لانسر 1600 اوتوماتيك ولا ياريس 1300 اوتوماتيك

**dr_3eshoo** · 14-12-2007 02:47 AM

ياااااااااااااااااريس كفايه انها تويوتا

**padel** · 18-01-2008 10:50 AM

يا جماعة أنا شايف إن الإختيار صعب لأن الإختيارات المتاحة متقاربة جداً. بس رأيي إن الجيدد جديد برضة و كل الأجزاء بتاعت العربية جديدة يعني مسش هيقعد يغير كل شوية في حاجات. دة غير إن الجديد ليه بهجته، وتكنولوجيا أكثر تطوراً. طالما معاه فلوس ليه ما يبسطش نفسه.
حاجة كمان مهمة: إن شوارعنا و(لا حتى الطرق الخارجية) محتاجة أكثر من 1300 cc. الرادار على الطريق وكمان الزحمة الغريبة على الطرق السريعة.

ربنا يوفقه في إختيارة يا رب وما يندمش عليه.

**limo** · 18-01-2008 11:08 AM

المشاركة الأصلية كتبت بواسطة padel

يا جماعة أنا شايف إن الإختيار صعب لأن الإختيارات المتاحة متقاربة جداً. بس رأيي إن الجيدد جديد برضة و كل الأجزاء بتاعت العربية جديدة يعني مسش هيقعد يغير كل شوية في حاجات. دة غير إن الجديد ليه بهجته، وتكنولوجيا أكثر تطوراً. طالما معاه فلوس ليه ما يبسطش نفسه.
حاجة كمان مهمة: إن شوارعنا و(لا حتى الطرق الخارجية) محتاجة أكثر من 1300 cc. الرادار على الطريق وكمان الزحمة الغريبة على الطرق السريعة.

ربنا يوفقه في إختيارة يا رب وما يندمش عليه.

متشكر جدا على الرد وان شاء الله مش هندم لان اى عربيه هجيبها اكيد هيه الى هتكون ربنا كتبها لى
انا على فكره استبعت الياريس خلاص علشان 1300 وانا محتاج سى سى اعلى
وحاليا انا بفكر فى الانسر 1600 مانوال
والنيو لانسر 1500 مانيوال
والكورولا2008 1600 مانوال
مع العلم ان سعر الانسر 1600 الشكل القديم 105 والكرولا 1600 127 الف والنيو الانسر 129 الف جنيه
يعنى فيه فرق فوق 20 الف جنيه

**hfekry** · 27-02-2008 05:07 PM

انت هتتعبنا معاك ليه بقى
انا بس بضحك معاك . والله انا راي لو الفرق المادى ده مش هيفرق معاك . يبقى هات الانسر الشكل الجديد
يابانى 100 % . وبرضه لانسر

**moatazmicro** · 10-03-2008 11:29 PM

lancer sure ya man 1600cc

**limo** · 10-04-2008 11:52 PM

شكرا لكم جميعا ان الحمد لله ربنا وفقنى وجبت لانسر 1600 اوتوماتيك شكل قديم

**OlaOsman** · 10-04-2008 11:56 PM

مبرووووووووووووك :)

ربنا يرزقك الخير و يبارك لك فيها يا رب و يكفيك شرها :)

**myr999** · 13-04-2008 03:20 PM

مبروك يا limo عاوز أعرف أنطباعاتك أية عشان أنشاء الله عاوز اعمل زيك وانت كنت راكب اية قبل كدة واستهلاك البنزين عامل اية جوة وبرة وهل هى رياضية والعزل عامل اية والعفشة

**limo** · 13-04-2008 03:30 PM

المشاركة الأصلية كتبت بواسطة OlaOsman

مبرووووووووووووك :)

ربنا يرزقك الخير و يبارك لك فيها يا رب و يكفيك شرها :)

الله يبارك فيكى يا استاذه علا
وربنا يخفظلك عربيتك ويبعد عنك شرها

**limo** · 13-04-2008 03:49 PM

المشاركة الأصلية كتبت بواسطة myr999

مبروك يا limo عاوز أعرف أنطباعاتك أية عشان أنشاء الله عاوز اعمل زيك وانت كنت راكب اية قبل كدة واستهلاك البنزين عامل اية جوة وبرة وهل هى رياضية والعزل عامل اية والعفشة

الله يبارك فيك
انطباعى عن العربيه
بص انا العربيه عمله معايا حوالى 600 كم
طبعا جميع الاعضاء اكدوا ان اداء العربيه بيتحسن مع الوقت من سحب واداء عفشه
انا طبعا خايف اجرى بالعربيه لانى لسه مكملش ال1000 كم
العفشه ناشفه شويه بس مش لدرجه الازعاج ولا لدرجه انى اسبعد الانسر وانا بشترى
العزل لما بقفل الزجاج بيقل الى حد كبير ضوضاء الطريق وصوت الهواء الخارجى بيختفى تماما بس طبعا بسمع اصوات بسيطه من كلاكسات
وبسمع ايضا صوت العجل وهوه ماشى على الارض
عزل الماتور عن الكابينه كويس اوى لم اسمع صوت المحرك والعربيه واقفه بس طبعا وانت بتشد بتسمع صوت المتور بس برضو صوته مش مزعج نهائى واى عربيه لازم تسمع صوت الماتور وهيه بتشد حتى لو كانت بى ام

استهلاك البنزين خلال فتره التليين حولى 250 كم فى 25 لتر قياده داخل المدينه مع تشغيل ال ds لثوانى معدوده ولم اجرب خارج المدينه

انا كان معايا دايو لانوس 99 كامله اوتوماتيك
العربيه الى معايا هاف سبورت خليجى
فيها جنوط وعتب واكر وبدالات نيكل و2وساده هوائيه وفرامل مانعه للانزلاق وفوج لايت وكاسيت اصلى و1600 اوتوماتيك
ربنا يوفقك ونبارك قريب ان شاء الله وانا تحت امرك فى اى استفسار