الموضوع: ممكن توصل حد ما تعرفهوش بسيارتك ؟؟؟؟؟؟؟

عملتها مرتين
الأولى كان كام 3 عساكر في أول الأوتوستراد كانو راحين مدينة نصر
والثانية كنت عايز اطلع من التجمع الخاس على الدائري وسألت واحد لقيته ركب من غير لا أحم ولا دستور

المشاركة الأصلية كتبت بواسطة rockana9112007

ومرة عربية مرسيدس فخمة وكان راكبها راجل كبير اواخر الخمسينات وطريقة كلامة واسلوبة بتقول انة راجل منصبة مش طبيعى فى البلد وقفلى فى حتة مقطوعة باليل مفيهاش مواصلات وكنت باخدها مشى لحد بيتى فى 45 دقيقة لكن بالعربية فى 5 دقايق واصر انة يوصلنى لحد البيت مع انة مش طريقة .طبعااا انا كنت مستغرب من كرم الراجل دة ومكنتش عارف اشكرة ازاى وحسيت اد اية الدنيا فيها خير

حصل معايا موقف مشابه كنت أنا وزوجتي قبل ما نجيب العربية كنا في فرح زميل ليا وخرجت من الفرح في وقت متأخر ووقفت أخد تاكسي وكان معايا الولد الصغير وعربية البيبي وكان واحد معاه أسرته كان واقف يزود الكاوتش هوا بالكومبرسور اللي بيتوصل على الولاعة وأصر أنه يوصلني بس أنا رفضت علشان ما أزنقش ولاده بس الموقف ده فرحني جدا جدا لأن الدنيا فعلا بخير

أنا هأحكيلكم على موقفين حصلوا معايا في الإمارات

الأول كنت جديد وساكن لوحدي في العين وفي شهر رمضان وعايز أروح قريه على بعد خمستاشر كيلوا اسمها المقام أفطر عند أخي هناك

جيت قبل الإطار مباشرة لقيت تاكسي خدني دوار أو صينية بالمصري ونزلني هناك وخد طريق تاني

نزلت صليت المغرب والدنيا فاضية فضلت واقف لقيت واحد مواطن إماراتي وقفلي وراح أصر إنه يوصلني لغاية بيت أخويا رغم إنه مش في طريقة قوي وكنت في غاية الإحراج منه وخصوصا إنه عطل إفطاره وقت مش قليل

ربنا يكرمه


لكن الموقف الصحيح اللي أثر في جامد

واحد صاحبي كان جاييلي هو ومراته عازمهم عندي في العين بعد ما اتجوزت طبعا وربنا كرمني بسكن ممتاز والحمد لله

وكان هو ساكن في منطقة تبعد عن مدينة العين بحوالى أربعين كيلو اسمها الهير

وما كانش معاه سياره لآن رخصة السواقة هناك أصعب من الخصول على الماجستير
وهو يدوبك قدر يجيب مراته بعد عناء هي وطفلتهما الرضيع

انتوا طبعا ما تعرفوش حاجة عن الحر هنا في الإمارات

الحر هنا ما فيش منه مهرب ولا مناعه

يعني لاشجرة تنفع تظلك ولا مروحة تنفع و تشفع

لازم مكيف وإلا تحترقققققققق

صاحبي إتمشى شوية لما قرب أكتر من مفاصل الطرق وفضل واقف لغاية - ربنا يسترها علينا جميعا - بنته الرضيعه كانت هتودع
ولا هو لاقي تاكسي يرجعه ولا تاكسي يوصله

ومراته كانت هتنهار وهي حاسه إنها وصلت إلى قاع الجحيم أو على الأقل منتصف خط الاستواء


وفجاة وقفت سيارة فخمة وراكب فيها واحد باكستاني بس لابس بنطلون وقميص عادي

صاحبي جري عليه بسرعة

فهو من نفسه رجع بالسيارة لورا علشان يوفر عليه المشي

قاله بالإنجليزي اتفضل : ويلكم

صاحبي في الإنجليزي ضعيف شوية لكن قدر يتفاهم معاه وقاله إن معاه زوجته وكده

الراجل قاله بالطبع خليهم يتفضلوا

أوف كورس

راح صاحبي جابهم وخرج من دائرة خط الإستواء إلى جو مكيف الهواء والرجل الباكستاني قاله :

you help others, Allah will help you

انت تساعد الآخرين وربنا هيساعدك

انا كنت مرة نازل اصلي الفجر في المركز الأسلامي في الحي الأول في العبور لقيت واحدة بتشاورلي طبعا نفضت ومشيت....قلت ايه اللى واقفها في الوقت ده في مكان زي ده .
وساعات في رمضان انزل اصلي المغرب بالعربية والف شوية قبل ما اطلع افطر ساعات بلاقي ناس كتير لسة جايين من شغلهم فبخدهم اوصلهم.

عملتها مرتين قبل كدة بس كانت فى ظروف معينة
وربنا سترها بس عادى لو اتيحت الفرصه هعملها تانى لانى بتوكل على الله

مستحيل مستحيل مستحيل