الموضوع: نداء الى ملاك الشاريد

اخوانى انا نويت اشترى شاريد مابين 90 الى 93 وانا مقتنع جدا بالعربية دى بس مع الاسف فى ناس كتير تقولى ابعد عن الدايهاتسو اصلا وبصراحة مش عارف ليه بس كلهم بيتكلموا عن ندرة وغلاء قطع غيرها عشان كدا انا محتاج من اى واحد معاه الشاريد يقولى رايه بصراحة وبدون تزويق وياريت يا جماعة عشان خطرى اللى يقول راية يقوله عن تجربة يعنى بلاش موضوع ان واحد سامع كذا عن العربية لانى لما هشترى انشالله مش هغير قبل 4 او 5 سنين وانا واثق فى كل اعضاء انهم يساعدونى وشكرا مقدما

[marq="3;right;3;scroll"]
ايه يا شباب اروح اعمل الموضوع فى قسم الفورد ولا ايه؟؟؟؟
[/marq]

الزميل mada_mada81

انا عندي شاريد 91 والعربية بصراحة ممتازة جدا جدا من حيث الميكانيكا، اعطالها بسيطة وعادية تقريبا الحاجات الدورية اللى ممكن تغيرها كل فترة زي طقم الكهربا، لكن غير كدة مفيش ميكانيكي لمسها.

وأوجز مميزاتها في الاتي:
- برغم انها 1000 سي سي الا انها صاروخ على الطريق.
- التكييف ممتاز كأي تكييف ياباني.
- موفرة جدا للبنزين.
- صالون واسع جدا، اوسع من الشاريد الجديد.
- العربية مش بتسخن نهائي.
- الموتور صوته واطي زي العربيات الجديدة.
- ناعمة جدا في السواقة.

وطبعا لكل شيئ عيوبه، ومن عيوب الشاريد العفشة، طبعا العربية واطية فده بيعرض العفشة للتلف سريعا، وطبعا مع شوارعنا الجملية والمطبات الحلوة ، انسى العفشة، اما عن قطع الغيار فدي الى حد ما مشكلة، لان اللى يبيعو حاجتها مش كتير فتلاقيهم بيتحكموا في السعر زي ما هما عايزين، لكن الحاجة متوفرة جديد واستيراد، اما السعر مقارنة بالعربيات الجديدة فهو يعتبر رخيص، اما لو قارنته بالعربيات القديمة هتلاقي حاجات غالية لكن بصفة عامة تقدر تقول ان اسعارها متوسطة، وقطع الغيارليها ميزة انها بتعييييييش.

بشكل عام العربية رائعة، وانا قبل ما اشتريها كنت مخطط استخدمها سنة بالكتير وبعدين اغيرها لاني دي اول عربية ليا، لكن بصراحة بعد ما لقيت الشاريد ومشيت بيها كام شهر قررت اني مش هابيعها ابدا. لكن طبعا اهم حاجة تقع على عربية حالتها كويسة، ودي حاجة مالهاش علاقة بالموديل.

اتمنى اكون افدتك، ولو عايز تستفسر عن اي حاجة تانية انا تحت امرك

مشكوووووووور على اهتمامك وردك ياCYBRARIANو وكمان الاستاذ ابو عبد الله يعنى الواحد يتوكل على الله و ميفكرش فى عربية تانيه ؟
انا اساسا ميال ليها جدا بس الموضوع بتاع قطع الغيار كان يقلق
بالنسبة لموضوع العفشة لو ممكن فى ايضاح اكتر يعنى كل اد ايه مثلا اظبط العفشة وتتكلف كام وشكرا مقدما لكل المساعدات لانى علاقتى بالعربيات زى علاقة حضرتكم بلغة الوء الوء

مع إحترامي لكلام أبو عبدالله تقدر تتصل بردو بالدكتور علاء طلعت وتسأله ويكشف لك عليها برده

تنبيه للعضو الفاضل

ارقام دايهاتسو لاند موجودة بالموضوع المخصص لعنوانين و ارقام تليفونات المحلات الخاصة بدايهاتسو

برجاء عدم تكرارها فى جميع المواضيع, حتى لا يتم تطبيق قاعدة المنتدى بخصوص الاعلانات التجارية

مشرف دايهاتسو

المشاركة الأصلية كتبت بواسطة shaltot

مع إحترامي لكلام أبو عبدالله تقدر تتصل بردو بالدكتور علاء طلعت وتسأله ويكشف لك عليها برده

شكرا يا باشا بس هو الدكتور علاء ده مكانه وفين وهو اصلا شغال فى ايه . اسف يا جماعه على كتر اسالتى بس الخبرة زى ما قولت ليكوا صــــــــــــفر

[gdwl]
شكرا يا باشا بس هو الدكتور علاء ده مكانه وفين وهو اصلا شغال فى ايه .
[/gdwl]
محل إسمه دايهاتسولاند في الحرفيين وهو صاحب المحل.