الموضوع: للأسف... احذروا من النيوسيراتو...!!!!

المشاركة الأصلية كتبت بواسطة karemof

ألف حمدالله على سلامتك يا بشمهندس وربنا يتمم شفاءك قريب انشاء الله .
يمكن يكون موضوعك دة من أكتر المواضيع اللي خلاني أعيد النظر في السراتو
برغم أقتناعي الشديد بها.
أصل الموضوع غريب جدا عربية تنزل في نقرة بسرعة أقل من 100 و ممكن أي حاجة في العفشة تتكسر !! ولا ممكن يكون في تفسير تاني أن العجل أنفجرأو أتقطع نتيجة النزول في النقرة ؟
سواء أي الأحتمالين فكدة أكيد في مشكلة في العربية, أقصد عيب صناعة.
يا ترى التقرير الفني للتوكيل قال السبب إيه ؟
طيب ممكن أسأل :
-الفئة بتاعة العربية ايه
-هل كان في تحميل زيادة في الأوزان في الشنطة مثلا
-هل كان في أي أصوات نتيجة الدوران يمين أو شمال
و ريت تطمنا على تحسن حالتك أنشاء الله

شكراا على ذوقك و اهتمامك, و الله يسلمك...

أولا: حضرتك مستغرب من نفس السبب اللي انا نفسي الناس تفهمه و هو زي ما قلت حضرتك (صل الموضوع غريب جدا عربية تنزل في نقرة بسرعة أقل من 100 و ممكن أي حاجة في العفشة تتكسر !! ولا ممكن يكون في تفسير تاني أن العجل أنفجرأو أتقطع نتيجة النزول في النقرة ؟) احب اقولك ان الكوتش منفجرش, لأني على الأقل كنت سمعت صوته و ساعتها مكنتش دوست فرامل ابداااا و شلت رجلي من على البنزين و هدييت براحتي لحد ما تقف العربيه لوحدها بتأثير وزنها...

ثانيا: التوكيل مش عايز يديني تقرير فني بسبب الحادث ((( على حسابي الخاص )))) و مكتفي بالتقرير بتاع مقايسة الاصلاح و ده مكتوب فيه الأعطال و التلفيات بس و تكاليف تصليحها و كانت تكلفة مقايسة الاصلاح (حوالي 125,000 جنيه تقريبا)...!!!!! total loss

ثالثا: ردا على اسئله حضرتك..

1--الفئة بتاعة العربية ايه؟؟ sx بدون فتحة سقف من التوكيل نفسه و بمبلغ (115,900 جنيه)...

2--هل كان في تحميل زيادة في الأوزان في الشنطة مثلا؟؟ ماكنش فيه اي حاجه في العربيه او في الشنطه خاااالص غيري انا و file فيه اوراق شغلي و بس...

3--هل كان في أي أصوات نتيجة الدوران يمين أو شمال؟؟ لأ, اعتقد مفيش غير صوت احتكاك الكوتش بالأسفلت لما العربيه كانت بتعوم و ماكنش صوت قوي او عالي جداا مثلا... لأن السرعة مش عاليه (اقل من 100كم\س)

يا رب اكون اديتك اجوبه عن الاسئله بشكل وافي... و شكلراا ليك مره تانيه

اخر ما توصلت اليه مع شركة التأمين (كونتاكت)...

1- تم عمل معاينه للعربية بواسطة خبير من الهيئه العامه للمراقبه على شركات التأمين (مش عارف هو الاسم كده بالظبط صح و لا لأ) و تم تحديد القيمه التسويقيه للعربيه و كانت (95,000 جنيه)...

2- يتم خصم 25% من اجمالي تمن الاير باجز و هو (29,500 جنيه) من واقع المقايسه, و هيكون نسبه 25% من المبلغ هي (7375 جنيه)...

اذن التأمين المفروض يصرفلي شيك بمبلغ (87,625 جنيه)...

طيب انا المفروض اتكفل بايه..؟؟

1- دفع تمن مقايسة الاصلاح للتوكيل + تمن أرضيه (نتيجه ركن العربيه عندهم لحد ما اخلص مفاوضات مع التأمين) و المصاريف كانت كالاتي...
(1800 جنيه, مقايسه) + (1500 - 2000 جنيه, أرضيه لمدة شهرين تقريبا) الارقام دي هتأكد منها ان شاء الله النهارده و هصحح لو فيها حاجه...

2- نقل العربية من مكان الحادث للتوكيل (ابو رواش) و من التوكيل لجراج شركة التأمين في قليوب
(250 + 350 جنيه)

هنفترض ان الأرضيه تكلفتها 1500 بس مش 2000 جنيه... يبقى المصاريف كالاتي..

1800 + 1500 + 250 + 350 = 3900 جنيه (ده اقل تقدير)

يبقى الخلاصة كده...

اشتريت عربيه بـ (115,900 جنيه) + (4346 جنيه) تأمين = (120,246 جنيه)

التأمين هيدفع مبلغ (87,625 جنيه)

انا هدفع مبلغ (3900 جنيه)

يبقى دفعت في الأول (120,246 جنيه) خدت منهم (83,725 جنيه) و الفرق او الخساره كانت (36,521 جنيه) من فلوسي...!!! الحمد لله على كل شئ و قدر الله و ما شاء فعل

عرفتوا ليه قلت بلاش جري و تهور... (بعيدا عن الحادث بتاعي اللي سببه النصيب اولا و اسباب اخرى ثانيا مش الجري او التهور)

1- علشان سلامتك و خوفا على حياتك (اعمل حساب لخوف اهلك و عيلتك و اولادك عليك, و الله العظيم بالدنيا و ما فيهااا)
2- علشان فلوسك و خوفا على جيبك (اعمل حساب انك مسؤل تجاه اسره او حتى تجاه نفسك و الواحد مش بيلاقي الفلوس في الأرض, دي نعمه ربنا بيرزقنا بيها و هنسأل عليها)

ربنا يهدي الجميع و يبعد عنهم شر الحوادث...