الموضوع: عاوز اشتري شانا بيني؟؟؟؟؟؟؟؟؟؟

قبل ما أنسى..الضمان 3 سنوات أو 100 ألف كيلو..أيهما أقرب..وفيه حاجات بتتغير فى الضمان زى السنتر أو و حدة الأنجكشن أو الأشياء الثايتة الأخرى..لكن المساعدين و الأشياء المتحركة الأخرى ف دى المهندس بيشوف العربية ككل..لو أنت سواقتك وحشة..بيعتبر المساعد البايظ سوء استخدام منك..لكن لو انت بتحافظ على عربيتك و ده بيبقى واضح..ساعتها بيدخل فى الضمان..وبرضه ماننساش حاجة مهمة..انت لو بتروح الصيانة فى ميعادها ومنتظم..فيه حاجات ممكن يدخلها لك فى الضمان ذوقيا..لكن مثلا ليا صديق معاه هيونداى..راح صيانة الألف..وبعدين فضل ماشى بالعربية لغاية ال50 ألف..ولما لقى مشاكل راح التوكيل بتاع هيونداى..وده عاملوه سوء استخدام

المشاركة الأصلية كتبت بواسطة ahmed_elbokl

اخويا كان معاه واحدة واتقابت بيه فى وادى الريان العربية و شركة ااتامين اعتبرت الحادثة توتال لوص و العربية اتكهنت
عرفنا بعدها ان سبب الحادثة ان الجنط اتكسر بس ما حصلش انه اتخبط و مدير التوكيل لما اتكلمنا مهاه قال بمنتهى البساطة انت هتجيب جودة عربية ب 100 الف جنيه زى الصنى مثلا بعبية ب 50 الف
ده غير ان التوكيل بتاعها مش امناء لان العربية كانت تخش تعمل صيانة و تخرج مخلوع منها حاجات و طبعا اتركبت فى عربيات المحاسيب و يتبع ذلك مجموعة من الخناقات علشان الحاجة ترجع
نصيحتى احسن حاجة ابعد عن الصينى بالذات لو معاك اطفال لسلامتك

المشاركة الأصلية كتبت بواسطة farfasha

قبل ما أنسى..الضمان 3 سنوات أو 100 ألف كيلو..أيهما أقرب..وفيه حاجات بتتغير فى الضمان زى السنتر أو و حدة الأنجكشن أو الأشياء الثايتة الأخرى..لكن المساعدين و الأشياء المتحركة الأخرى ف دى المهندس بيشوف العربية ككل..لو أنت سواقتك وحشة..بيعتبر المساعد البايظ سوء استخدام منك..لكن لو انت بتحافظ على عربيتك و ده بيبقى واضح..ساعتها بيدخل فى الضمان..وبرضه ماننساش حاجة مهمة..انت لو بتروح الصيانة فى ميعادها ومنتظم..فيه حاجات ممكن يدخلها لك فى الضمان ذوقيا..لكن مثلا ليا صديق معاه هيونداى..راح صيانة الألف..وبعدين فضل ماشى بالعربية لغاية ال50 ألف..ولما لقى مشاكل راح التوكيل بتاع هيونداى..وده عاملوه سوء استخدام

استاذ احمد شكرا على النصيحه والف سلامه لاخوك وطبعا انا عندي اولاد وربنا يستر
انا كده هفكر في الكيا بيكانتو
الفرق مش كبير في القسط والكيا محدش قال عليها حاجه
farfasha
شكرا يا باشا على نصايحك وربنا يخليك مرسي جدا

السلام عليكم انا واحد صحبى فى الكلية معاه العربية دية هو مقتنع بيها مع ان حصله الاتى

استلم العربية و كانت مركونة فى المينا 6 شهور عادى مفهيش حاجة
المهم استلمها و كان صوتها زى شيفورليه الدبابة المهم قالوا هنظبت تاكيهات
و بعدين عملوا حاجة و فكوا وش السليندر غشان يظبتوها مش فاكر ايه الى عملوه بالضبط
دلوقتى مازال صوت العربية عالى اوى و حتى لما بيشيل رجله من على الدواسه صوتها بيقل تدريجى و بالراحة قوى ال ار بى ام ما بيوطاش و عالطول عالى

هو بيقول الفرامل وحشة انا بقوله كويسة

شنطتها اكبر من البيكانتو

قعدتها ماعجبتنيش

بس فيها اير باج للسواق و abs معرفش هل لما هاتعوزهم هايبقوا موجودين و لا مسافرين

النظام الصوتو مقبول عفشتها ناعمة و عالية عالارض هو مابيجريش عشان احكم على ثباتها

اه صح كان مرة لبس مطب و متور الفانوس باظ و دلوقتى مستنى المتور عشان التوكيل مش

عايز يغير الفانوس عشان المتور هوا طبعا مقالهمش على انه لبس مطب

هو راضى بالعربية و بيقول كويسة مع كل الى فيها عشان بيقول انه دافع 50000 فى عربية

زيرو فلازم يتوقع الحاجات دية و كمان فى توكيل و ضمان عشان لو حاجة باظت تتغير

و كمان هو مش حاطط فى دماغه ان دى عربية صينى هو حاطط فى دماغه انها عربية ب 50000 جنيه

فلو بتفكر فى اى عربية حط فى دماغك انت دافع فيها كام مش مين الى عاملها

و متنساش الاستخارة و ربنا يقدم اللى فيه الخير