الموضوع: يا جماعة خلو بلكو فى سيراتو مضروبة فى السوق

المشاركة الأصلية كتبت بواسطة hossamdoaaaa

احذرووووووو يا اخوانى فى حملة لتشوية السيراتو من جميع الجوانب بالوهم والشائعات والقصص المفبركة وده من مجموعة مش صغير من الاعضاء المنتمين للمنتدى حديثا بمساندة بعض الاعضاء القدامى وطبعا الواعى عارف كل ده لمصلحت مين ... اعلمو يا اصحاب المواضيع والمشاركات المدسوسة المشوهه انا هناك وعى بكل هذه الاعيب والقصص المفبركة فموتو بغيظكم

مع احترامى لحضرتك زى ما فيه احتمال أن فيه مؤامرة على السيراتو اكيد فيه احتمال تانى ان الناس ديه صادقة وبتقول كلام هى مقتنعة بيه بغض النظر عن صحة الكلام ده من عدم صحته أنا مش معايا سيراتو ولا حتى عربية فى نفس الفئة خالص أنا معايا لوجان بس حبيت انصح حضرتك أن بلاش نعمم كلام على كل الناس الى بتنقد لان ده معناه أنك اكيد هتظلم ناس
اما موضوع العربيات المضروبة فبرضه أنا مش مقتنع بيه خالص لان الموضوع مش بالبساطة ديه فيه شهادة منشأ ووكيل قوى كان هيقلب الدنيا لو ده حصل وارقام شاسيهات ومواتير وافراج جمركى و..... الخ حاجات كتير قوى تمنع حاجة زى ديه تحصل ممكن الموضوع ينفع مع موبيل ماشى بس عربية مستحيل

Cerato chinese or made in china....I doubt it....

because there should a sticker (port sticker) that would say Jeddah or Syria or whatever country......there is a guy in my building that has a cerato khaleegy and the sticker on his car says Jeddah so I know that his cerato is saudi specs.....

المشاركة الأصلية كتبت بواسطة zkralla

مع احترامى لحضرتك زى ما فيه احتمال أن فيه مؤامرة على السيراتو اكيد فيه احتمال تانى ان الناس ديه صادقة وبتقول كلام هى مقتنعة بيه بغض النظر عن صحة الكلام ده من عدم صحته أنا مش معايا سيراتو ولا حتى عربية فى نفس الفئة خالص أنا معايا لوجان بس حبيت انصح حضرتك أن بلاش نعمم كلام على كل الناس الى بتنقد لان ده معناه أنك اكيد هتظلم ناس
اما موضوع العربيات المضروبة فبرضه أنا مش مقتنع بيه خالص لان الموضوع مش بالبساطة ديه فيه شهادة منشأ ووكيل قوى كان هيقلب الدنيا لو ده حصل وارقام شاسيهات ومواتير وافراج جمركى و..... الخ حاجات كتير قوى تمنع حاجة زى ديه تحصل ممكن الموضوع ينفع مع موبيل ماشى بس عربية مستحيل

انا مع حضرتك تماما ولكن دايما الجواب بيبان من عنوانه والواضح دايما من الاسلوب المنتقد بيه مرة قصة زى الحواديت ومره اخبار دون سند او مصدر وبيبان طريقة التعبير فيها بالتدليس والادعاء

وانا مع الانتقاد البناء الناصح الصادق مش الى وراه مصلحه

أفيو طب كنت قارنها بأوبترا يمكن كان في ناس اقتنعت
هو في ايه ياجماعة أنا حاسس كده إن في ناس فاكرة السيراتو حماته ومطلعة عينه
معلش سامحوني وماتزعلوش مني بس زادت أوي

بقالى كتير ما شاركتش فى المنتدى المهم لازم أقول حاجة مهمة أنا بقالى كتير بقرأ كل مواضيع المنتدى و سألت هنا و هناك على السيراتو و ركبت كل العربيات اللى فى حدود 100 ألف أو أقل أفيو و أويترا و هيواندى أكسنت و النترا و كروز و لوجان و اسبرانزا حتى البريليانس كل واحدة كان فيها مشكلة اللى ورق على الارض اللى مش ثابتة و اللى مافيهاش أى اوبشن و اللى و اللى المهم اتكلت على الله و قولت اشترى سيراتو خليجى و حسيت اد ايه ان فى ناس بجد كدابة و فشارة و عاملين انهم بيفهموا فى العربية دى و حفظنها حتة حتة و اللى يقولك حدفة شمال و اللى يقولك سخونة و اللى يقولك كاوتش بايظ و اللى يقولك مقصات فاضية من جوهو أنا احلفلكم بالله العظيم أن العربية أكثر من رائعة فى كل شىء و أد ايه ثابتة من غير أى حدفة و لا سخونة و لا أى نيلة و بعد ما جبتها الناس اتقسمت لقسمين قسم بجد مبهور بيها جدا و ده بعد مع خليته يركب عربيتى و قسم تانى عمال يشتم و يسب و أقسم بالله ما ركبش العربية اصلا يا ريت كفاية بقى أنا قعدت متردد اشترى و لا لا بسبب المنتدى قعدت أكتر من 4 شهور و للعلم كان معايا لانسر بومة