الموضوع: عاوز خوزه ريس كويسه ومش غاليه وشكلها حلو

متابع....

بتقول كويسه ومش غاليه ازاي يعني؟ منت لازم تحدد عايز خوذه لايه

اصل الي بيركب ريس بيبقى نوعين

just riding

and

racing

فا انت لو بتركبه عشان اغلب مشيك سباقات وبتجيب ال 180 وال

ال 200 اغلب الوقت ان مكنش اعلى فا لازملك خوذه محترمه

وسيفتي جونتي فايبر وماركة فوكس محترمه وجاكيت جلد فايبر

والخوذه تقبل شارك او arai دول انضف حاجه

انما لو عايز خوذه ومشيك عادي وعشان لو في لجنه يبقى في نوعين ال index

وديه منتشره جدا في مصر وبتبدا من 200 جنيه ل 500

وفي منها عند احمد فهمي ولو عايز خوذه تقضي الغرض والسلام

ممكن تنزل شارع بولاق ابو العلى المحلات كتير وانواع الخوذ

نقي الي يعجبك فيهم واسعارهم بتبدء من 50 جنيه ل 150 على حسب

الخامة وطبعا الخوذه انت مش حتجبها كل يوم فا هات حاجه نضيفه زي

ال index مثلا ب 300 جنيه وخلاص واولا و اخرا الاعمار بيد

الله في ناس وقعت وقعات موت وبدون خوذه ومحصلهاش الهوا

لان مش مكتبلوه ان يجراله حاجه وياما ناس لابسه فووول سيفتي

وتمنه معدي ال 1000 دولار واكتر وبيتموت او تتكسر بس امشي بعقل طبعا

و الاحتياط واجب عشان تعمل ب ( ولا ترموا بانفسكم في التهلكه )

والخوذه متجبهاش يوزد لان ممكن متكونش مقاسك انت روح

وجرب كل خوذه لغاية ما تلاقي الي تناسب اسطمبت راسك

سلام

ولا تلقوا بايديكم الى التهلكة.......
راجع

المشاركة الأصلية كتبت بواسطة star_is_mesho

ولا تلقوا بايديكم الى التهلكة.......
راجع

الاية الكريمة : وَأَنفِقُواْ فِي سَبِيلِ اللّهِ وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ ( آية 195) من سورة البقرة

في فرق مابين اني اقول اعمل بالايه الكريمه غير لما اقول اعمل بمقولة ولا تلقوا بانفسكم في التهلكه


وطبعا الجمله ديه معروفه في مصر انا لو كنت قلت اعمل بالايه وكتبتها غلط سعتها وجب التصحيح

لان لو تبص على كل اية بكتبها بجبها من جوجل بالتشكيل والحرف

ياريت تراجع انت كويس وتفهم الواحد بيقصد ايه

وطبعا زيها زي ماقولات كتيره في مصر

وانت عايش في مصر طبعا مش في هاواي

المشاركة الأصلية كتبت بواسطة star_is_mesho

ولا تلقوا بايديكم الى التهلكة.......
راجع

انت غلطان برضه......
ابعد عن الشبهات...مش كل الناس فاهمة انت تقصد ايه
بعدين مافيش حد فمصر بيقول كده
بعدين مالك اتحمقت كده

ما بتستحملش وجهة نظر الاخر ما تتكلمش فى العامه
لغة الحوار رأى ورأى اخر

سلام عليكم

ايه يا حليم يا شر اشتر هههههههههههههههه

لا اتحمقت ولا حاجه انا بس بوضح انا كنت بقصد ايه

واسئل اي حد في مصر على مقولة ولا ترموا بانفسك في التهلكه

حيقولك ان هو قصده نصيحه وطبعا لو كنت عايز اقول الايه

كنت جبتها بالتشيكل من جوجل زي كل مره

عموما انا عادي عن وجهة الاخر مش

بضايق زي بعض الناس

حبيب قلبي

كونك عارف حليم ده

تبقى تستاهل سلام كبير

والاختلاف فى الرأي لا يفسد للود قضيه
حصل خير

كلنا نسعى للفائده العامه
وربنا يفق الجميع