اقتباس المشاركة الأصلية كتبت بواسطة medo55 مشاهدة المشاركة
انا هحكيلك المواقف الي حصلت ادامي والي حصلت معايا

اول موقف يا سيد , اول يوم رايح افتح حساب فيه .. الامن بيتكلم مع عميل وفجأه قام خابط العميل بايده وشاتمه وبئت خناقه , دا كله علشان العميل واقف مع زميله في الشغل وبيقبض في الدور عند التيلر وواقفين وبعد ما المدير نزل ولا عمل اي حاجه العميل مشي وبعدين المدير طلع مكتبه تاني والامن قال هو في ناس كدا مابتجيش غير ( مع احترامي للجميع ) بالجزمه , ولا في اي حد علق خالص

تاني موقف حصل معايا في التنفيض , اول حاجه في موضوع النيتابنك الي انا اصلا رايح البنك علشانها , عملت ابليكيشن عالنت وبعت الباسورد عالبنك والمفروض يطلع في 3 ايام روحت بعد 5 ايام , قالولي لا دا بيتلغي لان الناس بتهرج عالنت !!!!!
المهم عملت ابليكيشن تاني قالولي بعد اسبوع تعالى خده روحت بعد اسبوع قالولي لا اعمل واحد جديد وتعالى بعد 15 يوم ,,, دلوقتي هم الي بيهرجو مش انا

المهم بعد طلوع الروح ومشاوير دامت لشهر ونص علشان استلم الباسورد لقيت الحساب ناقص , وبعد مشاوير دامت لاسبوع وكل يوم يقولي خلال 24 ساعه وزهقت والكول سنتر مش شغال اساسا في الزقازيق

:) بالرغم اني قدمت شكوى عن طريق الويب سايت ومفيش اي حاجه جديده حصلت نفس الهرجله ونفس التنفيض .

البنك الاهلي المصري بعت شكوى في مره من خلال الويب سايت جالي الرد بعد ساعتين عن طريق الميل والتليفونات اشتغلت كل شويه واحد يتصل يقولي تعالى واحنا نحللك مشكلتك , وبعدها كل الامور اتظبطت الحمد لله

NSGB ده انا قبضت عن طريقه 8 شهور

بنك زبالة زبالة زبالة بما تحمله الكلمة من معاني

1- مصاريف عالية جدا

2- فونابانك (التعامل على حساباتك عن طريق الكول سنتر) و نيتابانك (عن طريق النت) بفلوس !!!!!!

3- الكول سنتر مالوش اي لزمة و مش بيفيدك بأي حاجة و لازم تروح الفرع

4- ما ينفعش تعمل اي حاجة - ما عدا سحب و ايداع الفلوس - في فرع غير فرعك ..... ما ينفعش تلغي كارت و لا تطلب بدل فاقد و لا تعمل اي حاجة و لا تطلب كشف حساب مختوم من فرع تاني

5- نيتا بانك بتاعهم ابو فلوس ده اساسا مالوش 30 لازمة و تعبان ملة ....... مقارنة ببنوك تانية خدمتها ببلاش و ممتازة

6- تعامل بعض الموظفين مع الناس يشوبه الكثير من قلة الأدب

7- مالهمش كبير يعني الشكاوى و لا ليها اي لازمة

8- تنكين جدا و فاهمين انهم يعني ياما هنا ياما هناك

9- ال ATMs بتاعتهم بتعطل كتير ملة ..... و اول الشهر ما بتتمليش بالمعدل الكافي لكمية الناس اللي بتقبض

10- مفيش تسهيلات ائتمانية من غير تحويل مرتب ..... و لو سبت الشركة في بعض الحالات لازم تسوي التسهيل الائتماني !!!