الموضوع: كاوازاكي 650

المشاركة الأصلية كتبت بواسطة merit

في كاوازاكي مو2008 650cc عامل حوالي 5000كم لونه إسود لسه جاي من بره مطلوب فيه 27000 ، أنا عارف إن مشكلة الكاوازاكي موضوح السخونة في مصر بس السعر بالنسبة للموديل والشكل إيه أخباره

أنا لسه ماشفتهوش بس دي المفروض صورة ليه



عاوزين رأي الناس الي فاهمة

مين الي قالك الكوزاكي بيسخن مابيسخنش ولا حاجه ومن وجهه نظري افضل من الهوندا كشكل واستعمال وتحمل وثبات مشكله الكوازكي حاجه واحده بس ارتفاع اسعار قطع الغيار مقارنه بأنواع كثيره ولكن الحق يقال من استعمالي له ممتاز جدا وتوكل علي الله واكيد انته تقصد 636 مش 650

المشاركة الأصلية كتبت بواسطة merit

مش عارف أنا كل الناس بتقوللي دا بيكون أفضل للبلاد البرد وكمان أعرف ناس كانو راكبين كاوازاكي برضه نفس التعليق(بيسخن جدا)+مشكلة قطع الغيار ، المشكلة الأكبر هي إعادة سعر البيع يعني إحنا هنا في مصر مابنفهامش غير هوندا وبس ودي مشكلة لما بتيجي تبيع عشان كدة لازم يكون سعره لقطة ، في إنتظار مزيد من التعليقات للإستفادة وشكرا للجميع

موضوع السخونه هيسخن معاك لو زحمه لكن لو انته ماسك طريق وماشي بيه علي 70 اقل تقدير يعني هيكون حرارته ممتازه هتكون حرارته في حدود 80 و90 درجه لما بتوقف بيه 4 او 5 دقابق في اشاره مثلا هتوصل الحراره معاك لغايه 105 وبعدين هتلاقي المروحه اشتغلت وتبدا الحراره تكون معاك في معدل الميه مثلا انا بقلك كده عشان تبقي مطمئن يعني لو مشيت بيه وحسيت انه الحراره عليت لكن اساسا لغايه 110 متخافش لو عليت اكتر من كده لازم تمشي بيه يامان حتي لو هتكسر الاشاره او تطفيه انا في الكويت وفي شهر 5 تحديدا كان بيحصل معاي كده وكان الموضوع عادي ومعروف الكويت جوها حار اكتر من مصر اما مسأله السعر انا شايف انه 27 الف سعره ممتاز علي حجم 636 موديل 2008 والله ممتاز وانا لو مكانك مكنتش اترددت لحظه في الشراء وبعدين الي غاوي يركب موتسيكلات مش هيفكر في خساره 3 او 4 الاف في سبيل استعماله مثلا يعني