ياه
اتنين مره واحده
انت محظوظ قوي :120105~352:
حصلتلي قبل كده وكان يوم مايعلم بيه الا ربنا
ربنا معاك
روح صلي الفجر
ربنا يتقبل منك الصلاه والصيام ان شاء الله
كل سنه وانت طيب
عرض للطباعة
السلام عليكم دكتور احمد
موضوعك ممتاز مشاء الله وكان نفسى اشارك معاكم بتجربتى سواء داخل او خارج مصر ومش عارف اعمل موضوع تانى نقول علية او ممكن نسميه
قصه نجاح ..وقصص فشل(تجربه حياه) الجزء الثانى :36_1_1[1]: بس مش عارف اذا كان بقيت الأعضاء يقبلوا ولا لأ
أولا احب أعلق على موضوع الجواز بتاعك فى حتة انك قولت لوالدك إن كل شئ قسمة ونصيب
وأقولك إنت صح لأن الناس اللى تبتدي معاك بالأسلوب دة يبقى بيبعوا البنت وانت حاسس انك نازل السوق تشترى ...... مش بتبتدى حياتك مع واحدة وتقول يارب اكرمنى بحياة زوجية صالحة وان إشاء الله ربنا يكرمك بأحسن منها ومتخليش الموضوع دا يأثر عليك فى حياتك:mahf(5): زى مثلا أنت حولت من طب لصيدلة وتلاقيها مكنتش فى دماغك اصلا :11:
ثانيا : مشوار شرم الشيخ :POINTI~2[2]:
والاشتغالة اللى حصلت معاك من السادة الأفضال الضباط هقوللك بيحسبوها ازاى ( واحد جاى من الفلاحين ومش عايزين يدخلوا شرم الشيخ وخصوصا لو انت كنت رايح فى فترة فيها قلق حبتين زى مؤتمر دافوس أو مثلا الريس هناك - على فكرة هو موجود ٨ شهور فى السنة هناك لحد متحس انهم هينقلوا العاصمة شرم الشيخ ) فى اللحظة دى أى حاجة معاك غلط ممكن تلبس بيها قضية حتى لو كان معاك كوريك العربية:3mla: ممكن يعملك بية محضر انك معاك ألة حادة
دا فى أوقات فى شرم كانوا بيخشوا يجيبوا الناس من بيوتها وترحيل على قسم الخليفة من غير أى ذنب اة والله حصل لما كنت شغال هناك فى ٢٠٠٣ خد عندك مؤتمر القمة العربية ولما بوش كان موجود فى شرم
انا حصل معايا موقف بس بجد كانت قضية مع كمين النفق
قال اية ياسيدى بيفتشوا العربية لاقوا خنجر بحرى محترم وامسك ياشويش واحد ارهابى أهو :049: احلفهم يا جماعة ان دا خنجر بنزل بية البحر أيام ما كنت بغطس .:36_1_58[1]:.... ولا الهوا أوريهم كارنية مركز الغطس اللى انا شغال فية والمديربتاعة كمان ولا عايزين يسمعوا أخر مازهقت اضررت أكلم ناس من معارفنا اللى فوق ..... ربنا يجعل كلامنا خفيف عليهم وخلص الموضوع وأنا فعلا مبحبش الأسلوب دا خالص بس.... كان هوا دا الحل الوحيد
واحد يقولى وانت ايه اللى يخليك تشيل تهمة زى دى معاك أقولة انى دايما بحب أعمل رحلات بر وبحر وساعات تخش من الصحرا على حتة فيها بحر شرم وجنوب سيناء مليان حتت فظيعة والواحد زى ابن بطوطة بيحب يستكشف الأماكن الجمبلة دى والأمر مبيلمش وانتوا عارفين
عملت اية فى الكوتش لسة الفردتين نايمين ???
ماشي ياباشا كلام حضرتك جميل و كل حاجه بس للاسف ماينفعش في الزمن اللي احنا فيه دا
و بعدين انا ماقولتش اني هامشي اتخانق مع الشعب كله انا بتكلم علي الناس اللي بتعامل معاهم في شغلي و في حياتي العمليه علشان محدش يفتكر اني ضعيف او مش هاقدر ارد عليه و الناس اللي هاقابلهم كتييير هما دول لكن اي حد تاني هاكبر دماغي اخر حاجه :mahf(5):
دكتور أحمد متشكر جدا ليك بس مؤقلتليش عملت ايه فى الفردتين اللى ناموا منك؟
ابتدى منين؟؟ ...... ابتدى منين من أول متولدت
انا من مواليد محافظة القاهرة حى شبرا العريق وبالتحديد شارع الخلفاوي ٠٦ أكتوبر 1980
من حيث التنشئة انا اتربيت فى المحلة الكبرى طول عمرى بس الأجازات بتاعة أخر السنة كانت معظمها فى القاهرة لأن جزء كبيير من العائلة عايشين هناك والدى كان شغال فى سنترال المحلة بعد كدا ساب الشغل وأصبح تاجر بقوليات فى بلد بعد المحلة ب ١٠ كيلو ... كنت بكرة البلد دى أوى لأن الكهرباء دايما مقطوعة
مراحل عمرى كالأتى
مرحلة الحضانة :
ودى بقى كانت مرحلة جميلة أوى كنت روميو أوى ولد بعنين خضرا وبنت الجيران كانت بتعدى عليا علشان نروح الحضانة سوا:36_3_18[1]:
فى يوم عمرى مأنساه أبدا اليوم دا أنا صممت أخد النظارة الريبان القديمة بتاعتة والدى:colsmil: والجرنان تحت دراعى والجرافتة لابسها على تشيرت تقريبا كانت للارض ( ياخسارة ان مكانش عندنا كاميرا اليوم دا ) المهم نزلت الشارع وكانت تقريبا ٧ونص الصبح قابلنى ولد أكبر منى أعتقد حوالى ٢٠ سنة وقعد يضحك .... طبيعى لازم يضحك على منظرى الفظيع :POINTI~2[2]:
دايما كان داخلى المجرم الصغير:3mla: لية ياعم بس كدة
لأنى كنت بهرب ( بطفش) من الحضانة أول ما جدتى تقولى حنروح عند عمتك أتجنن وأبقى عايز اليوم فى الحضانة يخلص بسرعة كنت بناديها بماما مش عمتى..... المهم الحضانة كانت فى الدور الأرى كنت أستأذن الأبلة أروح الحمام وأخد الشنطة معايا وأروح الغرفة التانية وأفتح الشباك وزى سوبر انط اجرى اروح البيت الساعة ١٠ بدل الساعة ١٢ ...... كانت أيام حلوة
مرحلة الأبتدائي :
أول سنة قضيتها فى العراق ..... أيوة العراق سنة أولى ابتدائى هناك فى منطقة الرمادى مدينة حديثة معقل المقاومة السنية للأمريكان .... كنت خايف فى سفارة ايطاليا انهم يكتشفوا الموضوع دة وأنا باخد الفيزا بس الحمد لله عدا عليهم مخدوش بالهم
والدى لقا عقد هناك سواق خلاط أسمنت ( كان أتعلم سواقة النقل التقيل فى ألمانيا ) وطبعا غير المهنة لما رجع مصر لأن انتوا عارفين أنهم فئة مكروة من عامة الشعب بس فى ألمانيا بيكسبوا هناك كتيير أوى حاليا ما بين ٥٠٠٠ و٨٠٠٠ يورو فى الشهر ) أنا سرحت أوى
نرجع للعراق وأولى سنة ابتدائى
أول أسبوع مكنتش فاهم أى حاجة من الأبلة طبعا بتتكلم عراقى ومكنتش فاهم حاجة أنا والتخته حتة واحدة ( على فكرة بيقولوا عليها هناك ست مش أبلة ولا مس زى ما كان الواحد متعود ) كنا ٣ مصريين فى الفصل وكنا الثلاثة الأوائل فى الفصل دايما كنا متفوقين انا كان ترتيبى الثانى فى الدرجات وكان والدى بيجبنى ويودينى بالعربية لأن امدرسة كانت فى الصحراء وبسببها كنت بغير كل أسبوع جزمة لأنى كنت محترف شوط الطوب والزلط الجبلى يعنى لو عملوا مسابقة أكون فيها الأول بجدارة ولايوجد منافس
متأسف هسيبكم دلوقتى لأنى رايح الشغل .... حاليا شغال Receptionist فى فندق وهرجعلكم بعد ساعة
يعني لفيت أماكن كتير..
يابختك ..السفر ده أكبر متعه في الدنيا ..إنك تتعرف بعوالم جديده غير العالم المحدود الي انت عايش فيه.
شكرا لطرح تجربتك...
ومستني التفاصيل.....
انا فكرت شويه
لقيت ان الاحسن انك تبدأ موضوع جديد بنفس الاسم ..الجزء التاني
اصل الموضوع هنا عدد صفحاته كتير ..وكده الناس ممكن تتوه عن مشاكرتك وعن التفاعل معاك
انا شايف ان الموضوع بتاعي يرقد بسلام في الصفحات القديمه
ونبدأ موضوع جديد ليك ..بس يكون بنفس الاسم ..الجزء التاني.
تحياتي.
دكتور احمد انا بعت ما قريت الموضوع عاوز اتعرف بيك
مادام انتا قاعد في الزقازيق يعني بلد واحده
و على العموم ان شاء الله عاوز ارتب اول مقابله للمنتدى بالزقازيق
في شهر اتنين في اجازه نصالسنه
تمام اوكيه انشاء الله في شهر اتنين حنبقى نتفق قبليها و نعمل توبيك فيالمنتدى
اوك يا معلم..معاك
ونشوف الرجاله كلها بتوع الزقازيق ..وبتوع ميت غمر لو يحبوا..
ونشوف حد يروح يجيب لنا الاستيكر بتاع المنتدى ..
معاكم ان شاء الله ولو ان الطريق نيله خاااااااالص
تدفعوا كام واجي:002: (بالدولار)
واجيبلكم الاستيكر كمان:F_eyeb1[1]:
انا من العاشر من رمضان على فكره:fdsa:
تمام جدا
لما نحدد المقابله - ان شاء الله- ..بس الشباب تخلص امتحانات الترم
تجيب لنا بعدد الشباب الي هيحضروا المقابله استيكرات..
وشكرا يا جميل لاهتمامك..
على فكره
بابا واخد في مشروع ابني بيتك - المرحله الاولى ..وساعات بنزل العاشر معاه
بصراحه..بموت في الجري ع الصحراوي
ايه ده ايه ده
انا لسه موافقتش على فكره :rfds:
وبعدين مش هتدفعوا عشان اجي ولا ايه :whtauwant:
عموما انا كمان لسه ورايا ترم برده :fdsa:
ان شاء الله نتقابل على خير
( انا معرفش ابني بيتك فين اصلا بس اسمع ان في اطراف المدينه بس فين بالظبط مش عارف بس مبروك طبعا وتكملوا البيت على خير وعلى مهلك في الصحراوي الطريق ملوش امان :3_3_102[1]: مع اني بحب اجري فيه زيك بالظبط ومش بمشي اقل من 120 او 130 وعاوز اوقف نفسي مش عارف)
وانا كمان معاااااااااااااااااااااكو ا
انا برضه اتعرفت علىcrazylambada في الشارع عرفته من عربيته بس الظريف ان رقمه ضاع و معرفناش اسامي بعض ههههههههههههههههههههههههه
بس انا بقكرك احنا اتقابلنا عند توته
هوا إنت تقدر ماتجيش:khd:
ازاي حضرتك يا استاذ يحي
على العموم و لا يهمك انا سيفت النمره بتاعت حضرتك و انشاء الله في شهر اتنين نعمل المحاوله الثالثه للمقابله
انا الحمد لله لغايه دلوقتي قابلت ثلاث اعضاء للمنتدى بالزقازيق بالصدفه البحته
و ده معناها اننا كتير اوي في الزقازيق و مش واخدين بالنا
و على راي المثل التالته تابته
سلام عليكم
ازيك يا دكتور احمد بجد بجد قصة فوووووووووووووق الوصف كلامك وطريقة سردك للقصة واحداثها فوق المريع ههههههههههه جامد يعني
وعلى فكره نفس اللي حصلك مع موضوع البنت حصلي بس ياريته من بنت واحده هههههههههههههه
تلات بنات ارتبط بيهم والحمد لله كله ف اطار رسمي ومعرفه من الاهل والنداله تيجي دايما من البنات وتقدير قل ف الكلية ف سنة رابعة طب :( بس الحمد لله ادركت فعلا حاجة واحده
انه مش وقته بنااااااااااااااااااااااا ااااات ولا جواااااااز ناو خالص خاصة اني ف خامسة ومطحون ف الباطنه d:
غير كده فعلا الظروف منيلة دلوقتي لازم اكون على ارض صلبه وبجد يشرفني اني اعرف شخصية حلوة زيك
وياريت تديني ايميلك ع الياهو او الهوت ميل اكلمك
معلش طولت عليك
يا دكتور احمد انت بجد انسان رائع وروحك جميلة ومشاعرك رقيقة
انت لست شاعر فقط بل روائي بامتياز وعبارتك سلسة وشيقة تجعل من يبدأ لابد ان ينهي ...
امامك مستقبل مشرق في فن السرد الشخصي يجعلنا ننتظر كتابك القادم يا فنان
بالنسبة للحب الاول فان السر الكامن في استمراره هو عدم اكتماله ولن ينسيك هذا الحب الا صراخ اطفالك ....
تقبل مروري
مع خالص دعائي لك بالتوفيق والنجاح والسعادة.