طيب ما انت في المنوال ممكن تسقط باردو وبالعكس هتكون اسرع من الاوتو
بالنسبه للزرار ده زي ما قلت انك لازم تدوي علشان تنقل من ال p لأي حاجه تاني
لكن للنقل من d ل 2 او ل 3 عادي بدون زرار
وبالنسبه لموضوع الفرامل ده فا ده موجود في عربيات كتير خصوصا الالماني وده لزياده الامان باردو انك تدوس فرامل لما تكون علي وضع ال p علشان تنقل لأي غيار تاني
نيجي بقي لنقطه الجر
علي فكره الجر في الاوتو مسموح بس لمسافه قريبه ليه بقي انا هحاول اشرح بشكل عام شويه
علشان تروس الجير الاوتو بتكون لحد ما متصله حتي اذا كان في وضع ال N وعلشان كده غلط انك تجر العربيه لمسافه كبيره
يعني انت ممكن تجرها عادي وممكن تزقها بس مش لمسافه كبيره لعدم التأثير علي الجير
HeMa_LanCeR
انا عارف و عارف ان في المانيوال بيكون في ناس بتبقي احسن من الاوتماتيك انا بس بوضح للاخ المزايا الموجوده في الاوتوماتيك لاني اعتقد انه عارف المانيوال كويس انا كنت بعرفه اني في الاوتماتيك ممكن احرق برده و اشد
تروس الجيربوكس متصلة حتى على الوضع n يعني لو زقيت العربية يتحرك العجل وتتحرك التروس ويتحرك المحرك نفسه ؟
ام ان حركة العجل عند الزق تنتقل الى تروس الجيربوكس
ياريت توضح هذه النقطة ومدى خطورتها اذا علمنا ان تروس الجير بوكس تتحمل تحريك السيارة حتى سرعة عالية اصلا وعلى حد علمي انه في الاوفر دريف تزيد هذه التروس حركة اللعجل فوق معدل حركة الموتور نفسه
وفي المانيوال كيف تنفصل حركة العجل عن حركة التروس
خلي الموضوع تثقيفي دسم على قد ما تقدر ارجوك
انا هقول لحضرتك الطريقه في المنوال علشان تكون اوضح لينا في لاوتوماتيك
لو انت ماشي علي سرعه في المنوال ودوست دبرياج بس انت لسه علي الغيار
يبقي كده حضرتك فصلت الموتور عن الفتيس ولكن لسه العجل متصل بالفتيس ولسه واخد نفس السرعه وبكده بتكون الشجره لسه بتلف بنفس المقدار (الشجره دي العمود اللي ماسك التروس بداخل الجير)
لكن بقي لو حضرتك دوست دبرياج ومورت بكده يبقي انت فصلت الفتيس عن الموتور وعن كل حاجه
نفس الفكره بقي في الاوتو لما انت بتكون جايب ال n بيكون نفس الحوار ان التروس جوه علي اتصال
بالنسبه بقي للاوفر درايف فا ده وظيفته بقي انه يخلي العربيه ماتجيبش الغيار الرابع يعني تفضل حارق علي التالت
وطبعا ده غلط انك تمشي عليه كتير اكتر من سرعه معينه وطبعا بتكون متحدده في كتيب التعليمات الخاص بالسياره
يعني علي ما اتذكر اللي كنت قريته كتاب الصني وكانت اقصي سرعه للأوفر 100 كم
يبقي نرجه تاني لكلامنا و نقول ان كده زي ماقلت مش غلط انك تزق العربيه ولكن غلط انك تجرها لمسافه طويله
يبدو اننى لم احسن اختيار اسلوب التعبر عن فكرتى لدرجة ان ما وصل منها للآخرين شئ يبتعد كثيرا عما قصدته وهذا فشل ذريع فى قدارت الاتصال استحق الايقاف عليه لمدة اسبوع لذلك ارجو ان يتكرم احد الزملاء الكرام بأن (يزرنى) تقرير مشاركة علشان اتوقف لمدة اسبوع مع التوصية بحصولى على كورس فى مهارات الاتصال :)
بعيدا عن المزاح نتكلم جد شوية واحاول اوضح فكرتى تانى:
اولا معنى كلمة نقل الحركة هو نقل سرعة وعزم المحرك الى الفتيس او ما يسمى ،transmission وليس مقصود بها النقلات بمعنى الغياراتshifting وهكذا فعندما نتكلم عن ان مجموعة نقل حركة اكفا من اخرى فنحن نتكلم عن ادائها فى اثناء التسارع وليس اثناء النقل من غيار الى غيار
مجموعة نقل الحركة(الصلبة )الموجودة فى السيارة اليدوية تجعل سرعة دوران خرج الموتور هى نفسها سرعة دوران دخول الفتيس لأنه لا يوجد سبب لفقد جزء من سرعة الدوران (أو التفويت ) بين قطعتى نقل الحركة(ألاسطوانة والديسك)
مجموعة نقل الحركة (الزيتية-الهيدروليكية) الموجودة فى السيارة الاوتوماتيك تجعل سرعة دخول الفتيس اقل قليلا من سعة دوران المحرك ولذلك لوجود سبب لفقد جزء يسير من السرعة بين قطعتى نقل الحركة(المروحة والغلاف) هو انهما ليستا متلامستان وانما بينهما طبقة زيت هى التى تنقل الحركة
المحصلة: فى حالة التسارع(ألكبس علبى البنزين اثناء ما الغيار متعشق بالفعل) العربية المانيوال هتسبق اختها الأوتوماتيك
النقطة الثانية: نظم نقل الحركة الهيدروليكية الحديثة قللت الفقد بين المحرك والفتيس الاوتوماتيكى، لكنه فى كل الأحوال لا يزال موجود، فيما معناه الآتى، لو كانت سيارة اتوماتيك فى الماضى تسارعها هيبقى 85% من تسارع اختها المانيوال فان السيارة الأوتوماتيكية الحالة تسارعها هيكون 98% من تسارع اختها المانيوال، لكن تبقى المانيوال اكثر تسارعا (اثناء ما الغيار متعشق وليس اثناء النقل)فى كل الظروف ولو بفارق ضئيل
السيارة الأوتوماتيك بتنقل اسرع، بمعنى انه فى السيارة المانيوال السائق بيحط رجله على الدبرياج(ثانية ونص تقريبا) وبعدين يفك الغيار من مكانه (ثانية) وبعدين يبيته فى المكان الجديد(ثانية ونص تقريبا) وبعدين يشيل رجله من على الدبرياج (ثانيتين) يعنى بنتكلم فى 5-6 ثوانى للنقلة، كل الثوانى دى مش بيحصل فيها تسارع وانما تباطؤ بفعل مقاومة الهواء والاحتكاك ،في حين ان السيارة الاوتوماتيكية تقوم بتغيير النقلة فى ثانية واحدة تقريبا، وفرق الثوانى(5-1=ثوانى4) هو الوقت الذى تقوم فيه السيارة الأوتوماتيكية بتعويض فرق التسارع بينها وبين اختها المانيوال لانها لا تتباطأ سوى لثانية واحدة
يعنى لو تخيلنا ان سيارتين متماثلتين فى كل شئ احداهما مانيوال والثانية اوتوماتيك انطلقتا بأقصى سرعة من السكون ، فستسبق السيارة المانيوال اختها الاوتوماتيك حتى تحين لحظة الغيار من الأول للثانى التى يستغرق فيها سائق السيارة المانيوال بعض الوقت فى حين تقوم الأخرى الأوتوماتيك بالنقل فى زمن اقل بكثير ، وفى تلك اللحظات التى تتباطأ فيها السيارة المانيوال اثناء قيام السائق بالتغيير تكون السيارة الأوتو قد لحقت بها او كادت، وهكذا فى باقى الغيارات ،
بالنسبة لخبراء القيادة فأنا لم اعنى سائقى الفورميلا وان، وانما اى شخص تتاح له الفرصة لقيادة سيارات عديدة، يعن مثلا سائق بشركةسيارات سياحية يكون لدية الحس اللازم للتفريق بين هذة وتلك، وبالتالى مش لدرجة تراكات السباق، لكن برضه الفرق ضئيل
اتنمى ان تكون الصورةاتضحت هكذا واعتذر مرة ثانية عن عدم قدرتى على توصيل فكرتى فى المرة السابقة، ولو لسة الفكرة مش واضحة هولع فى نفسى الأول وبعد كدة انا على اتم استعداد للشرح مرة اخرى :)
الاتوماتيك اثبت نجاح فى الدول المزدحمة
انا عن نفسى بموت فى المنيوال
الواحد بيفكر يقلبها مانيوال أصلاً بس كل ما امشى في الزحمة أرجع في كلامي
والله ياجماعة من خلال خبرتى البسيطة فى سواقة لانسر1600 الاوتو
لقيت المانيوال احسن بكتير فى سرعة استجابة العربية وامتع كمان
مش قصر ديل ولا حاجة
ده مزاج