في مصر يعيش الاوتوماتك و ربنا يخليلنا الكيك داون و زرار الPower
في مصر يعيش الاوتوماتك و ربنا يخليلنا الكيك داون و زرار الPower
بعيدا عن الأراء الميكانيكية و العلمية المهمة طبعا .. رائي العملي و عن تجربية 3 سنين مانيوال و سنه و نص أوتوماتيك ,, فألأوتو اريح و أسهل بكثير و أنا جايب عربية تريحني و توصلني و المانيوال لازم تبقي مركز 100 ال 100 و كمان الأوتو مريح أكثر للموتور زي ما أستاذ سبعاوي قال
في النهاية الموضوع ده لن يغلق على حل واحد و تبقى الحيرة قائمة و الحل هنا هو معرفة أن الموضع ده نسبي حسب مزاج و أسلوب قيادة السائق و النوعين موجدين و شغالين .. و الأوتوماتيك ده من إختراع لولبي هلامي من الخيال العلمي مثلا و يستحيل إصلاحة أو التعامل معاه
العالم بيستخدم التيبترونيك و الإيزيترونيك و أنواع أخرى و إحنا بحمد الله لسه بنتكلم في مانيوال ولا أوتوماتيك !!!!!!!!!!!!!!!!
أستخير ربك و توكل عليه
مرة اخرى احبائي الموضوع ليس عن ايهما افضل
الموضوع عن مفاهيم نسمعها ونريد ان نعرف هل لها اساس ميكانيكي ام هي مجرد كلام
يعني من يتفضل بمعلومة مثل ان السيارة الاوتوماتيك تستهلك بنزين اكثر او انه لا يمكن تحريكها اذا نامت البطارية يشرح لنا لماذا
و لا يقول كلام مرسل مثل ما يردده صغار الميكانيكية
:khd:
انا سيارتي اوتوماتيك ولم اجرب المانيوال لكي احكم بين الاثنين والحقيقة الاوتوماتيك لم تجعلني اقول لاحد علمني القيادة فتعلمت بنفسي كل ما تعلمته اوضاع الفتيس N-R-D حتى لم اجرب حتى الان فائدة باقي الحروف
وربما لو بدأت بالمانيول لوقفت السيارات خلفي طابورا طويلا يطلقون النفير عند كل اشارة
لذلك اريد ارائكم بالتوضيح لو تكرمتم
ارجو التوضيح اخي الكريم السبعاوي
فأول جملة انت كتبتها متناقضة مع اخر جملة
ام نعتمد اخر فقرة ففيها كلام مهم جداً
ولهذا لي تعليق على بعض النقاط لتوضحها اذا كان فهمي لها صحيحاً فضلا لا امرا
1- ما فهمته ان مجموعة نقل الحركة في المانيوال rigid coupling مكونة من اجزاء اكثر من الاوتوماتيك (مجموعة الدربرياج المكونة من الاسطوانة والديسك والبلية وشوكة الدبرياج)
اليس هذات ادعي لبطء نقل الحركة في المانيوال ولو حتى نظرياُ
وايضا اليس هذا ادعى لتكون الاعطال في المانيوال اكثر من الاوتوماتيك
2- فهمت من كلامك ان عملية التفويت التي تكلمت عليها في الاوتوماتيك قد تم حلها في مجموعة نقل الحركة الحديثة فهل تسمح بشطب هذه العبارة من المضبطة حتى لا تؤثر على رأي الاعضاء؟
3- ما فهمته ان خبراء القيادة فقط امثال سائقي الفورميولا 1 هم الذين يستطيعون ان يسبقوا كمبيوتر الاوتوماتيك وعليه ليس للكلام الشائع بيننا نحن السائقون الهواة ان التسارع في المانيوال اقوى ليس له اي معنى حيث اننا نقارن انفسنا بشوماخر مثلاً
ونقارن شوارع المدن والشوارع الصحراوية بتراكات السباقات العالمية ونقارن ظروف السفر بظروف السباق
بل انني اضيف ان هؤلاء الكبار المحترفون قد لا يرضي غرورهم ان تفكر بدلا عنهم آلة اليكترونية لانني لا اعتقد ان الانسان يسبق العقل الالكتروني رغم انه هو من صنعه
وهذا يذكرني بالاشكالية القائمة بين محترفي التصوير بين الكاميرا الرقمية التى بها معالج يقيس كمية الاضائة والالوان والابعاد وبين الكاميرا العادية التى لا يرضى محترفوها الا ان يقيسوا هذه الاشياء بانفسهم
ولهذا اعتقد ان التقدم التكنولوجي سيقضي على غرور هؤلاء كالعادة
4- شرحت اخي سبعاوي مجموعة نقل الحركة ولكن نريد التوضيح هل لهذا اثر على قوة المحرك او كما يشاع على استهلاك البنزين والزيت و...و...
5- من الاقوال التي تستحق البحث
القول بأن العربية لو نامت بطاريتها فلن تستطيع تحريكها ولن تستطيع (زقها) او حتى جرها
فهل هذا الكلام صحيح ؟ هل يحدث تعشيق للتروس مثلا وتتكلبش السيارة ام ماذا؟
و من الاقوال ان السيارة لا تدور بالزق لماذا ؟ وهذا يقودني لسؤال اخر
اليس الضغط على الزر في رأس الفتيس الاوتوماتيك بديل لكبسة القدم على الدبرياج في المانيوال
بمعنى ان الدبرياج تحول من القدم في المانيوال الى اليد في الاوتوماتيك؟
وبهذا لا يكون الفارق فعليا بين الاثنين الا النقل الالي للغيارات في الاوتوماتيك ؟
بصراحه لما بركب عربيه اوتو بحس ان انا مشلول
انا بحب اجري واسقط ولما احب اقف بسرعه اسقط غيارات
ياراجل دي كفايه وانت باصص للي جامبك كده لو بتشد معاه وتروح مسقط وخالع
بجد بتبقي متعه حقيقيه
نيجي بقي للسبب العلمي او المنطقي
اولا المنوال اعطاله قليله ومش مكلفه
ثانيا لو العربيه بها عطل ممكن تزق العربيه وتدورها
استهلاك بنزين اقل
قله صيانه المنوال (تكاد معدومه) مقارنه بالاوتو
وبالنسبه للتأثير لقوه الموتور طبعا بتأثر والدليل علي ذلك
السرعه القوي للعربيه في المنوال اكثر من الاوتو
فى نقطة تانية لصالح المانيوال و هى الفرامل, فل المانيوال قبل ما تدوس فرامل بتدوس على الدبرياج, يعنى بتفصل الموتور عن العجل و بتفرمل العجل بس, يعنى يتفرمل العربية و هى ماشية بالقصور الذاتى بس فى الاوتوماتيك لما تدوس فرامل, بتفرمل الموتور لحد مال الكنترول يفصل التروس. عشان كده عمر التيل فى الاوتوماتيك أقل بمراحل من المانيوال. انا سمعت أن فى عربيات أوتوماتيك أول ما تشيل رجلك من على البنزين بتفصل التروس عشان ما تحصلش المشكلة ده بس مش متأكد من المعلومة ده.
لا فرق
في المانيوال لو تفاجأت مثلا بمطب فستدوس على الفرامل مباشرة قبل الدبرياج
وكذلك في الاوتو
ولو فرامل مرتاح زي ما هتفصل بالدبرياج في المانيوال هتفصل بالفتيس على وضع نورمال بالاوتو بالضغط على زر الفتيس المشابه للدبرياج في المانيوال
والموضوع سوء استخدام لوظائف فتيس الاوتو فقط
علي فكره انا مختلف معاك تمام لأن كلام حضرتك لحد ما غلط
أولا لمل تيجي تفرمل علي سرعه ياريت ماتمورش العربيه ولا تدوس دبرياج لحد ما السرعه تكون بطيئه وده مش غلط بالعكس ده هو ده الصح ومليون صح
هقولك ليه : علشان لما انت بتمور بيبقي حمل العربيه كله علي التيل الامامي وبالتالي التيل بيسخن وبالتالي مش بيحقق القدره الممكنه منه في الفرمله
لكن لو انت معشق الغيار هتلاقي العربيه مكلبشه وده هيريح التيل ويخليه يحقق اقصي قدر من الفرمله
وبالنسبه لأن عمر التيل اقصر في الاوتو ده ليه سبب تاني انت لما تكون في منطقه زحمه في المنوال بتفضل رجلك بين البنزين والدبرياج وقليلا ما تلمس الفرامل وحتي لو دوست مش بتدوس قوي
لكن تعالي من الاوتو وانت بقي مدي غيار وفي حته زحمه علشان العربيه بتمشي لوحدها وهي واخده غيار فا انت مش هتشيل رجلك من الفرامل وده طبعا عمر من التيل
وتاني حاجه ان العربيه بيكون فيها غيار حتي لو وقفت وده بيخلي الحمل كتير علي التيل ودي من اهم الاسباب اللي بتخليه يخلص بسرعه