اغرب موقف حصلك فى كمين وكان تاثيرة عليك

**zkralla** · 14-12-2009 06:11 PM

المشاركة الأصلية كتبت بواسطة mr_sameh

موقف لسه حاصلي من يومين كنت رايح بورسعيد ومعايا اسرتي وماشي علي الطريق الدولي وكنت ماشي ورا عربيه بولو راكبها واد روش كده وعلشان الدولي طريق سئ جدا واول مره امشي عاليه وكان بتاع البولو حافظ الطريق فكان ماشي 170 وانا وراه لازق فيه والطريق فاضي فاجئه خير اللهم اجعله خير لقيت ناس لبسه ابيض في ابيض وعربيه بيضه وقراطيس حمرا قولت بس اجهز 150 جنيه المهم وقفت البولو وسحبو الرخصه وجم عليا جري لقيت الظابط اللي واقف صاحبي وصاحبي جدا كمان وكنت بفكر اتصل بيه قبل ما دفع الغرامه تخيلو بقي بتاع البولو كان ايه منظرو

طيب بأمانه ده يرضى ربنا اتنين يعملوا نفس المخالفة واحد يدفع فلوس والتانى بشرب شاى أنا عارف انها مش ها تيجى عليك وأنا لو كنت مكانك كنت ها عمل زيك واشوف حد اتصل بيه بس فعلا طول ما البلد كده ربنا مش هايبركلنا ابدا والواحد لو حاول يمشى صح لوحده هيبقى عبيط ومش ها يعرف يأخد حقه

**nab!l** · 14-12-2009 08:22 PM

خالى عربيته 3 ارقام بس
دخلنا كمين خالى بيد يله الرخص
مرضاش يخدها وقاله اتفضل ياباشا
وطبعا كاسرين سرعة

**gundal** · 15-12-2009 12:29 PM

هي حظوظ أولا .. وثانيا .. ممكن ظابط كويس وممكن ظابط رخم ..

عامة الكوسا بتعمل شغل تمام .. معرفة أو فلوس أو ظابط جيش :)

ويا أخ zwawy

المثل بيقول

لو نيلك يا مصر صلصة ميكفيش الكوسا اللي فيكي هههههههه

**alzwawy** · 15-12-2009 08:26 PM

المشاركة الأصلية كتبت بواسطة gundal

هي حظوظ أولا .. وثانيا .. ممكن ظابط كويس وممكن ظابط رخم ..

عامة الكوسا بتعمل شغل تمام .. معرفة أو فلوس أو ظابط جيش :)

ويا أخ zwawy

المثل بيقول

لو نيلك يا مصر صلصة ميكفيش الكوسا اللي فيكي هههههههه

يا gundal باشا هي هي نفس المعني بس انا مكنتش فكرو كويس و كلو بيدل علي الكوسه منغير كوسه متبقاش مصر

**فادى محمد** · 20-12-2009 07:40 PM

كنت راجع من القاهره لدمياط ووقفني اخوانا البعدا وماكانش معايا لا بطاقه ولا رخص ولا اي حاجه في الدنيا نسيتهم في البنطلون قلت للظابط انا اروح اجيب البنطلون واجي قعد يضحك واتقلب الموضوع تهريج واتعرفنا ببعض وسابني اروح ومازلنا اصحاب للان .

**peregrine** · 20-12-2009 08:19 PM

كلام جميل..طيب محدش دخل فى كميين قبل كدة بقصد او بدون !!!!؟؟

**م.احمد زكريا** · 20-12-2009 08:41 PM

المشاركة الأصلية كتبت بواسطة yoko

كذا مرة أبقى كاسر سرعة ولاقيه بيشاور وأنا داخل ومضربات قلبي جامدة قوي ويطلع بيشاور للي قدامي أو الي ورايا (بيحصل معايا كده في كل لجنة:i_angr1[1]:-لحد ما كرهت نفسي-)

على طول بتحصل معايا

وبعديها على طول بأغني أغنية (( تيت تيت عادينا .:10d5c8~1107:.. تراباتاتيت عادينا ..:10d5c8~1107:. عادينا ياروقة وعادينا :10d5c8~1107:))

**د.محمود صلاح** · 20-12-2009 08:58 PM

كان بالليل وفى الزراعى ودخلت على الكمين بكل سرعتى لأنى مش شايفه ورفع العساكر علي الآلي وشدوا الاجزاء كمان روحت موطى انا واللى معايا وضربت فرامل بس الحمد لله وقفت قبل المطب اللى اول الكمين جاللى الظابط شافنى مرعوب هدانى وقال لى خللي بالك ومشيت بس !!

-

الموضوع: اغرب موقف حصلك فى كمين وكان تاثيرة عليك

LinkBack

أدوات الموضوع

عرض

-

-

-

المواضيع المتشابهه

★★★ هل ممكن تشوف موقف حصلك قبل ما يحصلك !!! (في الحلم )

ايه أكتر موقف محرج حصلك فى حياتك ؟؟؟؟

تعمل ايه لو حصلك موقف زي ده ؟؟؟؟

او حصلك موقف محرج معا مراتك او خطبتك

اغرب موقف حصلك بالعربية

الكلمات الدلالية لهذا الموضوع

المفضلات

المفضلات

ضوابط المشاركة