انا من الزقازيق و ارجو من شيادتكم طلب
اريد معرفة من منكم قد تعامل مع احد معارض السيارات بالزقازيق مثل زلط او المسلمى او غيرهم
وايه رايكم فيه من حيث المصداقية فى التعامل
عرض للطباعة
انا من الزقازيق و ارجو من شيادتكم طلب
اريد معرفة من منكم قد تعامل مع احد معارض السيارات بالزقازيق مثل زلط او المسلمى او غيرهم
وايه رايكم فيه من حيث المصداقية فى التعامل
خليك مع التوكيل اضمن و استفاد بفرق السعر
انا من الزقازيق
بس فعلا خليك مع التوكيل أحسن
مدام هتجيب جديد
اعضاء محترمين دائما هدفهم النصح باخلاص ياريت كل الناس زى اعضاء نايل موتورز
يا مرااااااااااااااحب بأهل الزقازيق
انا برده من الزقازيق :]
انا لية سؤال خارج الموضوع بمنسبة الزقازيق هما لية سموها بالسم دة
بص يا باشا هو اتقالي لسببين
اول سبب انها اتسمت على زقزوق باشا اللي عملها
و السبب التاني ان فيها سمك صغير اسمه زقازوق حاجه زي كده منتشر في الترع
في جميع الاحوال اهي اتسمت و خلاص
و فعلا خليك مع التوكيل احسن بس انتا عاوز تجيب عربيه ايه
لان لو فورد سمعت انك تجيبها من الكفراوي احين
مراحب بالجار
انا من منيا القمح
فيه واحد جنب شيبوب معرض اسمه الذهبيه
اسعاره اقرب من التكليل بالظبط
روح اسال كده وشوف وهو المسلمى مش بعيد عنه
و الله سعيد بيكم
انا اسمع بقى يا جماعه انها اتسمت كده
لأنها زمان كانت مجموعة من الازقة يعني الاحياء الصغيرة اوي
وجمعها زقازيق
و الله ممتعين
أهل الزقازيق أطيب و أكرم ناس في مصر أنا من القاهرة بس قعدت فترة هناك و ده رأيي بكل صراحة و فعلا خليك مع اتوكيل
مفيش فايدة و لا ثقة فى حد من المعارض اللى فى الزقازيق
اهلا بالبلديات انت هتشتري ايه الاول
اهلا بولاد البلد فينكم من زمان كنت حاسس انى وحيد ياجدعاااااااان هههههههه
تحيا الجمهوريه الزقازيقيه.اشترى من التوكيل وريح راسك
مساء الخير يا جماعة
انا من الزقازيق برده وياريت لو تخدمونى وحد يقوللى لو يعرف حد فى الزقازيق يكون بيبيع مستعمل قسط او لو حد فيكم اتعامل قبل كدة مع زلط او الكفراوى او المسلمى يقوللى ارخص واحد فيهم ايه او احسن واحد فى التعامل فيهم.. اكون شاكرة ليكم جدا .. واسفة على الاطالة :_Alshmokh23[1]:
على فكرة فى عربية هندى المفروض وبيقولو واحد مصرى عملها او استورد الصينى بتاعتها ورخيصة جدا كنت قريت السنة اللى فاتت ان تمنها ان فى حدود ال 25,000 اسمها تاتا نانو ... سمعتو عنها دى؟ شكلها حلو اوى بس مافيهاش امكانيات اوى وشكلها كدة ضعيفة .. وفى عربية صينى اسمها ايديا .. ايه ظروفها دى اللى يعرفها؟ حد عارف حاجة؟
ههههههههههههههههههههه
نانو ايه؟؟؟
دي موتوسيكل باربع عجلات
ونصيحة..ابعدي عن الصيني خااااااااااالص
وبالذات الرخيص منه....
ولو على معارض التقسيط للمستعمل في الزقازيق انا اعرف كام واحد...لكن نظامهم زي الزفت
يعني مثلا واحد صاحبي كان عاوز لانسر بومة 2006 قسط من عند واحد منهم
قاله العربية هحسبهالك على 75 ألف
تدفع 50..والخمسة وعشرين الباقيين ...هيتقسطوا 1700 على 24 شهر
يعني هيوقفها عليه على 90 الف
تييييتتتت أخر كلام
هضور و هشوفلك اصل بصراحه ده اسم غريب
بس احسن من قريه جنبنا اسمها عرب البياضين :d
هناك نظريتان حول سبب تسمية الزقازيق بهذا الاسم:
النظرية الأولى: قالها يوسف زيدان أن أصل تسمية الزقازيق بهذا الاسم هو وجود فيضانات تأتي من نهر النيل، وكانت هناك أحواض كبيرة بمنطقة الزقازيق يتجمع عندها سمك صغير يسمى سمك الزقزوق، ومنه اشتق الاسم.
النظرية الثانية: عندما أمر محمد علي باشا بعمل قناطر في محل سد بحر مويس المعد لري أراضي مديرية الشرقية؛ ليسهل بها الري وتصريف المياه، حضر أقام العمال عشش من الطين لإقامتهم علي جانبي البحر وتبعهم في ذلك باعة المأكولات ونحوها، وتكاثرت الناس وكان منهم من يهتم بهواية الصيد فوجد ببحر مويس نوع من الأسماك يسمى الزقزوق نظرًا لإصداره صوت الزقزقة، فسميت المدينة بذلك؛ نظرًا لوجود هذا النوع النادر من الأسماك بها دون غيرها من المدن التي يجرى بها بحر مويس.
يعنى احنا عندنا كل الحاجات النادرة من الاخر كده:F_eyeb1[1]:
وبعدين لو لم اكن زقزوقة لوددت ان اكون زقزوقة :36_1_58[1]:
بالنسبة لرأيى خليك مع التوكيل احسنلك:brn:
وبالنسبة للبنوتة اللى عاوزة تشترى بالقسط فكك من القسط واشترى عربية على اد فلوسك كاش والصينى سمعت من ناس كتير انه سنة وبيتمرد ويبدأ يقرفك :11:
شوفى حدودك كام ودوريلك على عربية مستعملة وحالتها حلوة بس خللى حد معرفة يشوفلك عربية نضيفة وخدى معاكى ميكانيكى وسمكرى يشوفهالك ووانتى بتدورى على عربية اعرفى قطع غيارها متوفرة وللا لا واسعار قطع غيارها وحاولى تجيبيها مش قديمة اوى عشان متكونش متبهدلة وربنا يوفقك للخير
ودى مواضيع كنت عاملاها والاعضاء جزاهم الله خير جاوبونى وممكن اراءهم تساعدك فى الاختيار
http://www.nilemotors.net/Nile/193850-a.html
http://www.nilemotors.net/Nile/189493-a.html
http://www.nilemotors.net/Nile/193280-a113.html
http://www.nilemotors.net/Nile/193038-a.html
اولا يا جماعه مينفعش نبقي فى محافظة و تقريبا مدينه واحده واحنا مش عارفين بعض
http://www.nilemotors.net/Nile/groups/2-a.html
ثانيا المعارض عن نفسي مش اتعاملت مع معارض بس ليا ناس صحابي اشتروا عربيات جديده تقسيط وكان عن طريق معرض اسمه يحي الذهبية و ده جنب قهوه العندليب اللى قرب الكمبيوتر اللى عند مفارق المنصورة وكان بواسطه بنك من البنوك مش عارف اسمه
و كمان اسمع عن معرض اسمه الصقر وده جنب المطافي اللى على الكورنيش ( الشركه عندي كانت بتتعامل معاه وسمعت من واحد انه كويس)
ثالثا انا كنت فاكر ان الزقازيق اتسمت كده علشان الزقازيق ( اللى هيا المراجيح) كنت سمعت فى فيلم من زمان كده وكمان في حلقات ساعه لقلبك كان فيها الموضوع ده ولكن بعد ما قريت اللى اتكتب هنا دورت وفعلا لقيت كلامكم صح
ط§ظ„ط²ظ‚ط§ط²ظٹظ‚ - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط.ط±ط©
ويلا بقي عاوزين نتقابل ونحقق اول مقابله لاعضاء محافظة الشرقية
http://www.nilemotors.net/Nile/144472-a.html
اهلا اهلا بالزقازيق المزقزقين ههههههههه
للاسف مش عارف ليه احنا مالناش دور فعال فى المنتديات رغم ان محافظة الشرقية تالت اكبر المحافظات
اعتقد ان احنا تالت محافظة من حيث تعداد السكان
لكن شوف انجازات الشرقية وشوف اد ايه مفيش تنظيم ف المحافظة دي هتلاقينا زيرو حتى اللي بيفلح من الزقازيق يا بيسافر بره مصر او بيروح القاهرة
الزقازيق مليانه سلبيات كتير ف تسعين ف المية من المصالح والمدارس والجامعه
الزقازيق الرابعه بعد القاهره و الاسكندريه و الدقهليه
لكن بالنسبه للخدمات او النظافه زي الزفت فساد في المحليات للركب :s :s :s
بالظبط كده
ابراهيم زقزوق الكبير كفر الزقازيق
المراجيح
السمك
شرقاوى للابد
الشرقية هى التالتة وليست الرابعة لان مساحتها 4911 كم2 اما الدقهلية 3495 كم2 والشرقية 8 مليون نسمة اما الدقهلية 5 مليون واعلام الشرقية هم:
- الزعيم الوطني أحمد عرابي
- الاقتصادي محمد طلعت حرب
- لطفي واكد احد الضباط الاحرار في ثورة يوليو المجيدة سنجها كفر صقر
- الدكتور أسامه الباز المستشار السياسي للرئيس مبارك
- الشاعر صلاح عبد الصبور
- الشاعر مرسي جميل عزيز
- الشاعر أحمد فؤاد نجم
- شيخ الأزهر عبد الله الشرقاوي
- شيخ الأزهر عبد الحليم محمود
- الشيخ عبد اللطيف بدر رئيس تحرير مجلة التوعية الإسلامية
- الشيخ أحمد محفوظ الداعية الإسلامي
- الدكتور أحمد عمر هاشم رئيس جامعه الأزهر السابق وشيخ السادة العزازية
- الدكتور فتحي زغروت المؤرخ الإسلامي
- المؤرخ الأستاذ الدكتور قاسم عبدة قاسم كلية الاداب جامعة الزقازيق
- الدكتور فاروق الباز
- الدكتور حلمي نمر
- الدكتورة رتيبة الحفني
- الدكتور عبد الرحمن شاهين المستشار الاعلامي لوزير الصحه
- الدكتور مصطفى السعيد
- جراح القلب العالمي دكتور مجدي يعقوب
- الدكتور أيمن معروف هيئة الطاقة الذرية
- السيد أيمن زغروت النسابة والمؤرخ
- المصرفي علي نجم ومحافظ البنك المركزي السابق وأول من وحد عرض العملات النقدية مع اختلافها في الطول
- الأديب يوسف إدريس
- الوزير أمين أباظة
- المهندس محمود أباظة
- المهندس ماهر أباظة
- الاقتصادي محمد فريد خميس
- رجال الأعمال رضا عبدالله
- الكاتب المسرحي ألفريد فرج
- مصطفى مشهور مرشد الإخوان المسلمون
- عبد العزيز حجازي (رئيس الوزراء)
- المطرب محمد عبد الوهاب
- المطرب عبد الحليم حافظ
- المطرب عمرو دياب
- الممثل شكري سرحان
- الممثل محسن سرحان
- الممثل حمدي غيث
- الممثل رشدي أباظة
- الممثل عبد الله غيث
- الكاتب الصحفى ابراهيم حجازى
[عدل]يعنى كل الاعلام دى ومع ذلك المسئولين مش مقدرين قيمتها دا حتى الزقازيق اللى هى عاصمة محافظة عريقة زى دى للاسف لا تليق ولا يوجد بها اى مظاهر جمالية الله يكون فى عونا مفيش حتى مكان تعرف تستمتع بيه ولا حتى ملاهى ولا اى خضرة ومحدش يقولى المصرية بلازا
انا كنت واخدها في الدراسات 3 اعدادي اننا الرابعه معلش بقى
دا غير كمان ازود ان نص لاعيبه مصر منها
الله الله .. طب ما حنا كتير اهو ..ليه مش عارفين نعمل مقابله واحده :11:
ههههههههههههههههه محدش يقولك المصرية بلازا ايه دى شكلها المنتزه الرسمى فى الشرقية كلها اصلا والله لاقيت رحلة مدرسة من بلد ريف جايبنهم المصرية بلازا والله كنت مستغربة طب الرحلة عبارة عن ايه اصلا متفهمش جابوا العيال وقعدوهم فى العشش اللى هناك وخلاص على كده:shine[1]:
والله للاسف الزقازيق بقت عار ومفيهاش مكان عدل نروحه وعشان نخرج لازم ننزل القاهرة او اسكندرية اووووووف:T_thum1[1]:
وللا كل مااقول لواحده نخرج تقوللى تعالى ننزل القومية مش فاهمة القومية فيها ايه اساسا :star1: والخروجة تخلص على ايس كريم من عند تفاحة وبنقف بالعربية صف تانى على مانجيبه:satelite:
عن نفسي ان خرجت اروح اقعد فى الواحه مع انها بقت زحمه قوي اخر كام مرة كنت فيها لانه مكان يناسب قعده شباب وعائلات كمان يا تري في مكان تاني يكون زحمته اخف شوية