السلام عليكم جميعا.:hlopaet_prv:
تسهيلا لمالكى سيارة نيسان صنى (اللى منهم انا ) عملت الموضوع ده علشان نعرف عيوب العربية دى ونتناقش فى حلها مع اهل الخبرة فى المنتدى.
فياريت اى حد يواجه اى مشكلة فى سيارته النيسان يعرضها فى هذا الموضوع.:biggrin2:
عرض للطباعة
السلام عليكم جميعا.:hlopaet_prv:
تسهيلا لمالكى سيارة نيسان صنى (اللى منهم انا ) عملت الموضوع ده علشان نعرف عيوب العربية دى ونتناقش فى حلها مع اهل الخبرة فى المنتدى.
فياريت اى حد يواجه اى مشكلة فى سيارته النيسان يعرضها فى هذا الموضوع.:biggrin2:
وانا اولكم ححط مشاكلى فى العربية دى ...
1-نيسان صنى 2010 منذ 3 شهور وعامله 2000 كيلو.
2-مشكلة كبيرة فى صوت الموتور عند التسارع.(تخيلو مش بوصل عداد ال rpm لحد 2000 لفه علشان الصوت المزعج).
3-دواسة البنزين حاسس انها بطيئة الاستجابة فى التسارع .(واحد صحبى بيفهم فى العربيات قالى ان الدواسة فيها هوا.وبصراحة مفهمتش).
4-رعشة كبيرة فى الفتيس .والرعشة متكنش ظاهرة على الفتيس بس بتحسها عند مسكه سواء كنت ماشى بالعربية او ممور.
5-الصالون الخلفى ضيق شويتين.بس الصالون الامامى كبير ومريح جدا.
دى بقى المشاكل اللى وجهتنى وطبعا مش كلها ينفع تتحل لكن اللى يعرف حلول لاى مشكلة يكتبها واهو كلة يستفيد.
وشكرا مقدما.....
السلام عليكم ورحمه الله وبركاته
انا بعانى من نفس المشكله زى سيادتك بالضبط وهى صوت الموتور عالى جدا فوق 120 كيلو وكذلك رعشه بالفتيس المانيوال وخصوصا لو اخدت مطب يهتز جامد جدا الفتيس واحيانا صوت تزييق فى الكرسى ال بجانب السائق لو احد قعد تخيين شوى
انا معاا 2010 اوتوماتك علمل بيها 4000 كم ليهامعايا شهرين-- العيب اللى واضح فيها و مضايقنى فعلا تزييقه فى الكرسى بتاعى ( السائق) و وزنى 100 كج بصراحه عامل زى المزيكه(زباله) مش مخلينى احس انى راكب عربيه زيرو --- العيب التانى اللى لاحظته انى لما اكبس بنزين مره واحده علشان اتخطى عربيه تانيه - العربيه مبتعملش كيك داون ومبتستجيبش بسرعه( بالمقارنه بالفيرنا الاوتوماتك اللى كانت معيا قبل كده ) وباحتاج كبسه اكبر على البنزين
هل معنى كده أن النيسان الصنى عربية تعبانة زى الصينى اللى بنسمع عنه هذه الأيام و عليه نصيحتكم لأعضاء المنتدى يبعدوا تماماً عن شراء النيسان الصنى نريد التوضيح بأمانة علشان جميع أعضاء المنتدى يستفيدوا و هذا هو الهدف الأسمى من المشاركة بأى موضوع
هو اكيد المعني مش كده مش علشان عيوب بسيطه لاتقلل من شان العربيه اقارنها بالصيني اللي الواحد لما بيركبه تاكسي بيقول يارب اوصل المشوار سليم
صوت الموتور عالي علشان الكاتينه جنزير مش جلد زي بقيت العربيات و اللي بتخالي صوت الموتور هادي اوي و رعشة عصاية الفتيس دا طبيعي في الصني اما بالنسبه للكرسي دا حضرتك بتقولهم في التوكيل بيربطوت مسامير القعده بتاعة الكرسي من جوه مانفعش تربيط بيتغير الكرسي كله و في عضو هنا معانا غير الكرسي و انا مثلا الموضوع مش مركز فيه اوي فسايب الكرسي بيزيق عادي
النقطه دى مش عايزنها تظلم العربيه..انا كنت بشتكى من النقطه دى فعلا..بس الحقيقه لما عملت صيانه العربيه فى السبع العشرة الآف مهندس حاتم مشكورا تفضل وحل المشكله دى..على فكره هو مش شحم الكراسى ولا حاجه..بس اللى فهمته منه إن فيه تعديل إتعمل عشان خاطر النقطه دى فعلا..وفيه حاجات بتركب كده..عشان تمنع الكراسى من إنها تزيق..وفعلا مشتكش من المشكله دى خالص..
النقطه اللى انا ممكن أقول إنها فى العربيه..هى
العفشه..العفشه بتاعها تمام وزى الفل..وثابته العربيه على الطريق وباخد الملف على 120 مش بحس إن العربيه عايزه منى مهارة معينه عشان أخد الملف لأ بالعكس.حلوه..
أمال المشكله فين ..بحس إن العفشه محتاجه تربيط بشكل دورى كل 2000كم مثلا..مش عارف ليه؟؟هل لأن العربيه بتمشى فى شوراع المدينه..خصوصا وانا من المحله والشوارع عندنا لأسف مكسره ومتبهدله تماما..عشان كده مش بتستحمل..مع العلم إنى لما كنت فى إسكندريه فى الصيف..و عملت حوالى 3000.محستش إن العربيه عفشتها فكت ولا حاجه..
بقيت الحاجات اللى ف العربيه من سحب وخلافه..تقريبا اللى بيفرق إن العربيه تقيلع نوعا ما عشان كده مش زى الباقى..
أكيد الفيرنا سحبها..أعلى بكتير..العربيه صغيره وخفيفه ووزنها مش محتاج المكنه ال1600..عشان كده سحبتها خرافيه فعلا.
لست من ملاك الصني ولكن اعرفها لان احد الاصدقاء بمتلكها........ولا يوجد وجه مقارنة بينها وبين الصيني
التشابه فقط في ( الصني ) وال ( صيني ).فقط حرف الياء
وهذا ليس تقليل من شان الصيني لحسن حد يزعل ولكن مينفعش نقول الصيني كله ولكن عربيات قليلة اثبتت كفاءة
قربت أكمل ال 2000 كم ومفيش تزييق في الكراسي (يمكن مش باحس بيه لان غالبا بأكون مشغل الراديو او السي دي بصوت عال) لكن صوت الموتور عالي شوية بس مش مزعج .. اهم حاجة ما تخليش ال rpm تزيد عن 3000-3500
رعشة الفتيس موجودة بس بسيطة جدا ومش محسوسة او مزعجة
ودي عيوب ثانوية لا تؤثر على كونها سيارة محترمة ماشاء الله وفي هذه الفئة السعرية
ربنا يبارك لكل اصحابها وللجميع ويكفيهم شرها
هو لما الكرسى يزيق والموتور يبقى صوته عالى شويه تبقى صينى؟
اذا كان الكرسى بيزيق يبقى ده عايز يتربط كويس وده ميعيبش العربية نهائى .
بس للأسف هو دة التقفيل المصرى.
السلام عليكم ورحمه الله وبركاته
انا فعلا معاى عيبين فى العربيه ال هو صوت موتور عالى فوق 120 وكذلك رعشه الفتيس وعرفت سبب المشكله من ايه كما ذكر اخويا وليد لكن فعلا العربيه فوق الممتازه فى توفيرها فى البنزين معايا لان معاى مانيوال وثباتها وشكلها الانيق عربيه وهميه مش بقول كده علشان معاى العربيه دى فعلا ده راى فى العربيه جميله جدا جدا بس اكيد اى عربيه فيها عيوبها ال بتتختلف من شخص للتانى لكن مش تؤثر على كفاءه وجمال السياره ...فعلا لو حد بيفكر فى عربيه ممتازه تبقى النيسان صنى كفايه موتورها يابانى
انا اشتيت عربيتي من شهر يوليو ال فات وللاسف يا جماعه العربيه ممتازه عفشه وماتور وعزم وثبات بس يعيبها ان فيها حاجات بسيطه من باب التوفير بس بتهين شكل العربيه منها على سبيل المثال ان
الدهان بتاع العربيه ضعيف عن السيارات في فئتها لدرجه ان البوهيه ال عل الاكسدام الامامي لعربيتي اتاشرت وظهر تحتها الاكسدام بسواده وبامانه من غير اي حكات او خلافه
بالنسبه لموضوع الكرسي والتززييق ففعلا التزييق بتاع الكرسي بينرفز وانا رحت وللاسف كنت عند السروجي بركب كسوه للعربيه وشفت عنده كراسي اللانسر وقارنت بيه كرسي النيسان طبعا يا جماعه اللحامات في الكرسي من تحت شكلها معموله عند حداد مسلح ومش معزوله ولا متغطيه
بالنسبه لصوت الماتور ففعلا عالي بالمقارنه بالعربيات التانيه اما بخصوص سير الكاتينه فانا مش متاكد فعلا هل هوه جلد ولا حديد وهل ليه دور في الموضوع ولا ملهوش
بالنسبه لاحتراق الوقود فانا ملاحظ ان عربيتي بخلاف الدايو مثلا والانثر مبينزلش منها ميه من الشكمان ومعرفش ليه ومعرفش هل الحركه دي مقصوده ام انه احتراق غير كامل لان انا طول عمري اعرف الماتور الحلو لما ينزل ميه والعربيه دايره
ودعونا يا جماعه لا نهمل ان العزل الصوتي للعربيه وكمان التشطيب الداخلي وفرش الكراسي والارضات مش يالدرجه ال تشرف العربيه كونها اسمها عربيه ياباني
جميل قوى ياجماعة يبقى مش كل مشكلة صغيرة تخلينا نقول و لكننا راكبين زيرو و لا تخلينا نشوه عربية الغالبية بيقولوا عنها محترمة نعم قد تكون هناك مشاكل صغيرة بس أكيد لكل مشكلة حل و ده اللى تعلمته من الهندسة مافيش مشكلة لا يوجد لها حل و لكن نسأل و نبحث عن الحلول و ربنا يسهل يعنى لو ذهبنا للتوكيل و عرضنا مشكلة تزييق الكراسى هذه أكيد لها حل و غيره من المشاكل لن أخوض فى تفاصيلها لكن عرض لهذه المشاكل بدون حلول تصبح سلبيات و مساوىء للسيارة نفسها و أى حد سيقرأ سيأخذ انطباع سيىء ممكن يؤثر على قرار شرائه لها و بالتالى سنضره هو و ليس السيارة و الهدف من مشاركتنا فى المنتدى تحقيق أقصى إستفادة ممكنة لجميع الاعضاء
النيسان اللى هنا مفيش زيها برة فى دول الخليج """" مثلا الصنى بتنزل بشكل تانى خالص وتقفيل كورى اللى هنا تكنولوجيا قديمة وموديل قديم المفروض انتاجها يقف او يجددوه":dontudear:
أقوى عزل صوت لسيارة هو بلا منافس لصالح التويوتا
هى المشكلة فعلا ممكن تكون لأن الكرسى صناعة مصرية أنا نفسى مرة شفت سيارة ألمانى مدمرة بشدة من الخارج واضح انها اتقلبت من فوق طريق عالى مثلا و وقعت تحت و اتقلبت كذا مرة و كان كبوت العربية ضايع و لكن الصالون كان معدا الإصابة فيه طفيفة إلا الكرسى كان مكسور فواحد قاللى ان العربية دية بتتجمع فى مصر فبص الصالون كله أمان إلا الكرسى اتكسر عشان صناعة مصرى و عجبى...
فقط للعلم، فان الصنى"الجديدة" الموجودة فى الخليج فيها نفس الشاسيه ونفس المحرك وحتى نفس الصالون لكن بشكل خارجى مختلف، وبالتأكيد ان ليس اختلاف الشكل معناه ان هذة تكنولوجيا عتيقة وتلك تكنولوجيا فضائية
وبالمناسبة ، الشكل القديم تباع جنبا الى جنب مع الشكل الجديد فى الخليج ولها زباينها
للعلم فان صديقك متحامل بشكل مبالغ فيه على الصناعة المصرية، وذلك للسبب الآتى:
بالتأكيد طلما اننا بنتكلم عن كرسى انكسر فأكيد اننا بنتكلم عن شسيه الكرسى اتكسر وليس التنجيد او القماش لأن هذة الأشياء "تتمزق" ولا "تنكسر"
السيارات الالمانية المجمعة فى مصر تنحصر تحت ماركات "اوبل" و "بى ام دبليو" و"مرسيدس" لأن هذة فقط هى الماركات الألمانية التى تم تجميعها فى مصر، والماركات الثلاث، ومعها الماركات اليابانية ومعظم الكورى اللى بيتجمع فى مصر، شاسيه الكرسى بتاعها بييجى مستورد من الشركة الأم او من شركة الصناعات المغذية المتعاقدة معها، حيث تتسلمه احدى الشركات المصرية المتخصصة فى تنجيد كراسى السيارات(موبيكا مثلا) وتقوم بتركيب الحشوة والقماش ،
نصل من هذا الى ان اللى انكسر وزعل صديقك هو شئ ألمانى وليس مصرى، وربما ان كسره هو مسألة مصممة مسبقا، بمعنى انه ينكسر عند درجة صدمة معينة-يتم تصميمها من خلال نقط انهيار محكومة- لحماية ظهر السائق
لكن طبعا وباعتبار ان الكرسى تم كسوتة بالقماش فى مصر فقد اصبح القماش الذى كساه فى مصر عارا حكم على الكرسى بالانهيار فى الحادثة
لا العيب فى الصنى ولا فى العربية الألمانى، العيب فى عقدة الخوااااااااااااااااااجة
بصراحه ياجماعه انا ركبت الصني محبتهاش ابدا
انا كنت فى الامارات و كان معى نيسان صنى 2004 اوتوماتيك بدون كماليات واسمها sg ولم يكن بها اى شئ مما قرأت وكان عدادها 65000 كم بل بالعكس كان تسارعها رائع (مالم يتم تشغيل التكييف) وناعمة وصوت محركها هادئ وليس فى عفشتها اى نشوفية كما اقرأ هنا ولا يوجد اى تزييق فى اى مكان فقط كنت تشعر بنقلة الفتيس بين الاول والثانى فقط فالواضح انه يوجد اختلافات بين السيارات التى فى مصر سواءا مجمعة محليا او مستوردة بالكامل عن تلك التى تباع فى دول الخليج وهذا فى جميع الماركات على مااعلم وبمناسبة العفشة فالسيارات هنا عفشتها ناعمة جدا وفى نفس الوقت ثابتة على الطريق فارجو من الاخوة تفسير هذا اما من يقول ان نشوفية العفشة لزيادة الثبات فمعنى ذلك ان جميع سيارات الخليج غير ثابتة وهذا مخالف للواقع نرجو التفسير
عربيات الخليج أعتقد إن عفشتها ناشفه جدا عشان السرعات العاليه بس مش بتحس إنها ناشفه..لسبب إن مفيش فى الخليج الطوبه اللى حتمشى عليها ولا البلاعه اللى حتقع فيها ولا نقره اللى حتغزك وإنت سايق ولا الفحت اللى بيصبح عليك..ولا المطب اللى بيمسى عليك..فمش حتحس.إنما فى مصر..لو العربيه ناشفه..حتحس إنك راكب جمل بلدى تمام..متغدى كويس وكل مهمته إنه يتط بيك فوق مل زلطه وطوبه...ولو إتعملت ناعمه وحلوه..يبقى سلملى على الثبات..
للأسف إن عندنا هنا بنعمل العربيه بمعاييرعشان تمشى على طريق معين..فى حين إن العالك كله بيعمل عربيه بماقييس معروفه..لان الطرق عندهم..بمقاييس ثابته
فعلا يا شباب موضوع رائع
انا كنت عامل موضوع مشابه عبارة عن تقرير لحصر مشاكل وعيوب النيسان
ليستفيد منه من يرغب في شراء النيسان بالتعرف على مشاكله وتقييم حجم تلك المشاكل
وكذلك افادتني فكرة هذا التقرير ليستفيد مالكي نيسان ايضا من مشاركة عرض مشاكل سياراتهم
لذا استأذن صاحب الموضوع في وضع اللينك الخالص بموضوعه عندي
وكذلك وضع اللينك الخاص بموضوعي هنا
تقرير عن مشاكل وعيوب نيسان صني 2009 - 2010 - مصر موتورز - موقع سيارات مصرى
وشكرا جزيلا لكل من شارك برأيه وكل من سيشارك مستقبلا
هذه ليست دعايه لمنتدى آخر
وانما هي لنشر الفائدة والنفع للجميع
واعتذر لادارة المنتدى ولهم حرية حجب اللينك اذا كان هذا مخالف للقوانين
كلام سليم مائة بالمائة ومعى الصنى 2003 اليابانى وينطبق عليها هذا الكلام ومازالت بحالة الزيرو
لاعفشة خشنة ولا تزييق وثبات خرافى وقوة سحب بالرغم من أنها أوتوماتيك
يبدو أن السيارة المجمعة محليا فيها حاجة غلط مع العلم بأنى قدت سيارة 2009 ولم أجدها كفاءة كسيارتى!!
انتوا خوفتوني جدا من العربيه .......... امال ياباني ازاي بس
سؤال هو العربيه صوتها بيعلى لما تعدي 120 ...طب قبل ال120 ؟؟.. انا ركبت نيسان صني 2001 ياباني والعربيه بالكاد تعرف انها دايره وصوتها ناعم وهادي جدا مع انها عامله 100الف كيلو
مشكله العزل دي ايه حكايتها دي كمان .. يعني لو مشغل الكاسيت ومش معليه (مثلا) صوته بيكون مسموع بره ولا المساله ان العربيه مقاومتها للهوا عاليه
يا جماعه انا بدات اصرف نظر عن العربيه وبجد بدات افكر في رينو سيمبول او حتي بريليانس frvعلى الاقل كراسيها مش بتزيأ صحيح صيني بس تقريبا نقدر تقول تقفيل صيني لان اكتر من 50 % منها مش صيني تبقى احسن من الصنى اللي 45 % منه هيزيق!!!!!!!!!!!!!!!!!!!
حد يريحني يا جماعه ويطمني بصراحه الصني بعد التخفيض بقت لقطه
يا جماعة اناعربيتى عاملة 4500 كيلو ومافيش اى حاجة من اللى قال عليها الاستاذ المشكور والعربية كل يوم اعجابى بيزيد بيها بالرغم انى كنت راكب قبلها كورولا 2007 زيرو اوتوماتيك طبعا فى فرق بين العربيتين فى موضوع التجميع وملحوظ جدا ولكن النيسان عربية جميلة جدا فى الثبات والموتور ومينفعش نقارنها بالكورى حتى لان اليابانى ولو بعد 100 سنة بتفضل فيه حاجتين شغالين الموتور والتكييف وياريت نتغاضا عن الحاجات البسيطة دى احنا مش راكبين عربية ب300000
ج يعنى ولا احنا بنتسلق على اى حاجة عشان نبوظ سمعة العربية وخلاص
انا معايا نيسان صنى 2005 مانيوال
عاوز اقوولكم انها افضل من المصرى بمراحل و انا جربت دى و جربت دى
المصرى تقفيلها سئ جدا و كراسيها غير مريحه و استهلاكها للبنزين رهيب
اما ملاحظاتى على العربيه اللى معايا فهى كالأتى:
1- صوت الماتور عالى جدا فوق ال 120 و عاوز اقول اتن السبب فى ده مقامومة العربيه العاليه جدا للهواء بجانب صوت الماتور العالى
2- تسارع العربيه بطئ جدا جدا
3- العربيه ناعمه جدا جدا لحد سرعة 100
4- قطع غيارها اعتبرها اغلى نسبيا من مثيلاتنها فى الدايو او الهيونداى او الشيفروليه
5- الباور بتاعها تقيل نسبيا بس اعتقد علشان يعطيها ثبات اكتر
6- تكييفها تلااااااجه
7- شكلها كلاسيكى جدا و للشباب عموما اعتقد انها ليست جذابه
كان معايا كام مشكلة فى اول 1000 كيلو اللى هما
1-صوت الموتور عالى وخصوصا على السرعات العالية.
2-رعشة فى الفتيس.
3-دواسة البنزين بطيئة التسارع.
وبعد لما عملت صيانة ال 1000 كيلو المهندس قالى صوت الموتور عندك عالى لسببين :
1-فلتر الهوا معبى تراب
2-البنزين بتاعى مغشوش.
وبعد تغيير الزيت وفلتر الزيت وتربيط العفشه وقاعدة الموتور والكشف على الموتور بالكمبيوتر والشكف على زيت الباور والفتيس وتغيير ماء الريداتير وقعد يلعب فى البطارية شويه بجهاز غريب مش فاهم بيعمل اية.
بعد ده كله سلمنى العربية وهى دايرة وركب جنبى واحد صحبى قعد يحلف ان العربية مش دايرة لانه عارف ان الفتيس بيترعش وصوت المحرك كان عالى بس بصراحة بقيت ناعمة بنسبة 80% وال 20% الباقيين المهندس قالى مون بنزين 92 نضيف مش مغشوش.
واسف على الاطالة بس يارب امون افدتكم.
نرجو اتباع قواعد وقوانين المنتدى التي تمنع الكتابة بالفرانكو اراب (قاعدة 6- ب)
مشرف الياباني 2
انا معايا صني من 2005, الاول جبت الياباني و لما كمات 60,000 كم بعتها و جبت السوبر صالون المصري.
و من ساعتها انا سعيد جدا, و بالمناسبة انا مفتري في سواقتي يعني قرص علي الموتور و ملفات علي سرعة عالية و فرامل مفاجئة و تحميل اوزان مفترية في السفر و الخ.
الحقيقة ما شوفتش عربية حمولة و ثابتة و ذات اداء جميل زي دي.
صوت الموتور عالي شوية بس دة علشان الكتينة الحديد اللي اكيد ميزة يعني ما فيش قصة سير الكاتينة انقطع و العربية جابت صبابات و وش سلندر و الهبل دة بتاع العربيات الكوري و شبيهاتها.
صوت الكرسي فعلا سمعت واحد بيشتكي منة و في التوكيل عندهم حل بيعملوة بيقضي علي القصة دي تماما.
المهم العربية محافظة علي نفسها و دي حاجة مش ممكن تستحملهه اي عربية من الفافي زي elantra or cerato.
ربنا يعوض علي اصحاب العربيات دي في القلب اللي خادوة.
السلام ختام
-------------------------------------------------------------
مش لازم علشان تنفى بعض الحاجات عن عربيتك تعيب فى الماركات الاخرى
سير الكاتينة الربر موجود فى عربيات كثير يابانية وكورية و اوربية كمان ودة لا يعتبر عيب دى حاجة فى تصميم المحرك و بالمناسبة الالنترا و السيراتو سير الكاتينة جنزير اما حكاية محافظة على نفسها دى مش فاهمها؟ صاحب العربية هو اللى بيحافظ عليها
حد يشور عليا ؟ معايا نوبيرا 2006 مريحاني . بافكر اغيرها اجيب صني 2006 اوتوماتيك
والله الصنى عربية محترمة جدا وبمشى بيها على سرعات عالية جدا ومش بحس انا ساحب من ثباتها على الطريق.
بس لما تشترى العربية حاول تتفادى المشاكل اللى مكتوبة فى الموضوع ده .
والمشاكل دى ممكن تلاقيها فى اى عربية يعنى مش قاعدة فى النيسان انا خالى معاه نيسان متهيألى 2004 ناعمة جدا جدا .
العربيه معايا بقالها اكتر من سنه 48000كم
اكثرمن ممتازه
المشاكل الى واجهتنى
1- صوت تزييق بالكرسى الأمامى
اتحلت فى التوكيل الحمد لله
2-فرده من الكلاكس فصلت
الحل: غيروه على حسابهم فى التوكيل
3- صوت عالى عند سرعة 120كم/س
الحل: غيرولى فى التوكيل علبة الشكمان الوسطانيه على حسابهم وصوت العربيه هدى تماما
4-صوت هواء بيدخل من الزجاج على السرعه العاليه فى الطرق المكشوفه
الحل:حولوا كتيير فى التوكيل وربنا يسهل
5-العربيه فجأه كانتت بتاكل بنزين180كم/صفيحه
الحل :التوكيل قرر انه يغيرلى ضفيرة الكهربه بتاعة الماكينه كلها على حسابهم علشان المشكله تتحل
اذا كما هو ملاحظ سابقا العربيه شأنها شأن اى عربيه فى العالم يظهر بها بعض المشاكل بعضها جوهرى وبعضها ثانوى وهذا لايعيب السياره طالما ان التوكيل يتدخل لحل هذه المشاكل
والله المستعان
المشكله دي حصلت معايا وكان السبب ان فيه في قعدت الكرسي خبور بيرشق في مكان في ارضيه العربيه والخبور ده بيركب عليه جوان بلاستيك والجوان ده مكنش موجود وروحت التوكيل وركبهولي وراحت الزنه من وداني