمودي على الشارع اللي كنت جاي منه
حتلاقي نفسك ماشي مابين مقابر تفضل ماشي بس براحة عشان الطريق مكسر لحد ماتلاقي شرطة عسكرية على يمينك و بنزية وطنية تانية على شمالك من بعيد و حتلاقي صينية
حتفضل ماشي في نفس اتجاهك في الطريق ده اللي اسمه محور na حوالي 5 كيلو حتلاقي قدامك الطريق الدائري متقاطع معاك و في صينية
حتفضل مكمل و تعدي الصينية بالعرض حتلاقي نفسك دخلت في شارع التسعين و ده اكبر شارع في التجمع و من هناك تقدر توصل لأي حته في التجمع الخامس او تاخد يمين مع الدائري و بعدين تنزل نفق التجمع الثالث ده لو حضرتك رايح ناحية جهاز المدينة او الجولف او الجامعة الالمانية
معلش الوصفة طويلة شوية لكن ان شاء الله توصلك
في وصفة تانية اسهل بس اطول و هيا عن طريق الدائري
و دي لو حضرتك جاي من التحرير او القصر العيني بتمشي في اتجاه كورنيش المعادي و تطلع االدائري من طلعة دار السلام في اتجاه مدينة نصر
طلعة دار السلام دي بتدخل من جنب بنزينة مصر اللي على كورنيش المعادي في هناك كوبري و اشارة لللي داخل المعادي حضرتك حتدخل من جنب البنزينة على طول و تفضل ماشي مع العربيات في طريق ضيق جدا حتعدي على محطة مترو الزهراء و تمشي شوية حتعدي من تحت كوبري وبعدين بتاخد شمال و حتلاقي طلعة الدائري امامك مباشرة حتاخد الدائري لحد ماتلاقي دخلة التجمع الثالث بعد بنزينة شل على طول و دي لمناطق الجولف و الشويفات و النرجس و ممكن تكمل بعدها بشوية لحد ماتلاقي نفق تدخل من جنبه يمين و حتلاقي دوران (اللي هو تقاطع الدائري مع na و شارع التسعين ) تاخد يمين الى شارع التسعين حيث مناطق شركة ناتا و كومباند المصراوية و الجامعة الامريكية
اتمنى اكون افدتك
المفضلات