أنا ما إستغلتش الموضوع إني أضر أي حد ..أو إني أخد حق مش حقي
السواق لما نزل من عربيته وكان ماسك الصليبه بتاعتة وعاوز يضرب بيها وليد..ساعتها يبقا يستاهل كل الي يحصل له..ولا أنا ولا وليد كنا هنمسك الكوريك بتاعنا أو الصليبة بتاعتنا ونجري وراه ع الاسفلت عشان ناخد حقنا منه.
احنا علمناه الأدب وبس ..
عشان لما يكون راكب عربيه كبيره ..مايفردش نفسه على الاسفلت على حساب أرواح الناس وعربياتهم..
وحط نفسك مكاني..شوف هتعمل ايه؟؟
ولا حط نفسك مكان وليد صاحبي..لما تكون ماشي بعربيتك تلاقي سواق عربيه نص نقل بيعديك بتهور مع ان في عربيات في المقابل ..ويخليك غصب عنك تحدف نفسك بره الاسفلت عشان ماتخبطش فيه ..ولما تروح تكلمه ..يمسك الصليبه وييجي يفتح دماغك ..على اساس انك ماوسعتلوش عشان يعدي.
ساعتها تعمل ايه؟؟