الموضوع: طلب بيجو ب 18000

المشاركة الأصلية كتبت بواسطة drmahmoud123

زميل ليا معاه 18000 جنيه وعاوز يشتري بيجو 504 فهل المبلغ ده يجيب حاجه كويسة واذا لم يكن ترشحوله حاجة من عائلة البيجو تكون برده كويسة وتتحمل السفر ؟

انا لفيت شوية فى سوق السيارات ... لم اجد سيارة نزلت الى 19 الف غير سيارة كانت رشة حوض

وده طبعا غير مناسب

واقل سيارة شاهدتها كان مطلوب فيها 25 الف موديل اعتقد 77

ممكن تلاقى فى حدود 20 الف بس لازم تنزل بالموديل

لو رفعت المبلغ الى 25 الف ممكن تلاقى بيجو 504 كثيير خصوصا موديلات 1976 1977


طبعا فيه موديل بيجو 305 وكان فيه سيارة باعها امامى احد المعارف بحوالى 11500 ولكن نصيحة ابتعد عن الموديل ده تماما ... مش مطلوب والله اعلم

اغلب الموجود فى السوق بيجو 504 ويدور سعره حول رقم 27 او 28 الف

والحالات الكويسة قوى حوالى 33 الف

انا عن نفسى بدور على بيجو 504 بحوالى 30 الف بس شرط الحالة الكويسة طبعا ... وده عايز وقت وربنا يسهل

مع اطيب التمنيات
اخوكم حسين غزالة

المشاركة الأصلية كتبت بواسطة drmahmoud123

بارك الله فيك وشكرا لك لردك السريع زربنا يسهل من عنده
لكن حضرتك قلت ابعد عن موديل 305 ليه ؟؟

ببساطة جدا ... من غير ما افهم حاجة ... واحد بيبيع عربية حجمها كبير ... وشكلها بصراحة محترم جدا من الخارج ومن الداخل

ايه اللى يخليه يبيعها بـ 11 الف جنيه
ده غير الناس اللى كانت بتحاول تشترى منه بأقل من كده
وكانوا بيقولوا له انهم عندهم عربية تم بيعها بحوالى 9 آلف جنيه

وبعد قليل من الاستفهام ... عرفت ان حاجتها موش موجودة بسهولة

ورغم ذلك الصراحة تتقال
العربية برغم انها كانت مفوتة وبطلع دخان اسود من الشكمان
لكن كانت بتجرى جرى فظيع وبتسابق العربيات السليمة على الطريق .. وواسعة من الداخل والجلوس فيها مريح جدا جدا

كل اللى انا عارفه ان الـ 504 مية مية
والاحسن منها وده اللى عرفته من اصدقاء المنتدى المخلصين .. هيرو .. اسلام ... ياقوت

ان الـ 405 عربية حكاية
وكمان الـ 505
لكن دول محتاجين فلوس فى حدود الـ 35 او 40 الف من الآخر ويمكن اكثر حسب الموديل والحالة

شوف الصورة دى عربية بيجو 504 كان صاحبها طالب فيها حوالى 21500 تقريبا يعنى ممكن تمشى 20000 او اقل حسب الحالة والفصال
صاحبها بيقول العربية سليمة ومحتاجة شوية توضيب
السماسرة اللى حوالين العربية يقولوا العربية معمول فيها شغل فى الحوض

ممكن يكون كلامهم سليم
وممكن يكون كلامهم عشان الواحد "لا يتدخل فى البيعة"

شوف حالتها من الخارج عاملة ازاى ... عشان تعرف سعر العربية اللى فى حدود 20000 تقل او تنقص شوية ... هايبقى حالتها ازاى وهاتحتاج مصاريف اد ايه






طبعا فيه ناس عندها خبرة بالميكانيكا والتصليح ... والعربية بالنسبة لهم مناسبة .. لانهم عارفين هايصلحوا فيها ايه وبكام ... وهايمشوا حالهم

لكن الاغلبية وانا منهم .. عايز عربية طبعا تكون سليمة
زى نصيحة كل اصدقاء المنتدى
اهم حاجة فى العربية الحالة ... بغض النظر عن الموديل

يعنى لو ربنا كرمنى فى بيجو كويسة "هاتوكل على الله " بدون تردد

وانا ونصيبى

مع اطيب التمنيات
اخوكم حسين غزالة

مع اطيب التمنيات
اخوكم حسين غزالة